कलस्सी 3:24 - ह्योल्मो24 च्यिबेमाना ख्याला चो़वोगी ताहम्ज्या ज़्या़ नाङग्योकी च्याहगा नाङज्ये येह म़ेदी क्यी़ह येहबा। चो़वो मास्यीकाॱराङ ख्यागी ताहक्पु यिहम्बा। အခန်းကိုကြည့်ပါ။ |
कलस्सी 3:24
31 ပူးပေါင်းရင်းမြစ်များ
“आहन्डा मिहम्बा, ख्येगी राहङगी टाहॱलाङ चेवा पेहतोङ, ओहले खुङया़ला या़हबु पेहतोङ, लो लेहन्गेन्गी रेहवा माहबेबा पेहती पेहलेन तेर्तोङ। दि रोहवा पेहसीमाना ख्येला च्याहगा छ्यिम्बुच्यी ज्योर्च्ये येह, ख्ये वाङज्या छ्यिम्बु जेती ज़्य़ू नाङगेन किन्ज्योगी छार्क्यीन ओहङज्ये येह। किन्ज्योगी गिन म़ेहबा दाङ मिह ङ्येहम्बालाॱआङ थुज्यी ज़ी़ नाङगे।
ता़हनी ङाहगी ख्या फे़बेया़ला किन्ज्योगी छ्या़ला च्योल्गो येहबा। किन्ज्योगी ओहराङला थुज्यी ज़ी़ नाङगेन माएँगी सुङ सेमला ज़ुङदी टेहम्बा माहच्येहप्पा पेहती तेहतोङ। ओ़ह सुङगी पेहतीराङ किन्ज्योगी ख्या फे़बेया़ला यिह-छ्य़ेला स्युक क्ये च्य़ू नाङज्ये येह ओहले राहङगी मिहया़ला मेलाम थोप्केन्गी मिहया़ ज़ो नाङज्ये येह।
ङ्यिहगी ज्याल्गा थोङसीन म़ेदी ङ्येम्ज्युङ पेहचेनज्यी तेन्दी स्यिहङगामकी स्याहप्च्यीला छ्येपा फुल्गेनया़ॱआङ येहबा। ओहले खुङया़गी ख्याया़ला दि ल़ेहमु यिहनॱराङ मिहम्बागी तामया़ स्येती गो़ कोर च्य़ूदी ख्यागी ज्योर कोहएँगी च्याहगा तोर मा़हच्यु। दि ल़ेहमु मिहया़ तिहक्पागी सेम थो़दी तेहन्दाॱराङ म़ेहबाकी तामया़ला छ्य़ेन्दो तेन्दी तेहकें।
किन्ज्योगी ताहम्ज्या ज़्या़ नाङग्यो नाहम्स्यी किन्दु लिहकेन्गी मेलामया़ मास्यीका लाहमले क़े क्याहप नाङग्यो मिहया़गी ज्योर ख़ूज्यु म़ेदी दि साम्बा ताहम्ज्या ङ्याम्बु लाहम्बा जे नाङगेन्दी मास्यीकाॱराङ यिहम्बा। तोहङस्यो ताहम्ज्याकी ती़हजीला मिहया़गी पेहक्यो तिहक्पालेगी खुङया़ला खा फे़ नाङज्येला मास्यीका टोहङ नाङसीन।
ကြော်ငြာတွေ