कलस्‍सी 1:17 - ह्योल्‍मो

¹⁷ थाम्‍ज्‍यीराङ से़हया़ म़ेदी तोहङले मिह-रो़हराङ ज़्‍य़ू नाङदी येहकें ओहले मिहरोगीॱराङ ना थाम्‍ज्‍यीला राहङ ङ्याम्‍बुराङ ज़ुङदी ज़्‍या़ नाङदी येहबा।

कलस्‍सी 1:17 ပူးပေါင်းရင်းမြစ်များ

यूहन्‍ना 17:5

ता़ह ओ़ याहप, जाम्‍बुलीङ छ्या़ च्‍य़ू नाङगे म़ेदी तोहङले ङाह राहङ ङ्याम्‍बु तेहकेमु ङाहती ज़िज्‍यिद येहकें ता़ह ओ़ह ज़िज्‍यिद येहपाराङ राहङ ज़्‍य़ू नाङग्‍यो ग्‍या़ला ङाहला नाङदोङ।

यूहन्‍ना 8:58

येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, अब्राहाम क्‍येएँ म़ेदी तोहङलेराङ ङाह येहकें।”

ल़ेह-पेन 17:28

च्‍यिबेमाना ओहराङ किन्‍ज्‍योगी छेनलाराङ थार्कें ओहले फार छुर पेहकें दि तामगी तेहन्‍दाला कवि च्‍यी़गीॱआङ दि ल़ेहमु म़ेदी येह ‘तेहम्‍बाराङ ओहराङ किन्‍ज्‍योगी छार्क्‍यीन यिहन।’

१ कोरिन्‍थी 8:6

यिहॱनाङ ओहराङगी तेहन्‍दालानी किन्‍ज्‍यो याहप च्‍यी़राङ ज़्‍य़ू नाङदी येहबा। मिहरोगीॱराङ थाम्‍ज्‍यीराङ से़हया़ ज़ो नाङसीन। ङ्यिह किन्‍ज्‍योगी तेहन्‍दालाराङ थार्के। ङ्यिहती च्‍यिमे च्‍यी़राङ चो़वो येशू मास्‍यीका ज़्‍य़ू नाङदी येहबा। मिहरो लाहमलेॱराङ थाम्‍ज्‍यी से़हया़ छ्या़सीन। मिहरो लाहमलेॱराङ ङ्यिह थार्के यिहम्‍बा।

कलस्‍सी 1:15

ओहराङ मी़गी थोङ मी़हखुएँ किन्‍ज्‍योकी ङ्य़ेहरीला थोङ ख़ूएँ जेती मास्‍यीका ज़्‍य़ू नाङदी येह। ना थाम्‍ज्‍यीराङ छ्या़क्‍यो से़हया़ नाहङला मास्‍यीका थाम्‍ज्‍यी म़ेदी छ्येस्‍यो यिहम्‍बा।

हिब्रू 1:3

मास्‍यीकागी किन्‍ज्‍योकी ज़िज्‍यिदकी क्‍या-साङे तेन नाङगे ओहले मास्‍यीकाॱराङ किन्‍ज्‍योकी तेहम्‍बा-तेहन्‍सुम ङ्य़ेहरी यिहम्‍बा। ओहले मिहरोगी वाङज्‍या छ्यिम्‍बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्‍पालेगी कोहङदा नाङगेन्‍गी छ्या़ले छार फान्‍ज्‍यो मिहरो वाङज्‍या छ्यिम्‍बु नोम्‍गेन किन्‍ज्‍योकी योबा ङो़ले ज़्‍य़ू नाङसीन।

हिब्रू 13:8

येशू मास्‍यीका तोहङले काह-ठि येहकें, ताहन्‍दाॱआङ ओ़हठीॱराङ ज़्‍य़ू नाङदी येह ओहले नाहम्‍स्‍यी किन्‍दु ना च्‍यी़राङ ज़्‍य़ू नाङज्‍ये येह।

ज्‍याल्‍गा 1:11

ख्‍येगी थोङग्‍योकी तामया़ ता़ह यिहगी च्‍यी़ला प्री़हदीॱमाराङ एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया दाङ लाउडिकिया क्‍याहसाला येहकेन्‍गी छेन्‍छोक तिहन्‍गालाॱराङ ताङदोङ।

ज्‍याल्‍गा 1:17

मिहरोला थोङगेमु ङाह मिहरोकी स्‍याहप पोहला स्‍यिक्‍यो मिह ल़ेहमु पेहते रिहल्‍सीन। यिहॱनाङ मिहरोकी योबा छ्या़ ङाह थो़ला ज़्‍या़दी दि ल़ेहमु सुङ नाङसीन, “मा़हन्‍ज्‍यी, तोहङस्‍यो दाङ तिङस्‍यो ङाहराङ यिहन।

ज्‍याल्‍गा 1:8

“अल्‍फा दाङ ओमेगा ङाहराङ यिहन,” सुङदी ओङज्‍या छ्यिम्‍बु नोम नाङगेन चो़वो छ्येवा किन्‍ज्‍योगी सुङ नाङगु दु, “मिहरो साज्‍या-नाम्‍ज्‍या छ्या़ च्‍य़ू नाङगे म़ेदी तोहङ यिहन्‍ज्‍युराङ ज़्‍य़ू नाङदी येहकें ओहले ताहन्‍दाॱआङ ज़्‍य़ू नाङदी येह ओहले फेप नाङज्‍ये येह।”

ज्‍याल्‍गा 2:8

“स्‍मुर्नाकी छेन्‍छोकला चारा पेहकेन्‍की स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम तोहङ यिहन्‍ज्‍युराङ ज़्‍य़ू नाङगेन दाङ नाहम्‍स्‍यी किन्‍दुॱराङ ज़्‍य़ू नाङगेन्‍दीगी सुङ नाङगु दु, मिहरो टोहङ नाङग्‍यो येहकें ओहले येहपाराङ सोम्‍बो ज़्‍याङ नाङसीन।