कलस्‍सी 2:11 - ह्योल्‍मो

¹¹ ख्‍या मास्‍यीका ङ्याम्‍बु च्‍यी़राङ डी़क्‍यो सोङबे ख्‍यागी तेहन्‍दामकी स्‍या-ताक ज्‍योर्सीन। दि स्‍या-ताकती मिहगी ज़ुबुला क्‍याहप तेर्केन्‍गी स्‍या-ताक मिहम्‍बा, यिहॱनाङ दि मास्‍यीकागीॱराङ क्‍याहप नाङग्‍योकी स्‍या-ताक यिहम्‍बा। दि स्‍या-ताकगी मिहगी ज़ुबु लाहमले पेहकेन्‍गी तिहक्‍पाकी पेहताङया़ला पिती क्‍युर च्‍य़ूगे।

कलस्‍सी 2:11 ပူးပေါင်းရင်းမြစ်များ

मर्कूस 14:58

“मिहगी ज़ोक्‍योगी दि छ्योखाङला रोम्‍दी मिहगी माहजे़बागी छ्योखाङ ङाह ङ्यिहमा सुमलाराङ ज़ोएँ म़ेदी खोगी माक्‍यो ओहराङगी थ़ेसीन।”

लूका 2:21

ओहले मोशागी छ्य़े-ठिमला ल़ेहमुराङ ओ़ह स़ेबु ठुङदी ङ्यिहमा क्‍ये़ह डोएँ ङ्यिहमु स्‍या-ताक पेहसीन, ओहले ओ़ह स़ेबुला येशू माएँ छेन ता़सीन। ओहले ओ़ह छेनदी मरियम ज़ुबु ङ्यिहपा डोएँ म़ेदी तोहङलेराङ स्‍यिहङगामकी स्‍याहप्‍च्‍यीगी नाङग्‍यो येहकें।

ल़ेह-पेन 17:24

जाम्‍बुलीङ दाङ ओ़हला येहकेन्‍गी ना थाम्‍ज्‍यीराङ से़हया़ ज़ो नाङगे किन्‍ज्‍योॱराङ स्‍यिहङगाम दाङ जाम्‍बुलीङगी ताहक्‍पु यिहम्‍बा। किन्‍ज्‍यो मिहया़गी ज़ोक्‍योगी छ्योखाङया़ला ज़्‍य़ू मेहनाङगे।

ल़ेह-पेन 7:48

यिहॱनाङ, चा़ छ्यिम्‍बु किन्‍ज्‍यो मिहगी ज़ोक्‍योगी छ्योखाङला ज़्‍य़ू मेहनाङगे। दिगी तेहन्‍दाला लुहङतेम्‍बागी दि ल़ेहमु सुङ नाङदी येह,

रोमी 2:29

नाहङ ज़ोप्‍तागी च्‍यी़राङ तेहन्‍दामकी यहूदी ओहङ ख़ूएँ, ओहले तेहन्‍दामकी स्‍या-ताकती सेम नाहङगी ताम यिहम्‍बा, दि यिहक्‍तेन ताम यिहम्‍बा, प्रुहक्‍यो छ्य़े-ठिमकी ताम मिहम्‍बा। दि ल़ेहमु मिहला मिहया़गी मिहम्‍बा किन्‍ज्‍योगी च्‍यी़राङ या़हबु सुङदी क्‍या़ नाङगे।

रोमी 6:6

ओहराङला दि क्‍यी़हराङ येह, तिहक्‍पागी ओङ छ्य़े तेहक्‍योकी मिहली तोङज्‍यु म़ेदी, ओहले ता़ह यिहन्‍ज्‍यु ओहराङ तिहक्‍पाकी योक्‍पु माहन्‍डोज्‍यु म़ेदी ओहराङगी तोहङमागी मिहली मास्‍यीका ङ्याम्‍बुराङ क्‍याहङस्‍यीङला च्‍याङ सिहन्‍दी येह।

रोमी 7:24

आबी, ङाह काहजे क्‍येवा क्‍येमु मिह! दि स्‍यिएँगी ज़ुबुलेगी ङाहला सुगी खा फ़ेवा?

२ कोरिन्‍थी 5:1

ओहराङला क्‍यी़हराङ येहबा, ताहन्‍दा ओहराङगी दि स्‍या दाङ रेहकोगी ज़ुबु तोङदी डोनाॱआङ स्‍यिहङगामला नाहम्‍स्‍यी किन्‍दुॱराङ लिहकेन्‍गी किन्‍ज्‍योगी ज़ो नाङग्‍योकी खाङबा येहबा, ओ़ह लाहक्‍पागी ज़ोक्‍यो खाङबा मिहन।

२ कोरिन्‍थी 5:17

ओ़ह सोङबे का़हन्‍दीगी मास्‍यीकाला यिह-छ्य़े पेहकेन खो ता़ह मिह साम्‍बा काहल्‍सीन। ता़ह निङबा से़हया़ टाहल्‍दे काहल्‍सीन, त़ेदोङ ता़ह थाम्‍ज्‍यीराङ से़हया़ साम्‍बा काहल्‍दी येहबा।

गलाती 2:20

ङाहगी निङबा मिहली मास्‍यीका ङ्याम्‍बुराङ क्‍याहङस्‍यीङला च्‍याङदी स्‍यिक्‍यो येह, ता़ह यिहन्‍ज्‍यु ङाह मिहम्‍बा ङाह नाहङला मास्‍यीका ज़्‍य़ू नाङदी येहबा। ताहन्‍दा ङाह ज़ुबुला थार्ती तेहक्‍योदी ङाहला माहङबुराङ चेवा जेती ङाहगी तेहन्‍दाला मिहजी नाङगे किन्‍ज्‍योगी स़ेबु थो़ला तेहपा पेहती थार्केराङ येहबा।

गलाती 5:24

खुङया़, का़हन्‍दी मास्‍यीका येशूकी मिहया़ यिहम्‍बा, ओ़हया़गी तिहक्‍पा पेहच्‍ये सेम क्‍येएँगी राहङगी पेहताङया़ला ज़ुबुकी पेहच्‍ये छोल्‍गेन्‍की पेह मी़हसीहएँकी ल़ेहया़ दाङ सेम्‍बाया़ ङ्याम्‍बुराङ क्‍याहङस्‍यीङला च्‍याङ सिहन्‍दी येह।

एफिसी 4:22

तोहङमाकी डोलु-तेहलुया़ पेहती राहङगी मिहजी ताङगे ख्‍याया़की निङबा मिहली क्‍युर्तोङ म़ेदी ख्‍याया़गी ह्‍अ केह सिहन्‍दी येह। ख्‍याया़ती चोक्‍पा-चोक्‍पा सेम्‍बाया़गी पेहती ओ़ह निङबा मिहली तोङदी डोॱराङ येहकें।

फिलिप्‍पी 3:3

तेहन्‍दामकी स्‍या-ताक पेहकेनया़नी ओहराङया़ गा यिहम्‍बा च्‍यिबेमाना ओहराङ किन्‍ज्‍योला नाम्‍स्‍यी लाहमले छ्येपा फुल्‍गे ओहले मास्‍यीका येशूकी छेनला छ्य़ेन्‍दो तेन्‍गे। ओहले ज़ुबुला स्‍या-ताक पेहकें तामला ङ्यिह यिह मे़हछ्येएँ।

कलस्‍सी 3:5

ख्‍यागी दि तिहक्‍पा पेहकेन्‍गी सेम्‍बाया़ला सेतोङ पे यिहॱना़: छ्येउ-छ्येंमु, मेहचाङा, छारा ल़ेह पेहकेन्‍गी सेम्‍बा, चोक्‍पा नोम्‍साङ ताङगेन्‍गी तामया़ ओहले ह्‍अम्‍बा पेहकेन्‍दी कुला छ्येपा फुल्‍ग्‍यो यिहम्‍बा।

हिब्रू 9:11

यिहॱनाङ मास्‍यीकानी देला येहकेन्‍गी रेबेॱराङ या़हबु से़हया़दी गो़ छ्येस्‍यो पूजाहारी जेती फेप नाङ सिहन्‍दी येह। मिहरो जेन छ्यिम्‍बु दाङ याहङ-ताहक्‍पा छ्योखाङला पूजाहारी ज़्‍य़ू नाङदी येह। ओ़ह छ्योखाङदी मिहगी ज़्‍याङग्‍योॱआङ मिहम्‍बा, ओहले दि जाम्‍बुलीङला छ्या़क्‍योगी से़हॱआङ मिहम्‍बा।

हिब्रू 9:24

स्‍यिहङगामला येहकेन तेहन्‍दामला पे त़ेदी मिहगी ज़ोक्‍योगी नाम्‍पार-ताहक्‍पा ग्‍या़ नाहङला मास्‍यीकानी फेप माहनाङ, यिहॱनाङ मिहरो स्‍यिहङगामलाराङ फेप नाङसीन, ओहले ताहन्‍दा मिहरो ओहराङ छ्यो़ले किन्‍ज्‍योगी दिनला ज़्‍य़ू नाङदी येह।