ल़ेह-पेन 9:40 - ह्योल्‍मो

⁴⁰ ओहले पत्रुसकी खुङ थाम्‍ज्‍यीला फिला ताङसीन ओहले पी़मु च़ूदी सोल्‍वाङ ताप्‍सीन। ओहले पत्रुसगी ओ़ह फुङबु ङो़ले त़ेदी, “ए ताबीता, ख्‍ये लाहङदोङ!” म़ेदी मासीन ओ़हजेलाराङ मोहगी मी़ खा फ़ेसीन ओहले पत्रुसला थोङदी लाहङदी तेहसीन।

ल़ेह-पेन 9:40 ပူးပေါင်းရင်းမြစ်များ

मत्ती 6:6

ख्‍येदी सोल्‍वाङ ताप्‍केमु राहङगी ङ्याहल-खाङ नाहङला स्‍य़ूहदी कोह क्‍याहप्‍ती स्‍यिहङगामकी याहप्‍च्‍येन आबाला सोल्‍वाङ ताप्‍तोङ। ख्‍येगी खाजुम्‍बाला पेहक्‍योगी ल़ेह ज़ी़ नाङगेन याहपगी ख्‍येला च्‍याहगा नाङज्‍ये येह।”

मत्ती 9:25

मिह मिह-माहङला फिला तेन नाङ फान्‍ज्‍यो येशू नाहङला स्‍य़ूह नाङसीन, ओहले येशूगी ओ़ह पोहमोगी लाहक्‍पा ज़ुङ नाङसीन, ओहले ओ़ह पोहमो ह्‍ओप लाङसीन।

मर्कूस 9:25

मिह मिह-माहङ जोम्‍दी राहङ ङो़ले ओहङग्‍यो ज़ी़ नाङदी येशूगी मेहचाङा नाम्‍स्‍यीला काप्‍क्‍येन नाङगेराङ सुङ नाङसीन, “ए लेम्‍बा दाङ नाम्‍ज्‍यो थ़े मी़हच्‍युएँ ज़ोएँगी नाम्‍स्‍यी, ओ़ह पेहजालेगी थेन्‍दी स्‍यो ओहले येहपाराङ नाहमॱआङ लो़हदी खो नाहङला मा़हस्‍युह!”

लूका 22:41

ओ़ह तिङले येशू फाच्‍चीला फार फेप नाङदी पी़मु च़ू नाङदी सोल्‍वाङ ताप नाङसीन,

लूका 8:54

यिहॱनाङ येशूगी ओ़ह पोहमोगी लाहक्‍पाला ज़ुङ नाङदी, “ए पोहमो, ख्‍ये लाहङदोङ!” म़ेदी सुङ नाङसीन।

ल़ेह-पेन 20:36

दि तामया़ मा सिहन फान्‍ज्‍यो पावलगी मिह थाम्‍ज्‍यी ङ्याम्‍बु डी़दी पी़मु च़ूदी सोल्‍वाङ ताप्‍सीन।

ल़ेह-पेन 21:5

यिहॱनाङ साता च्‍यी़चे तेह फान्‍ज्‍यो खुङया़ ङ्याम्‍बु कोहङबा स्‍यी़हदी काहल्‍सीन। चो़वोला यिह-छ्य़े पेहकेन्‍गी ओ़ह ग्‍या़गी आदा-नो़ह थाम्‍ज्‍यी, आज्‍यी-नुहमु दाङ पेहजाया़गीॱआङ ङ्यिहला क्‍याहसा फि थु क्‍याल्‍ज्‍येला ओहङसीन। ङ्यिह थाम्‍ज्‍यीगी छो-क्‍याहम्‍जोकी सुहरला पी़मु च़ूदी सोल्‍वाङ ताप्‍सीन।

ल़ेह-पेन 28:8

ओहजे काहङला पब्‍लियसकी आबाला छावा क्‍ये़दी मा़स्‍यी क्‍याहप्‍क्‍यो येहकें। ओहले पावल नेहपागी ङ्याहल-खाङला काहल्‍दी सोल्‍वाङ ताप्‍ती राहङगी लाहक्‍पा नेहपा थो़ला ज़्‍या़ फान्‍ज्‍यो नेहपा टा़हसीन।

ल़ेह-पेन 7:60

ओ़ह तिङले खोगी पी़मु च़ूदी क़े छ्यिम्‍बु च्‍यी़ तेन्‍दी मासीन, “ओ़ह चो़वो छ्येवा, दि तिहक्‍पागी ङ्य़ेहबा खुङया़ला माह फो़ज्‍यु!” देजे म़ेदी खो स्‍यिसीन।