25 सुगी ल़ेह चोक्पा पेहकें खोला ङ्य़ेहबा फो़ज्ये येह च्यिबेमाना किन्ज्योगी सुलाॱआङ ङ्येम्बा-ङ्य़ेहरी जे मेहनाङगे।
च्यिबेमाना मिहगी स़ेबु राहङगी याहपकी ज़िज्यिद नोम्दे स्यिहङगामकी स्याहप्च्यीया़ ङ्याम्बु फेप्नाङगेमु मिह थाम्ज्यीलाराङ राहङ-राहङगी पेहक्यो ल़ेहला ते़बे च्याहगा नाङज्ये येह।
ओहले ओ़ह च्यिवा च्येकें मिहया़गी येशूला टी़हसीन, “लोबेन लाह, ङ्यिहला क्यी़ह येह, राहङगी सुङ नाङग्योकी स्याहल दाङ सुङदेनया़ ठाबे येह। राहङगी मिहया़गी तोहङबा ज़ी़दी स्याहल सुङ मेहनाङगे, राहङगीनी किन्ज्योगी तेहन्दामगी लाहम तेन नाङगे।
ओहले पत्रुसगी ताम माज्ये छ़ूसीन, “दि ताम तेहम्बाराङ यिहम्बा दु किन्ज्योगी सुॱलाङ ङ्येम्बा-ङ्य़ेहरी जे मेहनाङगे।
च्यिबेमाना किन्ज्योगी सुलाॱआङ ङ्येम्बा-ङ्य़ेहरी जे मेहनाङगे।
च्यिबेमाना ङ्यिहमा च्यी़ ओहराङ थाम्ज्यीला मास्यीकागी ठिम ताङ नाङज्ये येह ओ़ह ती़हजीला ओहराङ थाम्ज्यी मास्यीकागी दिनला लाहङ कोहच्ये येह। ओहराङगी दि मिहजीला ल़ेह या़हबु, चोक्पा च्यि च्यि पेहक्यो येहबा ओ़हला ते़बे सेदो ज्योर्च्ये येह।
योक्पु यिहॱना़ यिहन, मिहनॱनाङ मिहन या़हबु ल़ेह पेहकें मिह थाम्ज्यीला चो़वोगी च्याहगा नाङज्ये येह, दि ताम ख्याया़गी टेहम्बा ज़्यो़।
ए ताहक्पुया़, ओ़हठीॱराङ पेहती ख्याया़गीॱआङ राहङगी योक्पुया़ला या़हबु पेहतोङ, ओहले खुङया़ला ज्यी़-ङोर माहतेन च्यिबेमाना ख्या ङ्यिकाराङगी ताहक्पु स्यिहङगामला ज़्य़ू नाङदी येह, ओहले मिहरोगी सुॱलाङ ङ्येम्बा-ङ्य़ेहरी जे मेहनाङ।
ए ताहक्पुया़, राहङ योक्पु-यो़मुया़ला ङ्येम्बा-ङ्य़ेहरी माहबेबा पेहती ठिमला ते़बे छ्याप्स्यी या़हबु पेहतोङ। ख्यागीॱआङ स्यिहङगामला राहङगी ताहक्पु ज़्य़ू नाङदी येह माएँ टेहम्बा माहच्येह।
दिगी तेहन्दाला सुज्यीगीॱआङ राहङगी आदा-नो़हला गो़ कोर्ती खो लाहमले खेप्साङ माहतेन्ज्यु। दि ल़ेहमु तामला चो़वोगी ङ्य़ेहबा काल नाङज्ये येह। ङ्यिहगी ख्या फ़ेबे-म़ेहमेया़ला तोहङलेराङ दिगी तेहन्दाला छ्यिसाल-नाहङसाल पेहती ज्यी़-ङोर तेर सिहन्दी येहबा।
ओहराङगी किन्ज्यो ठिम जेनाङगेन्गीकी किन्ज्यो यिहम्बा, ख्या फ़ेबे-म़ेहमेया़ला तुहक्पु तेर्केनया़ला मिहरोगीॱराङ ङ्य़ेहबा काल नाङज्ये येह।
का़हलेॱआङ खोगी ख्येला च्यिॱआङ ल़ेह चोक्पाया़ पेहक्यो येहसीमाना ओहले खोगी च्यिरा च्याल कोहच्ये येहसीमाना ङाहगी मिहनला ज़्या़दोङ।
ताहङबो स्यिहङगामकी स्याहप्च्यीया़गी ओहराङ चावाया़ला स्य़ेक्यो किन्ज्योकी लुहङ तेहम्बा-तेहन्सुम सी़हसीन ओहले ओ़ह लुहङ मी़हचीएँ दाङ मिहङ्यीहन्गेनया़ला फो़ कोहएँगी ङ्य़ेहबा फो़सीन।
सुलाॱआङ ङ्येम्बा-ङ्य़ेहरी जे माहनाङबा जेती मिहगी ल़ेहला ते़बे ठिम ताङ नाङगेन्दीला याहप म़ेदी क्याप्केन यिहन्सीमाना, दि ङ्यिहमा ङ्यी़गी जाम्बुलीङला लिहकें थु राहङगी छे काहङ किन्ज्योगी ज्यिक्पा खुर्ती मिहजी ताङदोङ।
मुहर-मुहर म़ेदी तेहकेनया़, नाहमॱआङ सेन्दोग मेहयोहङगेया़, राहङगी सेमला ने़जेबा पेहती डोएँया़, छ्य़ेन्दो तेन्दी ताम माएँया़ ओहले राहङला खेप्साङ ओहङज्येगी तेहन्दाला लेहमेन मिहया़ ङ्याम्बु ज्याप्ला तेन्गेया़ दि मिहया़राङ यिहम्बा।