कलस्‍सी 1:8 - ह्योल्‍मो

⁸ ख्‍याया़ला नाम्‍पार-ताहक्‍पा थुगी नाङग्‍यो चेवाकी तेहन्‍दाला खोगीराङ ङ्यिहला स्‍य़ेक्‍यो यिहम्‍बा।

कलस्‍सी 1:8 ပူးပေါင်းရင်းမြစ်များ

मर्कूस 4:22

दि ल़ेहमुराङ, ताहन्‍दा पे़हदी ज़्‍या़क्‍योगी केच्‍या थाम्‍ज्‍यीराङ ङ्यिहमा च्‍यी़ छ्यिसाल-नाहङसाल थोङज्‍ये येह, ओहले ह्‍अ मा़हकेहबागी केच्‍या थाम्‍ज्‍यीराङ छ्यिसाल-नाहङसाल ङोह स्‍ये़ज्‍ये येह।

रोमी 15:30

आदा-नो़ह दाङ आज्‍यी-नुहमुया़, ओहराङ चो़वो येशू मास्‍यीका दाङ नाम्‍पार-ताहक्‍पा थुगी नाङग्‍यो चेवा लाहमले ङाहती तुहक्‍पुला रो़हराम जे नाङज्‍यु म़ेदी ङाहती तेहन्‍दाला ख्‍या फे़बे मे़हमेया़गी किन्‍ज्‍यो ङ्याम्‍बु स्‍युक छ्यिम्‍बु पेहती सोल्‍वाङ ताप नाङदोङ म़ेदी ओहर-छ्य़े स्‍युहउ येहबा।

रोमी 5:5

रेहवागी ओहराङला सेम स्‍यि मी़हच्‍युएँ, च्‍यिबेमाना किन्‍ज्‍योगी ओहराङला नाम्‍पार-ताहक्‍पा थु नाङदी येह ओहले ओ़ह नाम्‍पार-ताहक्‍पा थुगी ओहराङगी यिहला किन्‍ज्‍योकी चेवा ज़्‍या़ नाङदी येह।

गलाती 5:22

यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,

कलस्‍सी 1:4

च्‍यिबेमाना मास्‍यीका येशूला येहकेन्‍गी ख्‍याया़गी तेहपा दाङ किन्‍ज्‍योकी नाम्‍पार-ताहक्‍पा मिहया़ थाम्‍ज्‍यीलाराङ ख्‍याया़गी पेहक्‍यो चेवागी तेहन्‍दाला ङ्यिहगी थे़दी येह।

२ तिमोथी 1:7

च्‍यिबेमाना किन्‍ज्‍योगी ओहराङला ज्‍यी़सुगी सेम मिहम्‍बा यिहॱनाङ ओङ, चेवा दाङ राहङला थिला ज़्‍या़गेन्‍गी सेम नाङदी येहबा।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।