कलस्सी 2:18 - ह्योल्मो18 ङ्यिहगी ज्याल्गा थोङसीन म़ेदी ङ्येम्ज्युङ पेहचेनज्यी तेन्दी स्यिहङगामकी स्याहप्च्यीला छ्येपा फुल्गेनया़ॱआङ येहबा। ओहले खुङया़गी ख्याया़ला दि ल़ेहमु यिहनॱराङ मिहम्बागी तामया़ स्येती गो़ कोर च्य़ूदी ख्यागी ज्योर कोहएँगी च्याहगा तोर मा़हच्यु। दि ल़ेहमु मिहया़ तिहक्पागी सेम थो़दी तेहन्दाॱराङ म़ेहबाकी तामया़ला छ्य़ेन्दो तेन्दी तेहकें। အခန်းကိုကြည့်ပါ။ |
कलस्सी 2:18
42 ပူးပေါင်းရင်းမြစ်များ
तोहरोङॱआङ ख्या जाम्बुलीङकी सेम्बाया़ लाहमले राहङगी मिहजी ताङगो दु। ओहले ख्या राहङ नाहङदुङ ठादो पेहकेन दाङ ठ़ूस्यी सिहङदा पेहकेन्की केच्याया़नी येहॱराङ येहबा। च्यि ओ़हठी यिहन्सीमानानी ख्या राहङगी ज़ुबुकी च्यि पेहच्ये सेम क्येएँ ओ़हठीॱराङ डोलु-तेहलु पेहकेन जाम्बुलीङकी लेहमेन मिहया़ ल़ेहमुराङ माहकाहल ले?
आदा-नो़ह दाङ आज्यी-नुहमुया़, ख्याया़गी तेहन्दालाराङ ङाहगी अपोल्लोस दाङ राहङदीराङ पे तेन्दी दि थाम्ज्यीराङ प्रुहक्यो यिहम्बा, ख्यागी ङ्यिहगी पे त़ेदी नाम्पार-ताहक्पा सुङरापगी सुङ नाङग्योकी मिहली ल़ेहमु राहङगी मिहजी ताङदोङ, ओहले मेहन्दा च्यी़ ङो़ले छ्यो़ रुहप्ती लेहमेनला ङ्येन्ज्येन पेहकेन ल़ेहती या़हबु मिहम्बा।
च्यिबेमाना ङाह ख्याला थु ओहङगेमु ङाहगी ने़क्यो ल़ेहमु ख्या मेहयोहङडो ओहले ख्यागी ने़क्यो ल़ेहमु ङाह मेहयोहङडो म़ेदी ङाहला ज्यी़सु येहकें। ख्याया़गी पाहरक्यीला ठ़ूस्यी, ठादो, स्यिहताङ, राहङदी च्यी़राङ ख्येप्साङ ताएँ, ख्येर क्याहप्कें, मिहदाम च्येहके, छ्य़ेन्दो तेन्गे दाङ मिहला गो़ थोम च्य़ूगेन्गी तामया़ॱआङ ओहङडो।
ओ़ह तोहङस्यो सेम्ज्येनकी छापला दि ल़ेहमु याहम्जेम्बाकी ताक्छेनया़ तेन्गेन्गी स्युक खोला तेर्ते येहकें। दिगी पेहतीराङ खोगी जाम्बुलीङकी मिह थाम्ज्यीला गो़ कोर च्य़ूसीन। पादाङगी नाहन्दी काहल्देॱआङ थारक्यो ओ़ह सेम्ज्येनला ची़नाङ पेहच्येला थाम्ज्यीगी खोगी कु जे़दोङ म़ेदी ओ़ह ङ्यिपा सेम्ज्येनगी मिहया़ला कुल्सीन।
ओहले ओ़ह स्यिहङगामकी स्याहप्च्यीला छ्या़ छाल्ज्येला ङाह मिहरोगी स्याहपला खेप्चु क्याहप्सीन। यिहॱनाङ मिहरोगी ङाहला दि ल़ेहमु सुङ नाङसीन, ख्येगी ङाहला दि ल़ेहमु पेहच्ये मेहयोहङगे। ङाहॱआङ येशूगी तेहन्दाला पाङबु तेर्केन्गी ख्ये दाङ ख्येगी नो़हया़ ङ्याम्बु-ङ्याम्बुराङकी रो़ह दाङ योक्पुज्यीराङ यिहम्बा। किन्ज्योला छ्या़ छाल्दोङ! च्यिबेमाना चो़वो येशू मास्यीकागी तेन नाङग्यो तेहन्दामगीॱराङ लुहङतेम्बाया़ला स्युक क्ये च्य़ूएँ।
ကြော်ငြာတွေ