कलस्‍सी 2:10 - ह्योल्‍मो

¹⁰ मास्‍यीकाॱराङ थाम्‍ज्‍यी क्‍याहल्‍सी दाङ ओङकी गो़ छ्येस्‍यो यिहम्‍बा। मिह-रो़हलाॱराङ ख्‍याया़ती मिहली छाङबु काहल्‍दी येह।

कलस्‍सी 2:10 ပူးပေါင်းရင်းမြစ်များ

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

यूहन्‍ना 1:16

मिहरो ङ्याम्‍बु काटीन बोलो-छ्योलो येहकें सोङबे ओ़ह लाहमलेॱराङ ओहराङगी काटीन थो़ला राहङसा काटीन ज्‍योर्ती येहबा।

१ कोरिन्‍थी 15:24

ओ़ह तिङले तोहङमागी जाम्‍बुलीङ तोङज्‍ये येह। ओ़ह ती़हजीला थाम्‍ज्‍यीराङ ठिम-पेन, ओङ छ्य़ेगे दाङ स्‍युकया़ला तोङ च्‍य़ू नाङदी मिहरोगी थाम्‍ज्‍यीराङ क्‍याहल्‍सी किन्‍ज्‍यो याहपला चि क्‍याहप नाङज्‍ये येह।

एफिसी 3:10

दि ल़ेहमु पेहती छेन्‍छोक लाहमले किन्‍ज्‍योकी नामे-नाजो येहन्‍देनया़ स्‍यिहङगामकी ग्‍या़या़ला ठिम तेन्‍गेया़ दाङ ओङ ज्‍योरक्‍योया़की पाहरक्‍यीला तेन ख़ूज्‍यु।

एफिसी 3:19

थाम्‍ज्‍यी रिहक्‍पा दाङ रिहक्‍स्‍यीगी छोल मी़हखुएँ मास्‍यीकाकी चेवा ख्‍याया़गी ङोह स्‍य़े ख़ूज्‍यु ओहले ख्‍याया़दी मिहली किन्‍ज्‍योगीॱराङ काङ नाङज्‍यु।

कलस्‍सी 2:15

ओहले ओ़ह क्‍याहङस्‍यीङला मास्‍यीकागी, नाम्‍स्‍यीला ओङ छ्य़ेएँगी स्‍युक छ्यिम्‍बु दाङ वाङज्‍या छ्यिम्‍बु थो़क्‍योया़ला फाम च्‍य़ू नाङदी ओ़ह थाम्‍ज्‍यी थो़ला क्‍याहल नाङसीन। ओहले मिहरोगी खुङया़ला मिह थाम्‍ज्‍यीगी थोङदाङला आब्रु तेन नाङसीन।

कलस्‍सी 3:11

ओ़ह सोङबे दि साम्‍बा मिहजीला ग्रीक दाङ यहूदी, स्‍या-ताक पेहक्‍यो दाङ स्‍या-ताक माहबेबा, यिहगी मे़हस्‍येगेन दाङ रिहदोङ क्‍यिलगी मिह, योक्‍पु पेहक्‍यो दाङ माहबेबाला च्‍यिॱआङ ख्‍येपार म़ेह, यिहॱनाङ मास्‍यीकाॱराङ ना थाम्‍ज्‍यी यिहम्‍बा, ओहले मिहरो थाम्‍ज्‍यी ङ्याम्‍बु ज़्‍य़ू नाङदी येह।

हिब्रू 5:9

किन्‍ज्‍योगी मास्‍यीकाला छाङबु ज़ो छार फान्‍ज्‍यो मिहरोला ची़गे मिह थाम्‍ज्‍यीगी तेहन्‍दाला मिहरो था़ म़ेहबा मिहलीकी छ्येस्‍यो काहल्‍सीन।

१ पत्रुस 3:22

मिहरो स्‍यिहङगामला फेप नाङसीन ओहले स्‍यिहङगामकी स्‍याहप्‍च्‍यीया़, ओङ छ्य़ेगेया़ दाङ ओङज्‍याया़ला राहङगी ओङ चो़ला ज़्‍या़दी किन्‍ज्‍योकी योबा ङो़ले ज़्‍य़ू नाङदी येह।