ल़ेह-पेन 9:17 - ह्योल्‍मो

¹⁷ ओहले चो़वो छ्येवागी सुङ नाङग्‍योकी स्‍याहल ङ्यिहन्‍दी हननिया काहल्‍सीन। ओहले खो खाङबा नाहङला स्‍य़ूहदी शाऊलगी थो़ला राहङगी लाहक्‍पा ज़्‍या़दी मासीन, “नो़ह शाऊल, ख्‍ये ओहङगे लाहमला थ़ूक्‍यो चो़वो येशूगीराङ ख्‍येगी मी़ थोङ ख़ूज्‍यु ओहले ख्‍ये नाम्‍पार-ताहक्‍पा थुगी काहङ ख़ूज्‍यु म़ेदी ङाहला ताङ नाङग्‍यो यिहम्‍बा।”

ल़ेह-पेन 9:17 ပူးပေါင်းရင်းမြစ်များ

मत्ती 19:13

ओ़ह ती़हजीला येशूगी राहङगी छ्या़ ज़्‍या़दी सोल्‍वाङ ताप नाङज्‍यु म़ेदी मिहया़गी राहङगी पेहजाया़ला येशूसाला ख्‍योङसीन। दि थोङदी स्‍याहप्‍च्‍यीया़गी ओ़ह मिहया़ला बार्ता लाङसीन।

मर्कूस 5:23

ओहले खोगी, “ङाहगी पोहमो पी़हरु ज्‍यिबुराङ नेहपा येहबा, राहङ फेप नाङदी मोहला दे़ नाङदोङ ओहले मोह टा़हदी थार्च्‍ये येह” म़ेदी स्‍युहसीन।

मर्कूस 6:5

ओ़ह सोङगोराङ येशूगी लाहला नेहपाया़गी थो़ला छ्या़ ज़्‍या़दी टा़ह च्‍य़ू नाङसीन ओ़ह म़ेदी ल्‍हाक्‍पु लेहमेन याहम्‍जेन छ्येवागी छ्या़लेया़ च्‍यिॱआङ जे माहनाङ।

लूका 1:41

ओहले एलीशिबागी मरियमगी टास्‍यी-देले माएँ थे़-लुहङ मे़हबाराङ मोहगी फोवा नाहङगी पेहजा स्‍युककी कुहल्‍सीन। ओहले एलीशिबा किन्‍ज्‍योगी थुगी काहङसीन।

लूका 1:67

जकरिया नाम्‍पार-ताहक्‍पा थुगी काहङदे लुहङदेन माज्‍ये छ़ूसीन,

लूका 1:76

ता़ह ए ङाहगी पुह, ख्‍येलानी चा़ छ्यिम्‍बुगी लुहङतेम्‍बा माज्‍ये येह, च्‍यिबेमाना ख्‍ये चो़वो छ्येवागी तोहङदा-तोहङ लाहम साल्‍ज्‍येला डोज्‍ये येह,

लूका 15:30

“‘ओहले राहङगी क्‍युह थाम्‍ज्‍यीराङ बान्‍डानीया़ ङ्याम्‍बु सिहन्‍दा च्‍येती ओहङग्‍यो पुह ओहङगेमुदी राहङगी दि से़दी ज़्‍या़क्‍योगी छोम्‍बु पिहउ पी़हरु खोगी तेहन्‍दाला सेत्‍ती डेन क्‍याहप्‍नाङसीन।’

लूका 15:32

ओ़ह सोङबे तिहरीङ ओहराङगी डेन से़हदी खाम्‍साङबु पेहक्‍यो ठाबेराङ यिहम्‍बा च्‍यिबे मासीमाना स्‍यिक्‍यो ओ़ह ख्‍येगी नो़ह सोम्‍बो च्‍य़ेह सिहन्‍सीन, खो तोरक्‍यो येहकें ता़हनी ज्‍योर्सीन’!”

लूका 2:11

तिहरीङ दाऊदगी क्‍येसा फायु बेथलेहेमला ख्‍याया़ला थार्पा थोप च्‍य़ू नाङगेन मास्‍यीका ठुङदी येह। ओ़ह स़ेबुराङ किन्‍ज्‍योगी ताङ नाङग्‍योकी चो़वो छ्येवा मास्‍यीका यिहन।

ल़ेह-पेन 10:36

किन्‍ज्‍योगी इस्राएलीया़ला ताङ नाङग्‍योकी लेहङगु, येशू मास्‍यीका लाहमले प्रा साल नाङग्‍योकी स्‍य़िहदेगी या़हबु लेहङगु राहङ फे़बेया़ला थुयी़ येह। (मिह-रो़हराङ मिह थाम्‍ज्‍यीगी चो़वो छ्येवा यिहम्‍बा।)

ल़ेह-पेन 13:3

ओहले खुङ फे़बेया़गी येहपाराङॱआङ ङ्युङने तेहती खुङ ङ्यी़गी थो़ला लाहक्‍पा ज़्‍या़दी सोल्‍वाङ ताप्‍ती ताङ चाहङसीन।

ल़ेह-पेन 13:52

ओहले स्‍याहप्‍च्‍यीया़दी नाम्‍पार-ताहक्‍पा थुगी काहङदे सेम काहसो पेहती तेहसीन।

ल़ेह-पेन 19:6

ओहले पावलगी राहङगी लाहक्‍पा खुङ थो़ला ज़्‍या़एँमु नाम्‍पार-ताहक्‍पा थु खुङ थो़ला ज़्‍य़ू फेप्‍सीन। ओ़ह तिङले खुङया़गी लेहमेन लेहमेन क्‍यिहपागी तामया़ मासीन ओहले लुहङदेनया़ माज्‍ये छ़ूसीन।

ल़ेह-पेन 2:4

ओहले खुङ थाम्‍ज्‍यीराङ नाम्‍पार-ताहक्‍पा थुगी काहङसीन ओहले खुङगी नाम्‍पार-ताहक्‍पा थु लाहमलेॱराङ ताम मा ख़ूएँगी ओङ ज्‍योर्ती राहङसा-राहङसा ताम साम्‍बाया़ माज्‍ये छ़ूसीन।

ल़ेह-पेन 21:20

दि तामया़ थे़सीम्‍बाराङ खुङगी किन्‍ज्‍योला थुज्‍यी-छ्ये़ फुल्‍सीन। ओहले खुङया़गी पावलला मासीन, “नो़ह, देला यहूदीया़ तोङरा तोङरागी चो़वो येशूला यिह-छ्य़े पेहती मोशागी नाङग्‍यो छ्य़े-ठिमॱलाङ ज्‍यिबुराङ छान्‍दी पेहती ची़उ येहबा।

ल़ेह-पेन 26:15

ओहले ङाहगी, ‘चो़वो, राहङ सु यिहम्‍बा लाह?’ म़ेदी टी़हसीन। ओहले चो़वोगी सुङ नाङसीन, ‘ङाह येशू यिहम्‍बा, ख्‍ये ङाहला तुहक्‍पु तेर्केॱराङ येह।

ल़ेह-पेन 4:31

दि रोहवा पेहती सोल्‍वाङ ताप सिहन फान्‍ज्‍यो खुङ छो़दी तेहक्‍यो ग्‍या़ युहङसीन। ओहले खुङ थाम्‍ज्‍यी नाम्‍पार-ताहक्‍पा थुगी काहङसीन ओहले खुङगी किन्‍ज्‍योगी सुङदेन मा़हन्‍ज्‍यीबा पेहती स्‍येती काहल्‍सीन।

ल़ेह-पेन 6:6

ओहले खुङया़गी ओ़ह दाम्‍ग्‍योगी मिह तिहनला ल़ेह-पेनया़गी दिनला ख्‍येर्सीन, ओहले ल़ेह-पेनया़गी सोल्‍वाङ ताप्‍ती राहङगी लाहक्‍पा खुङ थो़ला ज़्‍या़सीन।

ल़ेह-पेन 8:17

पत्रुस दाङ यूहन्‍नागी राहङगी लाहक्‍पा खुङया़गी थो़ला ज़्‍या़गेमु खुङया़गी नाम्‍पार-ताहक्‍पा थु ज्‍योर्सीन।

ल़ेह-पेन 9:18

हननियागी दि ताम मा सिहन-लुहङ मे़हबाराङ शाऊलगी मी़ले माहर च्‍यि रोहवा च्‍यि ताहप्‍सीन, ओहले खोगी मी़ थोङसीन ओहले खो लाहङदी बप्‍तिस्‍मा लेहन्‍सीन।

रोमी 15:7

ओ़ह सोङबे किन्‍ज्‍योकी ज़िज्‍यिदगी तेहन्‍दाला मास्‍यीकागी ख्‍याया़ला लोक जे नाङग्‍यो ल़ेहमुराङ ख्‍याया़गीॱआङ च्‍यी़गी च्‍यी़ला लोक पेहतोङ।

१ कोरिन्‍थी 15:47

तोहङस्‍यो आदम दि जाम्‍बुलीङगी सासागी ज़ोक्‍योगी मिह यिहम्‍बा, तिङस्‍यो आदमदी स्‍यिहङगामलेगी फेप नाङग्‍यो यिहम्‍बा।

१ कोरिन्‍थी 15:8

ओहले थाम्‍ज्‍यी म़ेदी तिङस्‍योलादी मास्‍यीका ङाहसाला थेन फेप नाङसीन। ओ़ह ती़हजीला ङाह दावा माहछाङबा पेहती क्‍येक्‍योगी पेहजा ल़ेहमुराङ येहकें।

१ कोरिन्‍थी 9:1

च्‍यि ङाह राहङवाङ म़ेहबा ले? च्‍यि ङाह ल़ेह-पेन मिहम्‍बा ले? च्‍यि ङाहगी येशू, ओहराङगी चो़वोला थोङग्‍यो म़ेहबा ले? च्‍यि ख्‍याया़राङ चो़वोगी तेहन्‍दाला ङाहगी पेहक्‍योकी ल़ेहगी कामेया़ मिहम्‍बा ले?

१ तिमोथी 4:14

ख्‍येगी ज्‍योरक्‍योकी काबापला याहङसे मा़हने। ओ़ह काबाप लुहङतेम्‍बागी स्‍याहल सुङगेमु ओहले छेन्‍छोककी एल्‍डरया़गी ख्‍ये थो़ला लाहक्‍पा ज़्‍या़गेमु ख्‍येला ज्‍योरक्‍योकी काबाप यिहम्‍बा।

१ तिमोथी 5:22

ह्‍अदा-ह्‍ओदे पेहती सु मिहज्‍यी थो़ला लाहक्‍पा ज़्‍या़दी खुङला छेन्‍छोककी एल्‍डर माहज़ो़। ओहले लेहमेन मिहया़गी पेहकेन्‍गी तिहक्‍पागी ल़ेहला लाहक्‍पा माहक्‍याहप। राहङला नाहम्‍माॱनाङ नाम्‍पार-ताहक्‍पा ज़्‍या़दोङ।

२ तिमोथी 1:6

ओ़ह सोङबे ङाह ख्‍येला तोहङमागी तामया़ टेहम्‍बा साल च्‍य़ूगेनॱराङ माउ येह, ङाहगी ख्‍ये थो़ला लाहक्‍पा ज़्‍या़गेमु किन्‍ज्‍योगी नाङग्‍योकी काबापला ख्‍येगी मेह ल़ेहमुराङ पेहती ती़हदी तेह च्‍य़ूदोङ।

फिलेमोन 1:16

ता़ह खो लाबु मिहम्‍बा यिहॱनाङ लाबु म़ेदीॱआङ या़हबु निङ च्‍येहएँगी नो़ह काहल्‍सीन। खो ङाहगी तेहन्‍दाला ज्‍यिबुराङ च्‍याहम्‍बु येह यिहॱनाङ ख्‍येगी तेहन्‍दालानी तोहरोङ खो ज़ुबु दाङ चो़वोला जेन माहङबु च्‍याहम्‍बु येह।

हिब्रू 6:2

नामे नाजोकी बप्‍तिस्‍मागी तेहन्‍दाला लुहङ, सुज्‍यी थो़ला लाहक्‍पा ज़्‍या़गेन्‍की ल़ेह, स्‍यिदीले सोम्‍बो लो़हगेन्‍गी केच्‍या दाङ था़ म़ेहबा ङ्य़ेहबा काल्‍गेन तामया़गी ब्राम येहपाराङ माहतिङ।

२ पत्रुस 3:15

चो़वोगी ख्‍येला तिहक्‍पालेगी थार्केन्‍गी लोहङ नाङगेमु मिहरोगी काहजे ना़स्‍यीङ छ्यिम्‍बु जे नाङबा ओ़ह टेहम्‍बा सोल। ओहराङगी ज्‍यिबुराङ च्‍याहम्‍बु नो़ह पावलगीॱआङ किन्‍ज्‍यो लाहमले ज्‍योरक्‍योकी रिहक्‍स्‍यी लाहमलेॱराङ दि थाम्‍ज्‍यी ख्‍याया़ला प्रुहक्‍यो येहकें।