कलस्सी 1:28 - ह्योल्मो28 मिह थाम्ज्यीला मास्यीकाला छाङबु जे़दी किन्ज्योगी दिनला तेन ख़ूज्यु म़ेदी ङ्यिह मिह ऱेह-ऱेहला ज्यी़-ङोर तेन्गेॱराङ ओहले मिह ऱेह-ऱेहला थाम्ज्यी रिहक्स्यीला लोप्केॱराङ मास्यीकाकी तेहन्दाला स्येकें। အခန်းကိုကြည့်ပါ။ |
कलस्सी 1:28
54 ပူးပေါင်းရင်းမြစ်များ
ओहले इपिक्युरी दाङ स्तोइकी ज्याल्गा थोङगेया़ नाहङगी लाहला मिहया़ॱआङ पावलसाला ओहङदी स्येपा तुहर्सीन। ओहजेला लाहलागी मासीन, “दि खाक्लेगी च्यि माएँ? ओहले लाहलागी मासीन, दि मिहगीनी ल्हा साम्बाया़गी तेहन्दाला गा स्येक्यो ल़ेहमु थोङगो दु।” पावलगी येशू दाङ येशू टोहङ नाङदी येहपाराङ सोम्बो ज़्याङ नाङग्योकी तेहन्दाला स्येक्यो सोङबे खुङगी दि ल़ेहमु मासीन।
ओहराङ थाम्ज्यीगीराङ किन्ज्योला थुज्यी-छ्ये़ फुल्दोङ। ङाहगी स्य़ेक्यो या़हबु लेहङगु दाङ मास्यीकाकी तेहन्दाला स्ये़क्योकी केच्याया़ लाहमले मिहरोगी ख्याया़ला राहङदी यिह-छ्य़ेला थिक-चि दाङ सान्दी ज़ो थुप्कें। काल्बा-काल्बा यिहन्ज्यु साङदी ज़्या़ नाङग्योकी केच्या ताहन्दा येशू मास्यीकागी छ्यिसाल-नाहङसाल जेती तेन नाङसीन।
किन्ज्योगी ख्याया़ला ठादो जे नाङग्यो ल़ेहमु ङाहॱआङ ख्याया़ला ठादो पेहकें। च्यिमे च्यी़राङ माहक्पा साम्बा मास्यीका ङ्याम्बु ङाहगी ख्याया़ला लाङज्याङ पेह तेर्सीन, ता़ह ङाह ख्याया़ला च्यिॱआङ क्येन म़ेहबा नाम्पार-ताहक्पा नामा साम्बाला ल़ेहमु पेहती माहक्पा साम्बागी लाहक्पाला च्योल्ज्ये सेम्बा येहबा।
मास्यीकागी सुङदेनगी ख्यागी सेम बोलो-छ्योलो पेहती काहङज्यु। राहङ ङ्याम्बु का़ह येहकेन रिहक्पा-रिहक्स्यीगी च्यी़गी च्यी़ला लोप्तोङ ओहले टे़हरिम तेर। सेम तिहङ यिहन्ज्युराङ किन्ज्योगी छ्ये़-लुया़ लेहन्दोङ, त़ेरा तेच्या फुल्दोङ, यिहक्तेन लुया़ लेहन्दोङ ओहले मिहरोला थुज्यी-छ्ये़ फुल्दोङ।
तेहम्बाराङ किन्ज्योला क्याप्केन्गी तेहन्दा ङोहॱराङ स्ये मी़हखुएँगी नाहङ-ताम काहजे छ्यिम्बु येहबा? मास्यीका मिहगी पी़नाङ नोम्दी फेप नाङसीन, नाम्पार-ताहक्पा थुगी मिहरोला टाहङबु यिहम्बा म़ेदी तेन नाङसीन ओहले मिहरोला स्यिहङगामकी स्याहप्च्यीया़गीॱआङ थोङसीन। ओहले मिहरोकी तेहन्दाला लुहङबा लुहङबागी मिहया़गी थ़ेसीन, जाम्बुलीङला मिहरोला मिहया़गी यिह-छ्य़े पेहसीन ओहले किन्ज्योगी मिहरोला येहपाराङ स्यिहङगामला ज्यिबुराङ चा़ जेती नोम फेप्सीन!
ओ़ह सोङबे छेन्छोककी लोबेनला च्यिॱआङ ङ्य़ेहबा फो़क्यो ओहङज्ये मेहयोहङगे। ओहले खोदी पी़हमी च्यी़मे च्यी़राङ ओहङ कोहएँ। खो राहङगी राहङला थिला ज़्या़ ख़ूएँदी ओहङ कोहएँ, ना़स्यीङ छ्यिम्बु पेह ख़ूएँदी ओहङ कोहएँ, ओहले खोगी डोलु-तेहलु या़हबु ओहङ कोहएँ, खोगी टोहम्बोया़ला ता़हनाङ-ताहम्जी पेह स्य़े कोहएँ ओहले या़हबु पेहती लुहङ तेर ख़ूएँदी ओहङ कोहएँ
ကြော်ငြာတွေ