Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




कलस्‍सी 3:11 - ह्योल्‍मो

11 ओ़ह सोङबे दि साम्‍बा मिहजीला ग्रीक दाङ यहूदी, स्‍या-ताक पेहक्‍यो दाङ स्‍या-ताक माहबेबा, यिहगी मे़हस्‍येगेन दाङ रिहदोङ क्‍यिलगी मिह, योक्‍पु पेहक्‍यो दाङ माहबेबाला च्‍यिॱआङ ख्‍येपार म़ेह, यिहॱनाङ मास्‍यीकाॱराङ ना थाम्‍ज्‍यी यिहम्‍बा, ओहले मिहरो थाम्‍ज्‍यी ङ्याम्‍बु ज़्‍य़ू नाङदी येह।

အခန်းကိုကြည့်ပါ။ ကော်ပီ




कलस्‍सी 3:11
54 ပူးပေါင်းရင်းမြစ်များ  

ओहले येशूगी खोला सुङ नाङसीन, “सुगी ङाहला चेवा पेहकें, खोगी ङाहती तामया़ ङ्यिहन्‍ज्‍ये येह, ओहले ङाहती याहपगी खोला चेवा जे नाङज्‍ये येह, ओहले ङ्यिह खोसाला ओहङज्‍ये येह, ओहले खो ङ्याम्‍बु तेहच्‍ये येह।


कुहन्‍डुमगी तोहङबो ङाह यिहम्‍बा, ओहले ख्‍यादी याहल्‍गाया़ यिहम्‍बा। सु ङाह ङ्याम्‍बु तेहकें ओहले ङाहॱआङ खो ङ्याम्‍बु तेहच्‍ये येह ओहले खोगी माहङबुराङ सेदोया़ या़हज्‍ये येह, च्‍यिबेमाना ङाह ङ्याम्‍बु खा फ़ेदी ख्‍याया़गी च्‍यिॱआङ पेह मी़हखुएँ।


ङाह खुङ ङ्याम्‍बु ओहले राहङ ङाह ङ्याम्‍बु ज़्‍य़ू नाङदी येह। दि ल़ेहमु पेहती खुङॱआङ छाङबु पेहती च्‍यी़राङ ओहङ ख़ूज्‍यु। ओहले राहङगी ङाहला ताङ नाङदी चेवा जे नाङग्‍यो ल़ेहमु खुङया़लाॱआङ चेवा जे नाङसीन माएँ ताम जाम्‍बुलीङगी ङोह स्‍य़े ख़ूज्‍यु।


ओहले ङाहगी राहङदीराङ ज़ोज्‍येला क़े क्‍याहप्‍क्‍योगी लेहमेन क्‍यिहपागी मिहया़ ङाहसाला ओहङज्‍ये येह।


ओ़ह ग्‍या़गी मिहया़ ज्‍यिबुराङ या़हबु दुबा। ओहजेला नाम क्‍याहप्‍च्‍ये पेहक्‍यो येहकें ओहले ज्‍यिबुराङ ख्‍या़बु येहकें सोङबे खुङया़गी मेह फी़दे ङ्यिहला मेह तू़हज्‍येला क़े क्‍याहप्‍सीन।


ओहले पावलगी लाहक्‍पाला प्रुहल टिहल्‍ग्‍यो थोङदी ओ़ह ग्‍या़गी मिहया़गी, “तेहम्‍बाराङ दि मिहनी, मिह सेकें मिहराङ ओहङ कोहकें। दि मिह छो-क्‍याहम्‍जोलेनी थार्ते ओहङसीन यिहॱनाङ ठिमलेनी थार मा़हखु।”


च्‍यिबेमाना ग्रीक क्‍यिहपा यिहॱना़ यिहन, ग्रीक म़ेदी लेहमेन क्‍यिहपा यिहॱना़ यिहन, ख्‍येम्‍बा-ताहक्‍पु यिहॱना़ यिहन, उल्‍दुम्‍बा यिहॱना़ यिहन खुङ थाम्‍ज्‍यीला या़हबु लेहङगु स्‍येच्‍येला ङाहला ठाल फो़दी येह।


च्‍यिबेमाना यहूदी दाङ लेहमेन क्‍यिहपाला च्‍यिॱआङ ख्‍येपार म़ेह। ओ़ह चो़वोॱराङ थाम्‍ज्‍यीगी चो़वो यिहम्‍बा, ओहले मिहरोला क्‍याप्‍केया़ला मिहरोगी बोलो-छ्योलो मेलाम नाङज्‍ये येह।


दि ल़ेहमु पेहती येशू मास्‍यीकाला तेहपागी मिह थाम्‍ज्‍यीला किन्‍ज्‍योगी टाहङबु सी़ह च्‍य़ू नाङगे च्‍यिबेमाना किन्‍ज्‍योगी सुलाॱआङ ङ्येम्‍बा-ङ्य़ेहरी जे मेहनाङगे,


च्‍यि किन्‍ज्‍यो यहूदीया़दी च्‍यी़राङ किन्‍ज्‍यो यिहम्‍बा ले? च्‍यि किन्‍ज्‍यो लेहमेन क्‍यिहपाकी मिहया़दीती किन्‍ज्‍यो मिहम्‍बा ले? मिहरो लेहमेन क्‍यिहपागी मिहया़दीॱआङ किन्‍ज्‍यो यिहम्‍बा।


च्‍यिबेमाना च्‍यिमे च्‍यी़राङ नाम्‍पार-ताहक्‍पा थु लाहमले ओहराङ थाम्‍ज्‍यीगी ज़ुबु च्‍यी़लाॱराङ बप्‍तिस्‍मा ज्‍योर्ती येह– यहूदी यिहॱना़ यिहन, ग्रीक यिहॱना़ यिहन, योक्‍पु यिहॱना़ यिहन, सुज्‍यीगी योक्‍पु माहबेबाकी मिह यिहॱना़ यिहन, ओहराङ थाम्‍ज्‍यीला च्‍यिमे च्‍यी़राङ नाम्‍पार-ताहक्‍पा थु लाहमले थुङज्‍येला नाङसीन।


का़हलेॱआङ सुज्‍यीगी माक्‍यो ताम ङाहगी ङोह मे़हस्‍येसीमाना ओ़ह ताम माएँ मिहगी तेहन्‍दाला ङाह छ्यि-क्‍याहपा मिह ल़ेहमुराङ डोज्‍ये येह ओहले ङाहगी तेहन्‍दाॱलाङ खो छ्यि-क्‍याहपा मिह ल़ेहमुराङ डोज्‍ये येह।


च्‍यिबेमाना स्‍या-ताक पेहकें दाङ स्‍या-ताक मेहपेहकेला च्‍यिॱआङ ख्‍येपार म़ेह, यिहॱनाङ किन्‍ज्‍योगी का ङ्यिहन्‍गेन्‍दी थाम्‍ज्‍यी म़ेदी चा़ छ्यिम्‍बु यिहम्‍बा।


ङाहगी निङबा मिहली मास्‍यीका ङ्याम्‍बुराङ क्‍याहङस्‍यीङला च्‍याङदी स्‍यिक्‍यो येह, ता़ह यिहन्‍ज्‍यु ङाह मिहम्‍बा ङाह नाहङला मास्‍यीका ज़्‍य़ू नाङदी येहबा। ताहन्‍दा ङाह ज़ुबुला थार्ती तेहक्‍योदी ङाहला माहङबुराङ चेवा जेती ङाहगी तेहन्‍दाला मिहजी नाङगे किन्‍ज्‍योगी स़ेबु थो़ला तेहपा पेहती थार्केराङ येहबा।


स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।


ओ़ह छेन्‍छोकदी मास्‍यीकाकी कुसो यिहम्‍बा, दि कुसोला मास्‍यीकागी छाङबु ज़ो नाङदी येह ओहले ना थाम्‍ज्‍यीला मिहरोगीॱराङ छाङबु ज़ो नाङगे।


च्‍यिबेमाना ओहराङला स्‍य़िहदे नाङगेन्‍दीनी मिह-रो़हराङ यिहन। मिहरोगी यहूदी दाङ लेहमेन क्‍यिहपाकी मिह ङ्यिकालाराङ च्‍यी़राङ ज़ो नाङदी येह, ओहले ओहराङला खा फे़ च्‍य़ूगे टाहकी चिक्‍पाला मिहरोगी रोम नाङदी येह।


मिहरोगी इस्राएली दाङ लेहमेन क्‍यिहपाकी मिहया़ला थि नाङज्‍येला ओहले मिहरो लाहमले क्‍यिहपा साम्‍बा च्‍यी़ ज़ो नाङज्‍येला मिहरोगी छ्य़े-ठिमकी काया़ ओहले पे-ठिमया़ला राहङ ज़ुबु लाहमले च्‍ये नाङदी येह।


ओहले यिह-छ्य़े लाहमले मास्‍यीका ख्‍याया़की यिहला ज़्‍य़ू नाङज्‍यु, ओहले चेवाला चार्ङ्यी सू़हदी ओहले सान्‍दी काहल्‍दी,


ओ़ह तिहङ-रिहङबुकी केच्‍या च्‍यि यिहम्‍बा मासीमाना, लेहमेन क्‍यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्‍ज्‍योकी मेलामया़ ज्‍योर ख़ूएँ काहल्‍सीन। लेहमेन क्‍यिहपाकी मिहया़ॱआङ ज़ुबु च्‍यी़गी ओङबुया़ यिहन ओहले मास्‍यीका येशू लाहमले किन्‍ज्‍योगी ज़्‍या़ नाङग्‍योकी ताहम्‍ज्‍या पी़मागी हकदार काहल्‍दी येह।


योक्‍पु यिहॱना़ यिहन, मिहनॱनाङ मिहन या़हबु ल़ेह पेहकें मिह थाम्‍ज्‍यीला चो़वोगी च्‍याहगा नाङज्‍ये येह, दि ताम ख्‍याया़गी टेहम्‍बा ज़्‍यो़।


मास्‍यीकाॱराङ थाम्‍ज्‍यी क्‍याहल्‍सी दाङ ओङकी गो़ छ्येस्‍यो यिहम्‍बा। मिह-रो़हलाॱराङ ख्‍याया़ती मिहली छाङबु काहल्‍दी येह।


किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।


मास्‍यीकाकी लुहङ म़ेदी फिगी लेहमेन ताम ङ्यिहन्‍दी डोएँ मिहया़ ङ्याम्‍बु किन्‍ज्‍यो ज़्‍य़ू मेहनाङगे। यिहॱनाङ मास्‍यीकाकी लुहङ ङ्यिहन्‍गे मिह ङ्याम्‍बुदी याहप दाङ स़ेबु ङ्यिकाराङ ज़्‍य़ू नाङगे।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ