Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




कलस्‍सी 3:3 - ह्योल्‍मो

3 च्‍यिबेमाना ख्‍याया़ स्‍यि सिहन्‍दी येह, ओहले ख्‍यागी मिहजी किन्‍ज्‍योला मास्‍यीका ङ्याम्‍बुराङ पे़ह ज़्‍या़दी येह।

အခန်းကိုကြည့်ပါ။ ကော်ပီ




कलस्‍सी 3:3
32 ပူးပေါင်းရင်းမြစ်များ  

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।


ता़ह ङ्यिहमा तोबा तिङले जाम्‍बुलीङगी ङाहला नाहमॱआङ थोङज्‍ये म़ेह, यिहॱनाङ ख्‍याया़गी ङाहला थोङज्‍ये येह। ङाह सोम्‍बो यिहन्‍गे सोङबे ख्‍याया़ॱआङ सोम्‍बो ओहङज्‍ये येह।


च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।


यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”


च्‍यिबेमाना काह-ठि जेती याहपगी स्‍यिक्‍योया़ला सोम्‍बो लो़ह च्‍य़ू नाङगे ओहले खुङया़ला मिहली नाङगे, ओ़हठीॱराङ पेहती स़ेबुगीॱआङ का़हन्‍दीला थु ङ्ये़गे ओ़हदीला मिहली नाङगे।


“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।


यिहॱनाङ था़ म़ेहबा मिहली साम्‍बा ज्‍योर्च्‍येला ख्‍याया़ ङाहसाला ओहङज्‍येला मा-लोक पेहकें।”


च्‍यिबेमाना ओहराङ किन्‍ज्‍योगी टाह येहकेमुराङ मिहरोगी स़ेबु ओहराङगी तेहन्‍दाला टोहङ नाङसीन ओहले मास्‍यीकाकी स्‍यिवा लाहमले किन्‍ज्‍योगी ओहराङला राहङदीराङ रो़ह ज़ो नाङदी येह मासीमाना, ता़ह ओहराङ तोहरोङ माहङबु किन्‍ज्‍यो ङ्याम्‍बुराङ डी़क्‍यो सोङबे मास्‍यीकाकी मिहली लाहमले किन्‍ज्‍योगी ओहराङला थार च्‍य़ू नाङज्‍ये येह।


ओ़ह ती़हजीला तिहक्‍पागी स्‍यिवा लाहमले मिहया़ थो़ला ओङ छ्य़ेक्‍यो ल़ेहमु ताहन्‍दा किन्‍ज्‍योकी काटीनगी ओङ छ्ये़गेॱराङ येहबा। दि काटीनगी पेहतीराङ ओहराङला किन्‍ज्‍योगी दिनला टाहङबु सी़ह च्‍य़ू नाङसीन ओहले ओहराङ चो़वो येशू मास्‍यीका लाहमले ओहराङला था़ म़ेहबा मिहली ज्‍योर्ती येहबा।


ओ़हठीॱराङ पेहती ख्‍याया़गीॱआङ राहङ-राहङला तिहक्‍पाकी तेहन्‍दालादी स्‍यिक्‍यो यिहॱनाङ किन्‍ज्‍योगी तेहन्‍दालादी मास्‍यीका येशू ङ्याम्‍बुराङ सोम्‍बो काहल्‍ग्‍यो म़ेदी ऩे कोहएँ।


मिहम्‍बा, ओ़ह ल़ेहमु पेहच्‍ये मेहयोहङगे। तिहक्‍पाकी तेहन्‍दालानी ओहराङ स्‍यि सिहन्‍सीन, ओ़ह सोङबे ता़ह ओहराङगी येहपाराङ तिहक्‍पाराङ पेहती तेहच्‍ये मेहयोहङगे।


तिहक्‍पा दाङ स्‍यिवाकी छ्य़े-ठिम लाहमले ङाहला मिहली नाङगेन थुगी, छ्य़े-ठिमगी मास्‍यीका येशूला खा फे़ नाङदी येह।


ओ़ह सोङबे छ्य़ेला दि ल़ेहमु प्रुहक्‍यो येहबा, “तोहङस्‍यो मिह आदमदी मिहली ज्‍योर्केन्‍गी मिह येहकें।” यिहॱनाङ तिङस्‍यो आदमदी मिहली नाङगेन्‍गी थु काहल्‍सीन।


का़हन्‍दी मिह यिहक्‍तेन म़ेह, खोगी किन्‍ज्‍योकी थुगी स्‍याहलया़ ल़ेहन मी़हखुएँ। च्‍यिबेमाना ओ़ह से़हया़नी खोगी तेहन्‍दाला उल्‍दुम्‍बा यिहम्‍बा ओ़ह सोङबे खोगी ओ़ह से़हया़ ङोह स्‍य़े मी़हखुएँ, च्‍यिबेमाना ओ़ह से़हया़ यिहक्‍तेन लाहमले च्‍यी़राङ ङोह स्‍य़े ख़ूएँ यिहम्‍बा।


ङ्यिहनी मास्‍यीकागी चेवागी ओङ चो़ला येहबा। च्‍यिबेमाना मास्‍यीका मिह थाम्‍ज्‍यीगी तेहन्‍दाला टोहङ नाङसीन ओ़ह सोङबे ङ्यिह थाम्‍ज्‍यी स्‍यिसीन दि केच्‍या ङ्यिहला क्‍यी़ह येहबा।


च्‍यिबेमाना ङ्यिहगी थोङग्‍यो सोङबे मिहम्‍बा, यिहॱनाङ ङ्यिह यिह-छ्य़े पेहती राहङगी मिहजी ताङगे।


ङाहगी निङबा मिहली मास्‍यीका ङ्याम्‍बुराङ क्‍याहङस्‍यीङला च्‍याङदी स्‍यिक्‍यो येह, ता़ह यिहन्‍ज्‍यु ङाह मिहम्‍बा ङाह नाहङला मास्‍यीका ज़्‍य़ू नाङदी येहबा। ताहन्‍दा ङाह ज़ुबुला थार्ती तेहक्‍योदी ङाहला माहङबुराङ चेवा जेती ङाहगी तेहन्‍दाला मिहजी नाङगे किन्‍ज्‍योगी स़ेबु थो़ला तेहपा पेहती थार्केराङ येहबा।


ना थाम्‍ज्‍यी से़हया़ छ्या़ च्‍य़ू नाङगे किन्‍ज्‍योगी काल्‍बा-काल्‍बा यिहन्‍ज्‍यु साङदे ज़्‍या़ नाङग्‍योकी तिहङ-रिहङबुकी केच्‍याया़ च्‍यि यिहम्‍बा, ओ़ह मिह थाम्‍ज्‍यीला प्रा साल्‍गेन्‍गी काटीन ङाहला नाङसीन।


ओहले मिहगी नोम्‍साङ ताङदीॱआङ ताङॱराङ मी़हखुएँ किन्‍ज्‍योकी स्‍य़िहदेगी ख्‍यागी यिह दाङ सेमला येशू मास्‍यीकाला सी़दे ज़्‍या़ नाङज्‍ये येह।


ख्‍याया़गी तेहन्‍दाला स्‍यिहङगामला या़हबु पेहती ज़्‍या़क्‍यो रेहवागी पेहती ख्‍यागी दि ल़ेहमु यिह-छ्य़े दाङ चेवा पेहक्‍यो यिहम्‍बा। दिगी तेहन्‍दाला ख्‍याया़गी तोहङलेराङ तेहन्‍दामकी सुङ पे यिहॱनाङ या़हबु लेहङगु थ़े सिहन्‍दी येह।


ख्‍याया़नी मास्‍यीका ङ्याम्‍बुराङ स्‍यिक्‍यो सोङबे ता़ह दि जाम्‍बुलीङकी पे-ठिम यिहन्‍ज्‍यु टोहल सिहन्‍दी येह। ता़ह येहपाराङ ख्‍याया़ च्‍यिबे दि जाम्‍बुलीङगी मिहया़ ल़ेहमुराङ पेहती राहङगी मिहजी ताङगे? दिनी ल़ेहला च्‍य़ूज्‍ये मेहयोहङगे, दिनी साहज्‍ये मेहयोहङगे, दि दे़ज्‍ये मेहयोहङगे माएँ पे-ठिमया़ॱराङ ख्‍यागी च्‍यिबे ची़गे?


मास्‍यीकालाॱराङ किन्‍ज्‍योकी थाम्‍ज्‍यीराङ येहन्‍देन दाङ रिहक्‍स्‍यीकी क्‍युह यिहप्‍ती येहबा।


ख्‍यागी तेहन्‍दामगी मिहलीनी मास्‍यीकाॱराङ यिहम्‍बा ओहले मास्‍यीका जाम्‍बुलीङला लो़हदी फेप नाङगेमु मिह थाम्‍ज्‍यीगी मिहरोला थोङज्‍ये येह, ओ़ह ती़हजीला ख्‍याया़लाॱआङ मिहरोकी ज़िज्‍यिद ङ्याम्‍बुराङ ओहङग्‍यो थोङज्‍ये येह।


ओ़ह सोङबे मिहरोला यिह छ्य़ेदी किन्‍ज्‍यो पोहला ओहङगेया़ला मिहरोगी ताहन्‍दा दाङ नाहम माॱनाङ थार्पा थोप च्‍य़ू थुप्‍कें। च्‍यिबेमाना खुङया़गी तेहन्‍दाला किन्‍ज्‍यो ङ्याम्‍बु सोल्‍वाङ ताप नाङज्‍येला मिहरो नाहम्‍स्‍यी किन्‍दु ज़्‍य़ू नाङगे।


यिहॱनाङ ख्‍यागी नाहङ सेमदी या़हबु ओहङ कोहकें, ओ़ह नाहमॱआङ याहल्‍दी मेहन्‍डोएँ ङ्येम्‍ज्‍युङ दाङ स्‍य़िहदेकी केहन्‍ज्‍याया़गी राहङगी सेम ज़ाप कोहएँ यिहम्‍बा ओ़ह किन्‍ज्‍योगी ज़ी़लुला ज्‍यिबुराङ रिहन केहपु येहबा।


दि ल़ेहमु पेहती खोगी राहङगी मिहलीकी ओहङगेन ती़हजीया़ला येहपाराङ मिहगी सेमला ने़जेबाकी चोक्‍पा लाहमया़ला खो स्‍य़ूहदी डोज्‍ये म़ेह, यिहॱनाङ खोगी किन्‍ज्‍योगी थु ङ्ये़बाकी मिहजी ताङज्‍ये येह।


ए ङाहगी च्‍याहम्‍बु रो़हया़, ताहन्‍दानी ओहराङ किन्‍ज्‍योगी छार्क्‍यीनया़राङ यिहम्‍बा यिहॱनाङ तिङलेनी ओहराङ च्‍यि ओहङगे यिहम्‍बा, ओ़हगी तेहन्‍दाला किन्‍ज्‍योगी ओहराङला ह्‍अ कोह च्‍य़ू नाङदी म़ेह। यिहॱनाङ मास्‍यीका फेप नाङ फान्‍ज्‍यो ओहराङॱआङ मिहरो ल़ेहमुराङ डोज्‍ये येह च्‍यिबेमाना मिहरो काहन्‍डुमु येहबा, ओहराङगी मिहरोला ओ़ह ल़ेहमुराङ थोङज्‍ये येह।


सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा! सुगी क्‍याहल्‍गे, ङाह खुङया़ला पे़हदी ज़्‍या़क्‍योगी मन्‍न तेर्च्‍ये येह। ङाह खुङला तोह कार्पु च्‍यी़ॱआङ तेर्के, ओ़ह तोह कार्पुला मिहन साम्‍बा च्‍यी़ प्री़हदी येहबा। दि तोह कार्पु ज्‍योर्केया़गी मिहम्‍बा लेहमेन सुगीॱआङ ह्‍अ मेहकोहएँ।’”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ