कलस्‍सी 3:13 - ह्योल्‍मो

¹³ च्‍यी़गी च्‍यी़ला ना़दोङ, च्‍यी़गी च्‍यी़ला टाह पेहती च्‍यिरा ल़ेह जोल्‍ग्‍यो येहसीनमाना च्‍यी़गी च्‍यी़ला स्‍या़बा तेर्तोङ। चो़वोगी ख्‍याला स्‍या़बा नाङग्‍यो ल़ेहमुराङ ख्‍यागीॱआङ मिहया़ला स्‍या़बा तेर्तोङ।

कलस्‍सी 3:13 ပူးပေါင်းရင်းမြစ်များ

मत्ती 5:44

यिहॱनाङ ङाह ख्‍याया़ला माएँ, टाहया़लाॱआङ चेवा पेहतोङ। राहङला तुहक्‍पु तेर्केनया़गी तेहन्‍दाला सोल्‍वाङ ताप्‍तोङ,

मत्ती 6:12

ङ्यिहगी पेहक्‍यो तिहक्‍पाया़ स्‍या़बा नाङदोङ, ओ़हठी पेहतीराङ ङ्यिहगीॱआङ ङ्यिहला टाह पेहकेनया़ला स्‍या़बा तेर्ती येह।

मर्कूस 11:25

ख्‍या सोल्‍वाङ ताप्‍च्‍येला तेहकेमु ख्‍यागी सुज्‍यी थो़ला सेम चोक्‍पा च्‍याङग्‍यो येहसीमाना खोला कोहङदा तेर। ओहले स्‍यिहङगामला ज़्‍य़ू नाङगेन ख्‍यागी किन्‍ज्‍यो याहपगीॱआङ ख्‍यागी तिहक्‍पा स्‍या़बा नाङज्‍ये येह। [

लूका 11:4

ङ्यिहगी पेहक्‍योगी तिहक्‍पाया़ स्‍या़बा नाङदोङ च्‍यिबेमाना ङ्यिहला टाहसेम च्‍याङगेनया़ॱलाङ ङ्यिहगीॱआङ ल़े ताङदी येह। ओहले ङ्यिहला ना़ मी़हखुएँगी ङ्याहम्‍छेला छ्यिच्‍यु माहनाङ।”

लूका 23:34

ओहले येशूगी सुङ नाङसीन, “ओ़ याहप, दि माक्‍मीया़गी च्‍यि पेहको येहबा खुङगी ह्‍अ के़हदी म़ेह, खुङला स्‍या़बा नाङदोङ।” म़ेदी सुङ नाङसीन। ओहले माक्‍मीया़गी येशूगी नाहम्‍सा लेहन्‍दी गिन क्‍याहप्‍ती राहङ नाहङदोङ कोहसीन।

रोमी 15:7

ओ़ह सोङबे किन्‍ज्‍योकी ज़िज्‍यिदगी तेहन्‍दाला मास्‍यीकागी ख्‍याया़ला लोक जे नाङग्‍यो ल़ेहमुराङ ख्‍याया़गीॱआङ च्‍यी़गी च्‍यी़ला लोक पेहतोङ।

२ कोरिन्‍थी 2:10

ख्‍याया़गी कोहङदा तेरक्‍यो मिहला ङाहॱआङ कोहङदा तेर्के। ङाहगी कोहङदा तेर कोहएँ यिहन्‍सीमाना ङाहगी कोहङदा तेर्केमु ङाह मास्‍यीका येशूकी दिनला ख्‍यागी तेहन्‍दालाराङ कोहङदा तेर्के।

२ कोरिन्‍थी 6:6

ङ्यिह राहङगी मिहजी नाहम माॱनाङ चाङमा ज़्‍या़गे, रिहक्‍स्‍यीला, ना़स्‍यीङ छ्यिम्‍बु पेहच्‍येला, निङज्‍यी पेहच्‍येला, नाम्‍पार-ताहक्‍पा थुला, तेहन्‍दामकी चेवाला,

गलाती 6:2

तुहक्‍पु-तुहङालकी खुरुया़ खुर्च्‍येला च्‍यी़गी च्‍यी़ला रो़हराम पेहतोङ। दि ल़ेहमुराङ पेहती ख्‍यागी मास्‍यीकाकी छ्य़े-ठिम छाङबु पेहच्‍ये येह।

एफिसी 4:2

नाहम-माना ङ्येम्‍ज्‍युङ, स्‍यिहवा ओहले ना़स्‍यीङ छ्यिम्‍बु पेहती च्‍यी़गी च्‍यी़ला चेवा पेहतोङ।

एफिसी 4:32

सेम ङ्येम्‍बु पेहती च्‍यी़गी च्‍यी़ला निङज्‍यी पेहतोङ। काह-ठि पेहती किन्‍ज्‍योगी मास्‍यीका लाहमले ख्‍याया़ला कोहङदा नाङबा, ओ़हठीॱराङ पेहती ख्‍याया़गीॱआङ च्‍यी़गी च्‍यी़ला कोहङदा तेर।

एफिसी 5:2

ख्‍याया़गी मिहली चेवाकी काहङग्‍यो ओहङ कोहएँ। काह-ठि पेहती मास्‍यीकागीॱआङ ओहराङ ङ्याम्‍बु चेवा जे नाङबा, ओहले किन्‍ज्‍योकी तेहन्‍दाला टिहमा स्‍यिहम्‍बु खाएँगी डेल्‍बा दाङ मार्च्‍ये जेती राहङगी राहङला ओहराङगी तेहन्‍दाला फुल नाङसीन।

कलस्‍सी 3:12

ख्‍याया़राङ किन्‍ज्‍योगी दाम नाङग्‍यो दाङ मिहरोगी चेवा जे नाङग्‍योकी नाम्‍पार-ताहक्‍पा मिहया़ यिहम्‍बा। ओ़ह सोङबे ख्‍यागी चेवा पेहकें, निङज्‍यी पेहकें, ङ्येम्‍ज्‍युङ पेहकें, स्‍यिहवा पेहकें दाङ ना़स्‍यीङ छ्यिम्‍बु पेहकेन्‍गी छ्याप्‍स्‍यीया़ला काप्‍च्‍या ल़ेहमुराङ केहन्‍दी राहङगी राहङला ज़ाप कोहएँ।

याकूब 2:13

निङज्‍यी मेहबेकें मिहला किन्‍ज्‍योगी थुज्‍यी ज़ी़ माहनाङबा जेती ठिम ताङ नाङज्‍ये म़ेह। चेवागी ठिमला क्‍याहल ख़ूएँ।

१ पत्रुस 2:21

च्‍यिबेमाना दिगी तेहन्‍दालाराङ ख्‍याया़ला क़े क्‍याहप नाङग्‍यो यिहम्‍बा। मास्‍यीकागीॱआङ ख्‍याया़गी तेहन्‍दाला तुहक्‍पु खुर नाङसीन, ओहले ख्‍याया़गी तेहन्‍दाला पे च्‍यी़ तेन नाङसीन, ओ़ह सोङबे ख्‍याया़ मिहरोगी फेप-लाहमलाॱराङ डोएँ कोहएँ।