कलस्सी 1:12 - ह्योल्मो12 किन्ज्योगी क्या-साङे क्याहल्सीला मास्यीकाकी नाम्पार-ताहक्पा मिहया़गी ज्योर्केन्की से़हया़ ख्याया़लाॱआङ ज्योर ख़ूएँदी ज़ो नाङदी येह ओ़ह सोङबे दिगी तेहन्दाला किन्ज्योला नाहम-माना थुज्यी-छ्ये़ फुल्दोङ। အခန်းကိုကြည့်ပါ။ |
कलस्सी 1:12
50 ပူးပေါင်းရင်းမြစ်များ
ता़हनी ङाहगी ख्या फे़बेया़ला किन्ज्योगी छ्या़ला च्योल्गो येहबा। किन्ज्योगी ओहराङला थुज्यी ज़ी़ नाङगेन माएँगी सुङ सेमला ज़ुङदी टेहम्बा माहच्येहप्पा पेहती तेहतोङ। ओ़ह सुङगी पेहतीराङ किन्ज्योगी ख्या फे़बेया़ला यिह-छ्य़ेला स्युक क्ये च्य़ू नाङज्ये येह ओहले राहङगी मिहया़ला मेलाम थोप्केन्गी मिहया़ ज़ो नाङज्ये येह।
ओ़ह ल़ेहमुराङ काहजे याहल्गाया़ छ्या़दी काहल्ग्यो ल़ेहमुराङ काहजे यहूदीया़गीॱआङ किन्ज्योला क्युर ज़्या़दी काहल्सीन। यिहॱनाङ ख्या लेहमेन क्यिहपाकी मिहया़ती रिहगी जैतून तोहङबो यिहन यिहॱनाङ ता़ह ख्या ओ़ह छ्या़दी काहल्ग्यो याहल्गाया़की छापला कलमी काहल्दी येह। ता़ह ख्यागी ओ़ह या़हबु जैतून तोहङबोकी चार्ङ्यीलेगी सेदो दाङ मिहली ज्योर्च्ये येह।
यिहॱनाङ ओहराङगी तेहन्दालानी किन्ज्यो याहप च्यी़राङ ज़्य़ू नाङदी येहबा। मिहरोगीॱराङ थाम्ज्यीराङ से़हया़ ज़ो नाङसीन। ङ्यिह किन्ज्योगी तेहन्दालाराङ थार्के। ङ्यिहती च्यिमे च्यी़राङ चो़वो येशू मास्यीका ज़्य़ू नाङदी येहबा। मिहरो लाहमलेॱराङ थाम्ज्यी से़हया़ छ्या़सीन। मिहरो लाहमलेॱराङ ङ्यिह थार्के यिहम्बा।
ओ़ह तिहङ-रिहङबुकी केच्या च्यि यिहम्बा मासीमाना, लेहमेन क्यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्ज्योकी मेलामया़ ज्योर ख़ूएँ काहल्सीन। लेहमेन क्यिहपाकी मिहया़ॱआङ ज़ुबु च्यी़गी ओङबुया़ यिहन ओहले मास्यीका येशू लाहमले किन्ज्योगी ज़्या़ नाङग्योकी ताहम्ज्या पी़मागी हकदार काहल्दी येह।
च्यिबेमाना दि लाहमले ख्या यिह-छ्य़ेला सान्दी डो ख़ूज्यु ओहले च्यी़गी च्यी़ला चेवा पेहती ख्या च्यी़राङ डो ख़ूज्यु। दि ल़ेहमु पेह फान्ज्यो किन्ज्योकी तिहङ-रिहङबुकी येहन्देन ङोह स्य़े ख़ूएँ दु म़ेदी ख्या राहङगी तेहम्बाराङ क्यी़ह ज्योर्च्ये येह। ओहले तिहङ-रिहङबुगी येहन्देनदी मास्यीका यिहम्बा।
ကြော်ငြာတွေ