ल़ेह-पेन 8:39 - ह्योल्‍मो

³⁹ छ्युले फिला थेन फान्‍ज्‍यो चो़वो छ्येवागी नाम्‍पार-ताहक्‍पा थुगी फिलिपला ज़ुङदी ख्‍येर नाङसीन, ओहले ओ़ह मिहगी फिलिपला येहपाराङ माहथोङ, ओहले खो ज्‍यिबुराङ क़ेहनाङ पेहती राहङगी लाहम स्‍य़ूहसीन।

ल़ेह-पेन 8:39 ပူးပေါင်းရင်းမြစ်များ

मत्ती 13:44

किन्‍ज्‍योगी क्‍याहल्‍सीदी स्‍यिहङला पिहप्‍ते ज़्‍या़क्‍योगी क्‍युह ल़ेहमुराङ यिहम्‍बा। सु मिह च्‍यी़गी ओ़ह क्‍युहला ज्‍योर्के ओहले येहपाराङ पे़हदी ज़्‍या़गेन ओहले खो क़ेहनाङ पेहती काहल्‍दी राहङगी का़ह येहकेन्‍गी क्‍युहया़ चोङदी ओ़ह स्‍यिहङ ङ्योहएँ।

मत्ती 3:16

बप्‍तिस्‍मा नोम छार फान्‍ज्‍यो येशू छ्युलेगी थेन फेप्‍सीन। ओ़हजेलाराङ स्‍यिहङगाम खा फ़ेसीन, ओहले येशूगी किन्‍ज्‍योगी थु दुङगुकुर ल़ेहमुराङ जेती राहङ थो़ला फेप नाङग्‍यो ज़ी़ नाङसीन।

मर्कूस 1:10

ओहले छ्युलेगी फिला थेन फेप-लुहङ मे़हबाराङ स्‍यिहङगाम खा फ़ेसीन ओहले नाम्‍पार-ताहक्‍पा थु दुङगुकुर ल़ेहमु जेती राहङ थो़ला फेप नाङगेराङ जेक्‍यो येशूगी ज़ी़ नाङसीन।

ल़ेह-पेन 13:52

ओहले स्‍याहप्‍च्‍यीया़दी नाम्‍पार-ताहक्‍पा थुगी काहङदे सेम काहसो पेहती तेहसीन।

ल़ेह-पेन 16:34

ओहले चोन-खाङगी स्‍युहङ-पेनगी पावल दाङ सिलासला खाङबाला ख्‍येर्ती सोल स्‍युहसीन। ओहले खुङ मे़हमेया़ थाम्‍ज्‍यीगीराङ, “ङ्यिहगीॱआङ किन्‍ज्‍योला यिह-छ्य़े पेह ङ्युहङसीन” म़ेदी क़ेहनाङ पेहसीन।

ल़ेह-पेन 8:29

ओहजेला नाम्‍पार-ताहक्‍पा थुगी फिलिपला, “ख्‍ये सोङ ओहले स्‍यिङता-खोर्लो ङ्याम्‍बु-ङ्याम्‍बुराङ सोङ!” म़ेदी सुङसीन।

ल़ेह-पेन 8:38

ओहले खोगी स्‍यिङता-खोर्लोला क़ूह च्‍य़ूसीन ओहले खुङ ङ्यी़ फाप्‍ते छ्यु नाहङला स्‍य़ूहसीन ओहले फिलिपगी खोला बप्‍तिस्‍मा तेर्सीन।

ल़ेह-पेन 8:8

ओ़ह सोङबे सामरिया क्‍याहसाकी मिह थाम्‍ज्‍यी ज्‍यिबुराङ क़ेहनाङ पेहसीन।

रोमी 5:2

चो़वो येशूगी ओहराङला तेहपा लाहमले किन्‍ज्‍योकी काटीनला नोम फेप नाङदी येह। ताहन्‍दा ओहराङ ओ़ह काटीनलाॱराङ लाहङदी येहबा। ओहले किन्‍ज्‍योगी ज़िज्‍यिद छ्यिम्‍बु नोम्‍गेमु ओहराङॱआङ मिहरो ङ्याम्‍बुराङ ओहङज्‍ये येह माएँ रेहवाला क़ेहनाङ पेहकें।

फिलिप्‍पी 3:3

तेहन्‍दामकी स्‍या-ताक पेहकेनया़नी ओहराङया़ गा यिहम्‍बा च्‍यिबेमाना ओहराङ किन्‍ज्‍योला नाम्‍स्‍यी लाहमले छ्येपा फुल्‍गे ओहले मास्‍यीका येशूकी छेनला छ्य़ेन्‍दो तेन्‍गे। ओहले ज़ुबुला स्‍या-ताक पेहकें तामला ङ्यिह यिह मे़हछ्येएँ।

फिलिप्‍पी 4:4

चो़वोकी छेनला नाहम-माना काहसो पेहतोङ। ङाह येहपाराङॱआङ माएँ, काहसो पेहतोङ।

याकूब 4:16

यिहॱनाङ ख्‍यागी छ्य़ेन्‍दो तेन्‍गे ओहले ठासाक तेन्‍गे। दि ल़ेहमु छ्य़ेन्‍दो तेन्‍गेन्‍दी ङ्येहम्‍बा यिहम्‍बा।