कलस्सी 3:17 - ह्योल्मो17 ख्याया़गी च्यि पेहॱनाङ च्यि माॱनाङ ना थाम्ज्यी चो़वो मास्यीकागी छेनलाराङ पेहतोङ ओहले मिहरो लाहमलेॱराङ किन्ज्यो याहपला थुज्यी-छ्ये़ फुल्दोङ। အခန်းကိုကြည့်ပါ။ |
कलस्सी 3:17
29 ပူးပေါင်းရင်းမြစ်များ
किन्ज्योगी का़हन्दीॱआङ स्यिहङगामकी स्याहप्च्यीया़ला दि ल़ेहमु सुङ माहनाङ, “ख्ये ङाहती स़ेबु यिहम्बा, तिहरीङ ङाहगी ख्येला क्येदी येहबा।” येहपाराङ च्यि का़हन्दीॱआङ स्यिहङगामकी स्याहप्च्यीगी तेहन्दाला दि ल़ेहमु सुङ नाङदी येहबा ले, “ङाह खोगी याहप ओहङज्ये येह, खो ङाहती स़ेबु ओहङज्ये येह।”
यिहॱनाङ ख्याया़नी दाम्ग्योगी मिहया़, क्याहल्बुला स्याहप्तो स्युहएँगी पूजाहारी, नाम्पार-ताहक्पा क्यिहपाया़, किन्ज्योगी राहङदीराङ मिहया़ यिहम्बा। मिहरोगी ख्याया़ला ना़-जुबेलेगी याहम्जेन छ्येवा जेती क्या-साङेला नोम फेन नाङसीन च्यिबेमाना ख्याया़गी किन्ज्योकी याहम्जेन छ्येवागी छ्या़लेया़ मिहया़ला स्युक छ्यिम्बु पेहती स्ये ख़ूज्यु म़ेदी यिहम्बा।
लुहङ तेर्केन्की काबाप ज़्योरक्यो मिहगी किन्ज्यो लाहमलेॱराङ लुहङ तेर्च्यु। स्याहप्तो स्युहएँ मिहगी किन्ज्योगी ओङ लाहमले स्याहप्तो स्युहज्यु। ओ़ह ल़ेहमु पेहती ल़ेह थाम्ज्यीला येशू मास्यीका लाहमले किन्ज्योलाॱराङ ज़िज्यिद ओहङज्यु। मिह-रो़हलाॱराङ ज़िज्यिद दाङ ओङ नाहम्स्यी किन्दु ओहङज्यु! आमेन।
ကြော်ငြာတွေ