ल़ेह-पेन 8:4 - ह्योल्मो4 ओहजेला काहने थेतेराङ टाहम्दे काहल्ग्यो मिहया़गी छ्यो़ ज़्यिगालाॱराङ काहल्दी चो़वो छ्येवागी सुङया़ स्येच्ये छ़ूसीन। အခန်းကိုကြည့်ပါ။ |
स्तिफनासला मिहया़गी से फान्ज्यो चो़वो छ्येवा येशूला यिह-छ्य़े पेहकेन स्याहप्च्यीया़ला यरूशलेमला तेहच्येला खेन्दा-का़हबु काहल्ग्यो सोङगोराङ माहङबुराङ स्याहप्च्यीया़ प्रे़हदी काहल्सीन। ओहले प्रे़हदी डोएँमु रेहरे फोनिके लुहङबाला लेप्सीन, रेहरे साइप्रसला लेप्सीन, रेहरे एन्टिओखिया क्याहसाॱलाङ लेप्सीन। ओ़ह ग्या़या़ला लेप्ती खुङया़गी तोहङस्यो यहूदी क्यिहपागी मिहया़ला च्यी़राङ या़हबु लेहङगु स्येसीन।
मिहया़गी स्तिफनासला दि ल़ेहमु पेहती तोह क्याहप्ती सेकेंमु शाऊलॱआङ ओ़ह मिहया़ ङ्याम्बु डी़दी येहकें। ओ़ह ङ्यिहमा यिहन्ज्यु यरूशलेमगी छेन्छोकला मिहया़गी छे म़ेहबा तुहक्पु तेर्च्ये छ़ूसीन। ओहजेला चो़वो छ्येवा येशूगी लेहमेन स्याहप्च्यीया़दी प्रे़हदी यहूदीया दाङ सामरियागी युहलया़ला काहल्दी काहने थेतेराङ टाहम्दे तेहसीन, यिहॱनाङ ल़ेह-पेनया़दी यरूशलेमलाराङ तेहसीन।
ख्या फ़ेबे-म़ेहमेॱया साला ओहङगे म़ेदी तोहङले फिलिप्पीकी मिहया़गी ङ्यिहला आब्रु तेन्दी ज्यिबुराङ तुहक्पु तेर्सीन। दि केच्याॱआङ ख्या फ़ेबे-म़ेहमेया़ला थुयी़राङ येह। मिहया़गी ङ्यिहला ज्यिबुराङ टाह पेहॱनाङ किन्ज्योगी लेहङगु या़हबु ख्या फ़ेबे-म़ेहमेया़ला स्येच्येला ङ्यिहला किन्ज्योगीॱराङ स्युक क्ये च्य़ू नाङसीन।