ल़ेह-पेन 9:32 - ह्योल्‍मो

³² ओहले पत्रुस फार छुर थाम्‍ज्‍यीराङ ग्‍या़या़ला डोएँॱराङ लुड्डा साने़ला येहकेन्‍गी किन्‍ज्‍योला यिह-छ्य़े पेहक्‍यो मिहया़ सालाॱआङ लेप ओहङसीन।

ल़ेह-पेन 9:32 ပူးပေါင်းရင်းမြစ်များ

मत्ती 27:52

ओहले रोह ज़्‍या़सा फुक्‍पाया़ खा फ़ेसीन ओहले स्‍यिदी काहल्‍ग्‍यो किन्‍ज्‍योगी दाम नाङग्‍योगी मिहया़ सोम्‍बो लो़हदी ओहङसीन।

ल़ेह-पेन 1:8

यिहॱनाङ नाम्‍पार-ताहक्‍पा थु ख्‍याया़ थो़ला फेप नाङ फान्‍ज्‍यो ख्‍यागी ओङ ज्‍योर्च्‍ये येह। ओ़ह तिङले ख्‍याया़ यरूशलेम क्‍याहसाला, थाम्‍ज्‍यी यहूदीयाला, सामरिया साने़या़ला, ओहले जाम्‍बुलीङ छ्यो़ ज़्‍यिगालाॱराङ ख्‍या ङाहगी पाङबु ओ़हङज्‍ये येह।”

ल़ेह-पेन 26:10

यरूशलेमला ओ़ह ल़ेहमुराङ टाह पेहसीन। ङाहगी पूजाहारी छ्यिम्‍बुया़ले ओङ ज्‍योर्ती किन्‍ज्‍योला यिह-छ्य़े पेहकेन्‍गी माहङबुराङ टाहङबु पुह पोहमोया़ला चोन-खाङला लू़सीन ओहले खुङया़ला सेच्‍येॱलाङ रो़ह पेहसीन।

ल़ेह-पेन 8:14

सामरिया क्‍याहसाकी मिहया़गी किन्‍ज्‍योगी सुङ लोक पेहसीन दु माएँ थ़े फान्‍ज्‍यो यरूशलेमला येहकेन्‍गी ल़ेह-पेनया़गी पत्रुस दाङ यूहन्‍नाला खुङया़साला ताङसीन।

ल़ेह-पेन 8:25

राहङगी पाङबु दाङ किन्‍ज्‍योगी सुङ स्‍ये फान्‍ज्‍यो पत्रुस दाङ यूहन्‍ना यरूशलेम ङो़ले लो़ह काहल्‍सीन। ओहले लो़हदी ओहङगेमु खुङया़गी सामरिया साने़की युहलया़ला स्‍य़ूहदी या़हबु लेहङगुगी तामया़ स्‍येसीन।

ल़ेह-पेन 9:13

ओहजेला हननियागी मासीन, “चो़वो छ्येवा, ओ़ह मिहगी यरूशलेमला राहङगी छार्क्‍यीनया़ला ज्‍यिबुराङ तुहक्‍पु तेरक्‍यो माएँ ताम ङाहगी मिह माहङबुराङ लाहमले थे़दी येह।”

ल़ेह-पेन 9:33

खोगी ओ़हला एनियास माएँ मिह च्‍यी़ला थ़ूसीन। एनियास ज़ुबु कुहलॱराङ मी़हखुएँ नाहजागी पेहती ङ्याहल्‍साला छ्यित्ते लो़ह क्‍ये़ह काहल सिहन्‍दी येहकें।

ल़ेह-पेन 9:41

ओहले पत्रुसगी मोह लाहक्‍पाला ज़ुङदी लाङसीन। ओ़ह तिङला खोगी चो़वो छ्येवागी नाम्‍पार-ताहक्‍पा मिहया़ दाङ ह्‍युग्‍मोया़ला क़े क्‍याहप्‍ती स्‍यी़दीॱआङ सोम्‍बो लो़हक्‍योगी ताबीता खुङया़ला चि क्‍याहप्‍सीन।

रोमी 1:7

रोम क्‍याहसाला तेहकेन किन्‍ज्‍योगी च्‍याहम्‍बु ङ्येन्‍जेन-ङ्येहवाया़ थाम्‍ज्‍यीला ङाह दि यिहगी प्रुहएँॱराङ येहबा, किन्‍ज्‍योगी ख्‍या थाम्‍ज्‍यीला च्‍याहम्‍बा जेती मिहरोकी नाम्‍पार-ताहक्‍पा छार्क्‍यीन ज़ो नाङज्‍येला क़े क्‍याहप नाङदी येह, किन्‍ज्‍यो ओहराङगी याहप दाङ चो़वो येशू मास्‍यीकागी ख्‍या थाम्‍ज्‍यीला काटीन दाङ स्‍य़िहदे नाङज्‍यु।

एफिसी 1:1

किन्‍ज्‍योगी थु लाहमले मास्‍यीका येशूगी ल़ेह-पेन ङाह पावल लाहमले, मास्‍यीका येशूला यिह छ्य़ेक्‍यो एफिससला येहकेन्‍गी नाम्‍पार-ताहक्‍पा मिहया़ला दि यिहगी प्रुहएँॱराङ येहबा।

फिलिप्‍पी 1:1

फिलिप्‍पी क्‍याहसाला येहकेन मास्‍यीका येशूकी नाम्‍पार-ताहक्‍पा मिहया़, एल्‍डरया़ ओहले डिकनया़ला ङ्यिह मास्‍यीका येशूकी योक्‍पु पावल दाङ तिमोथीगी दि यिहगी प्रुहएँॱराङ येहबा।