ल़ेह-पेन 9:39 - ह्योल्‍मो

³⁹ ओहले पत्रुस खुङ ङ्यी़ ङ्याम्‍बुराङ योप्‍पाला काहल्‍सीन। ओ़हला लेप-लुहङ मे़हबाराङ मिहया़गी पत्रुसला थो़स्‍यो तेङला ख्‍येर्सीन। ओहले ह्‍युग्‍मोया़ डोरकास ङ्याम्‍बु येहकेमु ताबीतागी चेम तेरक्‍योगी काप्‍च्‍या थो़दी पत्रुसला तेन्‍दी, ङी़हदी पत्रुसकी पोहला तेह ओहङसीन।

ल़ेह-पेन 9:39 ပူးပေါင်းရင်းမြစ်များ

मत्ती 17:17

येशूगी सुङ नाङसीन, “काहन्‍डुमु यिह-छ्य़े म़ेहबा दाङ नोहङग्‍योगी क्‍यिहपाया़, काहजे ङ्यिहमा थु ङाह ख्‍याया़ ङ्याम्‍बु तेहच्‍ये? नाहम थु ङाहगी ख्‍याया़ला ना़ज्‍ये? केरे खोला ङाहसाला ख्‍येर-स्‍यो ले!”

मत्ती 26:11

प्राङबु मिहया़नी नाहम माॱनाङ ख्‍याया़ ङ्याम्‍बुराङ ओहङगे, यिहॱनाङ ङाहनी नाहम माॱनाङ ख्‍याया़ ङ्याम्‍बु मेहयोहङगे क्‍यिले!

मर्कूस 14:8

मोहगी च्‍यि पेह ख़ूएँ ओ़हदीॱराङ पेहसीन। दि टिहमा स्‍यिहम्‍बु खाएँगी नुम की़ तेर्ती मोहगी ङाहगी ज़ुबुला ङाह स्‍यिएँ म़ेदी तोहङलेराङ तो़हज्‍येला ठाबे पेहक्‍यो यिहन।

लूका 24:44

येशूगी खुङया़ला सुङ नाङसीन, “ख्‍या ङ्याम्‍बु तेहकेमु ङाहगी ख्‍याला माक्‍यो मिहन ले, मोशागी नाङग्‍योकी छ्य़े-ठिम, लुहङतेम्‍बा दाङ छ्य़े-लुगी छ्य़ेला ङाहगी तेहन्‍दाला प्रुहक्‍योगी थाम्‍ज्‍यीराङ केच्‍याया़ तेहन्‍दा डुपॱराङ कोहकें।”

यूहन्‍ना 12:8

च्‍यिबेमाना प्राङबुया़नी नाहम्‍माॱनाङ ख्‍या ङ्याम्‍बुराङ ओहङगे, यिहॱनाङ ङाहनी नाहम्‍माॱनाङ ख्‍या ङ्याम्‍बु मेहयोहङ।”

यूहन्‍ना 17:12

ङाह खुङ ङ्याम्‍बु येहकें थु राहङगी ङाहला नाङग्‍योकी राहङगी छेनला ङाहगी खुङया़ला तेम्‍बु पेहती ज़्‍या़सीन ओहले थार च्‍य़ूसीन। खुङया़ नाहङला तोङदी डो कोहएँगी पुह च्‍यी़ले ल्‍हाक्‍पु लेहमेन सुॱआङ तोङदी माहकाहल, च्‍यिबेमाना सुङरापला प्रुहक्‍योकी स्‍याहल तेहन्‍दा डुपॱराङ कोहच्‍ये येहकें।

ल़ेह-पेन 1:13

ओहले यरूशलेम क्‍याहसाला लेप्‍ती खुङ राहङ तेहकेन्‍गी खाङबागी थो़मे तेङला काहल्‍सीन। खुङ फ़ेबेॱया मेहन्‍दा च्‍यू़ज्‍यी येहके– पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसकी पुह याकूब, देशभक्त माएँगी सिमोन दाङ याकूबकी पुह यहूदा येहकें।

ल़ेह-पेन 20:35

ङाहगी थाम्‍ज्‍यी तामला राहङ फे़बेया़ला पे तेन सिहन्‍दी येह, राहङ फे़बेया़गीॱआङ दि ल़ेहमुराङ तुहक्‍पु पेहती ला़ मेहखाएँया़ला रो़ह पेह कोहएँ। चो़वो छ्येवा येशूगी सुङ नाङग्‍योकी दि स्‍याहल टेहम्‍बा साल्‍दी तेहतोङ, ‘लेहन्‍गे म़ेदी तेर्के सोनाम-साक्‍पु’!” म़ेदी पावलगी एफिससकी छो़बाया़गी गोबाया़ला मासीन।

ल़ेह-पेन 6:1

ओ़ह ती़हजीला चो़वो छ्येवा येशूगी स्‍याहप्‍च्‍यीया़गी टाहङजीला माहङरो माहङरो पेहती डोॱराङ येहकें। ओहजेला ग्रीक ताम माएँ दाङ हिब्रू ताम माएँ यहूदीया़की पाहरक्‍यीला ताम स्‍याङ स्‍याङ काहल्‍सीन। च्‍यिबेमाना ङ्यिहमा टाहङमा कोहएँगी साहप्‍च्‍याया़ खुङया़गी ह्‍युग्‍मोया़गी या़हबु पेहती माहन्‍ज्‍योर येहकें।

ल़ेह-पेन 8:2

ओहले किन्‍ज्‍योला छ्य़ेसेम पेहकें मिहया़गी स्‍तिफनासकी फुङबुला ख्‍येर्ती फुक्‍पाला तो़हसीन, ओहले स्‍तिफनासला सेक्‍योगी तेहन्‍दाला खुङ ज्‍यिबुराङ ङ्याहङेन पेहसीन।

ल़ेह-पेन 9:41

ओहले पत्रुसगी मोह लाहक्‍पाला ज़ुङदी लाङसीन। ओ़ह तिङला खोगी चो़वो छ्येवागी नाम्‍पार-ताहक्‍पा मिहया़ दाङ ह्‍युग्‍मोया़ला क़े क्‍याहप्‍ती स्‍यी़दीॱआङ सोम्‍बो लो़हक्‍योगी ताबीता खुङया़ला चि क्‍याहप्‍सीन।

२ कोरिन्‍थी 8:12

च्‍यिबेमाना ख्‍याया़गी तेर्केन्‍गी सेम छ्यिम्‍बु येहसीमाना ख्‍याया़ ङ्याम्‍बु च्‍यि येहबा ओ़ह लाहमलेॱराङ किन्‍ज्‍योगी नोम नाङगे, यिहॱनाङ ख्‍याया़ ङ्याम्‍बु म़ेहबा से़हया़ किन्‍ज्‍योगी नोम मेहनाङगे।

एफिसी 4:28

कुमेन क्‍याहप्‍केन्‍गी ता़ह यिहन्‍ज्‍यु कुमेन माह-क्‍याहप्‍च्‍यु खोगी टाहङबु पेहती राहङ लाहक्‍पागीॱराङ कादुप च्‍येती ल़ेह तुहक्‍पु पेहच्‍यु, ओहले खोगी कोम्‍बु काहल्‍ग्‍योया़ला तेर ख़ूज्‍ये येह।

१ थेसलोनिकी 1:3

च्‍यिबेमाना ओहराङगी किन्‍ज्‍यो दाङ याहपकी दिनला ख्‍या फे़बे मे़हमेया़की तेहपाकी ल़ेह दाङ चेवा लाहमले पेहक्‍योकी कादुप ओहले ओहराङ चो़वो येशू मास्‍यीका थो़ला ज़्‍या़क्‍योकी रेहवाला ख्‍या फ़ेबे-म़ेहमेया़गी क़ूह तेहती येहबा म़ेदी ङ्यिहगी नाहम माॱनाङ टेहम्‍बा साल्‍दीॱराङ येह।

१ थेसलोनिकी 4:13

आदा-नो़ह दाङ आज्‍यी-नुहमुया़, ता़ह किन्‍ज्‍योला यिह छ्य़ेदी स्‍यि सिहन्‍ग्‍योगी मिहया़गी तेहन्‍दाला ख्‍या फ़ेबे-म़ेहमेॱया च्‍यिॱआङ क्‍यी़ह म़ेहबाकी मिहया़ ल़ेहमु पेहती तेहच्‍यु माएँ ङ्यिहती सेम्‍बा म़ेह, च्‍यिबेमाना रेहवा म़ेहबाकी मिहया़गी ल़ेहमु तुहङाल पेह माहकोहज्‍यु।

१ तिमोथी 5:3

चारा पेहकेन मिह सुॱआङ म़ेहबाकी ह्‍युग्‍मोया़ला ची़नाङ पेहतोङ।

१ तिमोथी 5:5

ओहले राहङदी सुॱआङ म़ेहबाकी ह्‍युग्‍मोगी राहङगी रेहवा किन्‍ज्‍यो थो़ला च्‍यी़राङ ज़्‍या़क्‍यो ओहङगे। ओहले मोहगी ङ्यिहन-नुहपराङ स्‍यिहवा पेहती किन्‍ज्‍यो ङ्याम्‍बु सोल्‍वाङ ताप्‍ती तेहकें।

१ यूहन्‍ना 3:18

ए ङाहगी पेहजाया़! ओहराङ खा दाङ तामगी ज्‍यीॱराङ चेवा पेहच्‍ये मेहयोहङगे, ओहराङगी चेवादी तेहन्‍दामदी ओहङ कोहएँ। दि ल़ेहमु चेवाती ल़ेह लाहमले च्‍यी़राङ थोङगे यिहम्‍बा।