कलस्सी 2:19 - ह्योल्मो19 यिहॱनाङ खुङ मास्यीका ङ्याम्बु तेहच्ये क्युर्ती येह। मास्यीकाती ज़ुबुकी गो़ यिहम्बा। ओहले ज़ुबुला स्युक मास्यीकागी नाङगे। छी़ दाङ स्यागी ज़ुबुला ग्या़ च्यी़ला ताहम्दी ज़्या़गे। किन्ज्योगी ओङगी ओ़ह ज़ुबुला छार च्य़ू नाङगे। အခန်းကိုကြည့်ပါ။ |
कलस्सी 2:19
33 ပူးပေါင်းရင်းမြစ်များ
खुङ थाम्ज्यी च्यी़राङ डो ख़ूज्यु म़ेदी ङ्यिह राहङला ओहर-छ्य़े स्युहएँ। ओ़ याहप, ङाह राहङ ङ्याम्बु ओहले राहङ ङाह ङ्याम्बु ज़्य़ूदी ओहराङ च्यी़राङ काहल्ग्यो ल़ेहमु खुङॱआङ ओहराङ ङ्याम्बु डी़दी च्यी़राङ ओहङ ख़ूज्यु ओहले राहङगीराङ ङाहला ताङ नाङग्यो यिहन म़ेदी जाम्बुलीङगी यिह-छ्य़े ख़ूज्यु।
ओ़ह ल़ेहमुराङ काहजे याहल्गाया़ छ्या़दी काहल्ग्यो ल़ेहमुराङ काहजे यहूदीया़गीॱआङ किन्ज्योला क्युर ज़्या़दी काहल्सीन। यिहॱनाङ ख्या लेहमेन क्यिहपाकी मिहया़ती रिहगी जैतून तोहङबो यिहन यिहॱनाङ ता़ह ख्या ओ़ह छ्या़दी काहल्ग्यो याहल्गाया़की छापला कलमी काहल्दी येह। ता़ह ख्यागी ओ़ह या़हबु जैतून तोहङबोकी चार्ङ्यीलेगी सेदो दाङ मिहली ज्योर्च्ये येह।
चा़ छ्यिम्बु ताम दिराङ यिहम्बा, काहन्डुमु पेहती यिहॱनाङ ख्यागी डोलु-तेहलुया़ मास्यीकाकी लेहङगुला पे-सी़हएँदी ओहङज्यु। ओ़ह सोङबे ङाहगी ख्याया़ला थ़ू ख़ूॱनाङ मी़हखुॱनाङ ख्याया़ ताम च्यी़ला डी़दी थिक-चि पेहती सेम च्यी़ थो़दी या़हबु लेहङगुकी तेहपाकी तेहन्दाला तुहक्पु पेहकेनॱराङ दु लो माएँ ताम ङाहगी थ़े ङ्युहङज्यु।
मास्यीकाला यिह-छ्य़े पेहकेंन छेन्छोकया़दी ज़ुबु यिहम्बा, ओहले ओ़ह ज़ुबुगी गो़दी मास्यीकाॱराङ यिहम्बा। ओ़ह छो़बाया़ला मिहली साम्बा नाङगेन्दीॱआङ मिह-रो़हराङ यिहम्बा। मिहरो थाम्ज्यीराङ से़हया़ला गो-छ्येस्यो थेन ख़ूज्यु म़ेदी स्यिक्योया़ नाहङले सोम्बो ज़्याङ नाङगेन्दी तोहङस्यो मिह-रो़हराङ यिहम्बा।
च्यिबेमाना दि लाहमले ख्या यिह-छ्य़ेला सान्दी डो ख़ूज्यु ओहले च्यी़गी च्यी़ला चेवा पेहती ख्या च्यी़राङ डो ख़ूज्यु। दि ल़ेहमु पेह फान्ज्यो किन्ज्योकी तिहङ-रिहङबुकी येहन्देन ङोह स्य़े ख़ूएँ दु म़ेदी ख्या राहङगी तेहम्बाराङ क्यी़ह ज्योर्च्ये येह। ओहले तिहङ-रिहङबुगी येहन्देनदी मास्यीका यिहम्बा।
आदा-नो़ह दाङ आज्यी-नुहमुया़, ख्याया़गी तेहन्दाला नाहम्माॱनाङ ङ्यिहगी किन्ज्योला थुज्यी-छ्ये़ फुलॱराङ कोहएँ। ओहले ओ़ह ल़ेहमु पेहक्योदी या़हबु यिहम्बा च्यिबेमाना ख्या फे़बे मे़हमेया़की तेहपा माहङरो माहङरो पेहती काहल्दी येह। ओहले ख्या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह।
ကြော်ငြာတွေ