ल़ेह-पेन 8:3 - ह्योल्‍मो

³ ओहजेला शाऊलगीदी छेन्‍छोकला तोङ च्‍य़ूज्‍ये म़ेदी खाङबा-खाङबाला स्‍य़ूहदी क्‍येप-ख्‍योवाया़ दाङ पी़हमी-पेहजाया़ला टिहती ख्‍येर्ती चोन-खाङला लू़-तेर्को येहकें।

ल़ेह-पेन 8:3 ပူးပေါင်းရင်းမြစ်များ

ल़ेह-पेन 16:19

ता़ह ओ़ह पोहमो-पेहजाकी ताहक्‍पुया़गी राहङदी टाङगा ओहङगेन्‍गी लाहम छ्य़ेक्‍यो थोङदी खुङगी पावल दाङ सिलासला ज़ुङदे क्‍याहसाकी पोम्‍बोया़ छो़गेन्‍गी ग्‍या़ला टिहते ख्‍येर्सीन।

ल़ेह-पेन 22:19

ओहले ङाहगी मासीन, ‘ओ़ चो़वो छ्येवा, ङाहगी थाम्‍ज्‍यीराङ छो़बाया़ला काहल्‍दी राहङला यिह-छ्य़े पेहकेनया़ला चोन-खाङला लू़दी तुहङग्‍योगी तामया़ खुङ थाम्‍ज्‍यीला क्‍यी़ह येह।

ल़ेह-पेन 7:58

खुङया़गी स्‍तिफनासला तोहगी क्‍याहप्‍ती सेच्‍येला क्‍याहसा यिहन्‍ज्‍यु टिहते फिला ख्‍येर्ती। ओहले पाङबु तेहकेया़गी राहङगी चुङगा पित्‍ते शाऊल मिहन थो़क्‍यो स्‍यारा च्‍यी़गी काङबा पोहला ज़्‍या़सीन।

ल़ेह-पेन 8:2

ओहले किन्‍ज्‍योला छ्य़ेसेम पेहकें मिहया़गी स्‍तिफनासकी फुङबुला ख्‍येर्ती फुक्‍पाला तो़हसीन, ओहले स्‍तिफनासला सेक्‍योगी तेहन्‍दाला खुङ ज्‍यिबुराङ ङ्याहङेन पेहसीन।

ल़ेह-पेन 9:21

खोगी ताम थे़गेन मिह थाम्‍ज्‍यीगी ह्‍अ ल़ेहदी, “यरूशलेमला चो़वो छ्येवा येशूगी छेन लेहङगेन मिहया़ला सेच्‍ये छोल्‍गेन्‍गी मिह दि मिहराङ मिहन ले? खो देला चो़वो छ्येवा येशूगी स्‍याहप्‍च्‍यीया़ला ज़ुङदी पूजाहारी छ्यिम्‍बुया़ साला ख्‍येर्च्‍येला ओहङग्‍यो मिहन ले?” म़ेदी मिहया़गी मासीन।

१ कोरिन्‍थी 15:9

ल़ेह-पेनया़ नाहङला ङाह थाम्‍ज्‍यी म़ेदी फेमा यिहम्‍बा। यिहन्‍ज्‍ये नि ङाह ल़ेह-पेन सी़हएँगी मिहनी मिहम्‍बा यिहन्‍गे च्‍यिबेमाना ङाहगी किन्‍ज्‍योगी छेन्‍छोकला ज्‍यिबुराङ तुहक्‍पु तेर्ती येहकें।

गलाती 1:13

यहूदी छ्य़ेला येहकेंमु ङाहगी तोहङमाकी मिहलीकी तेहन्‍दाला ख्‍यागी थ़े सिहन्‍दी येहबा, ओहजे काहङला ङाहगी काह-ठि पेहती किन्‍ज्‍योकी छेन्‍छोकला ज्‍यी़ज्‍ये ल़ेहमु तुहक्‍पुया़ तेर्पा, ओहले तोङॱराङ च्‍य़ूज्‍ये छोल्‍बा।

फिलिप्‍पी 3:6

स्‍युक तेन्‍गेन्‍की तेहन्‍दाला माज्‍ये मानानी थाम्‍ज्‍यी म़ेदी माहङबु छेन्‍छोकला तुहक्‍पु तेर्केन मिह ङाहराङ यिहन, टाहङदेनकी तेहन्‍दाला माज्‍ये माना छ्य़े-ठिम ची़दे किन्‍ज्‍योकी दिनला ठाबे सी़हक्‍यो मिहॱआङ ङाहराङ यिहन।

१ तिमोथी 1:13

यिहन्‍ज्‍येनी ङाहगी तोहङले चो़वो येशूला ङ्याप्‍च्‍यु पेहसीन, तुहक्‍पु तेर्सीन ओहले स्‍ये़हन्‍डील पेहसीन। ओ़ह ती़हजीला ङाहगी चो़वो येशूला यिह मा़हछ्येबा येहकें ओहले दि थाम्‍ज्‍यी तामया़ ङाहगी ङोह मा़हस्‍येबा पेहती पेहक्‍यो सोङबे किन्‍ज्‍योगी ङाहला थुज्‍यी ज़ी़ नाङसीन।

याकूब 2:6

यिहॱनाङ ख्‍याया़गीनी प्राङबुया़ला स्‍ये़हन्‍डील पेहसीन। च्‍यि छ्युक्‍पुया़गी ख्‍याला ङ्येन्‍ज्‍येन मेहबेकें ले? च्‍यि ख्‍याला ठिम-खाङला ख्‍येर्केन्‍दीॱआङ खुङया़ॱराङ मिहन ले?