ल़ेह-पेन 8:22 - ह्योल्‍मो

²² ओ़ह सोङबे राहङगी ङ्येहन्‍सेम च्‍याङग्‍योगी तेहन्‍दाला सेमगी स्‍या़बा पेहती किन्‍ज्‍योला सोल्‍वाङ ताप्‍तोङ। ओहले गा ख्‍येती दि रोहवा खोक्‍पा नाहक्‍पुला किन्‍ज्‍योगी स्‍या़बा नाङडो।

ल़ेह-पेन 8:22 ပူးပေါင်းရင်းမြစ်များ

ल़ेह-पेन 17:30

काहल्‍ग्‍योगी ती़हजीला मिहया़गी क्‍यी़ह म़ेहबा पेहती पेहक्‍योगी ल़ेहया़ला किन्‍ज्‍योगी च्‍योल्‍दो जे माहनाङ। यिहॱनाङ ता़ह किन्‍ज्‍योगी थाम्‍ज्‍यीराङ मिहया़ला राहङ-राहङगी तिहक्‍पाया़ पाङज्‍यु म़ेदी का नाङदी येह।

ल़ेह-पेन 2:38

ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।

ल़ेह-पेन 3:19

ता़हनी ख्‍या फे़बेया़गी सेमगी स्‍या़बा पेहती तिहक्‍पा पाङदी किन्‍ज्‍यो ङो़ले लो़ह नाङदोङ, ओहले किन्‍ज्‍योगी ख्‍या फे़बेया़गी तिहक्‍पा थाम्‍ज्‍यीराङ ता़ह च्‍य़ू नाङज्‍ये येह। दि ल़ेहमु पेहती ख्‍या फे़बेया़गी किन्‍ज्‍योलेगी यिहला लो तेहमु दाङ स्‍युक ज्‍योर्च्‍ये येह।

ल़ेह-पेन 8:20

ओहजेला पत्रुसगी मासीन, “ख्‍येगी टाङगा ख्‍ये ङ्याम्‍बुराङ तोङदी डोज्‍यु, च्‍यिबेमाना किन्‍ज्‍योगी काबाप टाङगागी ङ्योह ख़ूएँ म़ेदी ख्‍येगी साम्‍लु ताङसीन।

ल़ेह-पेन 9:11

ओहले चो़वो छ्येवागी हननिया़ला सुङ नाङसीन, “ख्‍ये थेका माएँ लाहमला सोङ, ओहले यहूदागी खाङबाला टार्सस क्‍याहल-खापगी शाऊल माएँ मिहला छोल्‍दोङ! खो ओ़हला सोल्‍वाङ ताप तेहती येहबा।

रोमी 2:4

किन्‍ज्‍योगी ख्‍येला माहङबुराङ थुज्‍यी ज़ी़ नाङसीन ओहले मिहरोगी ख्‍येला ना़स्‍यीङ छ्यिम्‍बु जेती माहङबुराङ कू़हदी ज़्‍य़ू नाङसीन ता़ह ख्‍ये च्‍यि किन्‍ज्‍योला क्‍युक्‍टो पेहकें? किन्‍ज्‍योकी थुज्‍यीगी तिहक्‍पा पाङ च्‍य़ूदी स्‍या़बा पेह च्‍य़ूगे माएँ ताम च्‍यि ख्‍येला क्‍यी़ह म़ेहबा?

हिब्रू 4:12

च्‍यिबेमाना किन्‍ज्‍योगी सुङ सोम्‍बो येह ओहले दिगी छ्या़ले जे नाङगेराङ येहबा। ओहले दि, खा ङ्यी़ येहकेन्‍गी पादाङ म़ेदीॱआङ नोम्‍बु येहबा। ओहले दिगी सो दाङ नाम्‍स्‍यीला ओ़हगी छी़ दाङ रेहको नाहङगी काङ थु तोल्‍गे ओहले सेम नाहङगी तामया़ दाङ सेम्‍बाया़ला दिगी ङ्याहम च्‍येती ताएँ।

ज्‍याल्‍गा 2:21

ङाहगी मोहला तिहक्‍पालेगी स्‍या़बा डुप्‍च्‍येला लोहङ तेर्सीन, यिहॱनाङ मोहगी छ्येउ-छ्येंमु पेहतीराङ तेहसीन।