ल़ेह-पेन 8:37 - ह्योल्‍मो

³⁷ [ ओहले फिलिपगी मासीन, “सेम तिहङ यिहन्‍ज्‍युराङ यिह-छ्य़े जे नाङसीन माना राहङगी बप्‍तिस्‍मा ल़ेहन ख़ूएँ।” ओहजेला खोगी, “यिहम्‍बा, येशू मास्‍यीकाॱराङ किन्‍ज्‍योगी स़ेबु यिहन म़ेदी ङाह यिह-छ्य़े पेहके” म़ेदी ओ़ह मिहगी ल़ेहन क्‍याहप्‍सीन।]

ल़ेह-पेन 8:37 ပူးပေါင်းရင်းမြစ်များ

मत्ती 16:16

सिमोन-पत्रुसगी ल़ेहन क्‍याहप्‍सीन, “राहङ सोम्‍बो किन्‍ज्‍योगी स़ेबु थार्पा नाङगेन्‍गी मास्‍यीका क्‍याहल्‍बु यिहम्‍बा।”

मत्ती 28:19

ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर,

मर्कूस 16:16

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

यूहन्‍ना 11:27

ओहले मार्थागी येशूला स्‍युहसीन, “लाहसो लाह चो़वो, राहङराङ जाम्‍बुलीङला फेप नाङगेन्‍गी किन्‍ज्‍योगी स़ेबु मास्‍यीका यिहम्‍बा म़ेदी ङाह यिह छ्य़ेगे।”

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

यूहन्‍ना 6:68

ओहजेला सिमोन-पत्रुसकी मासीन, “ओ़ चो़वो ला़ह, ङ्यिह सु साला डोज्‍ये? था़ म़ेहबागी मिहली ज़ाङबु नाङगेन्‍गी सुङनी राहङ ङ्याम्‍बुराङ येहबा।

यूहन्‍ना 9:35

यहूदीया़गी ओ़ह मिहला तेन चाहङसीन माएँ ताम येशूगी सेन नाङसीन ओहले येशूगी खोला थू़दी सुङ नाङसीन, “च्‍यि ख्‍ये किन्‍ज्‍योगी स़ेबुला यिह छ्य़ेगे?”

ल़ेह-पेन 2:38

ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।

ल़ेह-पेन 8:12

यिहॱनाङ फिलिपगी खुङया़ला किन्‍ज्‍योगी क्‍याहल्‍सीगी तेहन्‍दाला प्रा साल्‍दी चो़वो छ्येवा येशूॱराङ थार्पा थोप च्‍य़ू नाङगेन मास्‍यीका यिहन म़ेदी या़हबु लेहङगु स्‍ये फान्‍ज्‍यो मिह माहङबुगीराङ फिलिपगी तामला यिह छ्य़ेसीन। ओहले क्‍येप-ख्‍योवा दाङ पी़हमी-पेहजाया़गी बप्‍तिस्‍मा लेहन्‍सीन।

ल़ेह-पेन 8:21

ख्‍येगी दि छ्या़ले पेह मिहङ्युहङ, दि छ्या़लेला येहना ख्‍येगी बो येहबा, येहना ओङ येहबा, च्‍यिबेमाना किन्‍ज्‍योगी दिनला ख्‍येती सेम या़हबु मिहन्‍दु।

ल़ेह-पेन 8:36

ओहले खुङ लाहमला डोडोपा काहङला छ्यु येहकेन ग्‍या़ च्‍यी़ला लेप्‍सीन। ओहले ओ़ह ङुहरुम मिहगी मासीन, “ज़ी़-नाङदोङ, देला छ्यु दुबा! ङाहला बप्‍तिस्‍मा लेहन्‍ज्‍येला च्‍यि से़हगी का़ ख़ूएँ ले?”

ल़ेह-पेन 8:38

ओहले खोगी स्‍यिङता-खोर्लोला क़ूह च्‍य़ूसीन ओहले खुङ ङ्यी़ फाप्‍ते छ्यु नाहङला स्‍य़ूहसीन ओहले फिलिपगी खोला बप्‍तिस्‍मा तेर्सीन।

ल़ेह-पेन 9:20

ओहले खो लाहम्‍साङराङ यहूदीया़की छो़खाङया़ला स्‍य़ूहदी, “चो़वो छ्येवा येशूॱराङ किन्‍ज्‍योगी स़ेबु यिहम्‍बा” म़ेदी स्‍येच्‍ये छ़ूसीन।

रोमी 10:10

च्‍यिबेमाना मिहकी यिहगी यिह छ्य़ेदीॱराङ किन्‍ज्‍योगी दिनला टाहङबु सी़हगे ओहले खोगी यिह छ्य़ेक्‍योगी तामया़ राहङगी खागी लोक पेहती थार्पा ज्‍योर्के।

१ कोरिन्‍थी 12:3

ओ़ह सोङबे ख्‍याया़गी दि ताम ङोह स्‍ये़ज्‍यु माएँ ङाहगी सेम्‍बा येहबा, किन्‍ज्‍योगी थु लाहमले स्‍याहल सुङगे सुज्‍यीगीॱआङ येशूला मे़मु मेहक्‍याहप्‍कें, ओहले नाम्‍पार-ताहक्‍पा थु लाहमले च्‍यी़राङ “येशूॱराङ चो़वो यिहन” म़ेदी मा ख़ूएँ।

१ पत्रुस 3:21

दि छ्युगी, बप्‍तिस्‍माकी पे तेन्‍गे दिगी ख्‍याला थार च्‍य़ूगे। दि ज़ुबुकी ङ्योक्‍पाया़ स्‍याल्‍ग्‍यो ल़ेहमु मिहम्‍बा यिहॱनाङ दि नावा चाङमा थो़दी किन्‍ज्‍यो ङ्याम्‍बु ज़्‍या़क्‍योगी ताहम्‍ज्‍या यिहम्‍बा। येशू मास्‍यीका टोहङग्‍योलेगी सोम्‍बो ज़्‍याङ नाङग्‍यो सोङबे बप्‍तिस्‍मागी ख्‍याला थार च्‍य़ूगे।

१ यूहन्‍ना 4:15

येशूॱराङ किन्‍ज्‍योगी स़ेबु यिहम्‍बा माएँ मिह ङ्याम्‍बु किन्‍ज्‍यो ज़्‍य़ू नाङगे ओहले खो किन्‍ज्‍यो ङ्याम्‍बु ओहङगे।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

१ यूहन्‍ना 5:10

ओ़ह सोङबे किन्‍ज्‍योगी स़ेबु थो़ला यिह छ्य़ेगे मिहगी राहङगी सेम नाहङला दि पाङबुॱराङ ओहङगे। यिहॱनाङ किन्‍ज्‍योला यिह मे़हछ्येगे मिहगी किन्‍ज्‍योगी पाङबु तेर्केया़ला स्‍योप क्‍याहप्‍क्‍यो यिहन म़ेदी नोम्‍साङ ताङगे च्‍यिबेमाना स़ेबुगी तेहन्‍दाला किन्‍ज्‍योगी नाङग्‍यो पाङबुला खोगी यिहॱराङ मे़हछ्येएँ।

१ यूहन्‍ना 5:5

सुगी जाम्‍बुलीङला काहल ख़ूएँ? येशूला किन्‍ज्‍योगी स़ेबु यिहन म़ेदी यिह छ्य़ेएँ मिहगीराङ जाम्‍बुलीङला क्‍याहल ख़ूएँ।