ल़ेह-पेन 8:20 - ह्योल्‍मो

²⁰ ओहजेला पत्रुसगी मासीन, “ख्‍येगी टाङगा ख्‍ये ङ्याम्‍बुराङ तोङदी डोज्‍यु, च्‍यिबेमाना किन्‍ज्‍योगी काबाप टाङगागी ङ्योह ख़ूएँ म़ेदी ख्‍येगी साम्‍लु ताङसीन।

ल़ेह-पेन 8:20 ပူးပေါင်းရင်းမြစ်များ

मत्ती 10:8

नेहपाया़ला टा़ह च्‍य़ूदोङ, स्‍यिक्‍यो मिहया़ला सोम्‍बो लो़ह च्‍य़ूदोङ, जे-ने़ह थेन्‍ग्‍यो मिहया़ला टा़ह च्‍य़ूदोङ, ओहले ल्‍हेन्‍डीया़ला तेन्‍दोङ। ख्‍याया़गी आहन्‍डाराङ ज्‍योर्सीन, आहन्‍डाराङ तेर्तोङ!

मत्ती 15:19

च्‍यिबेमाना मिहगी सेम नाहङलेॱराङ ङ्येहम्‍बा नाम्‍स्‍यीया़ थेन्‍गे। दि ङ्येहम्‍बा नाम्‍स्‍यीया़गी पेहती खोगी मिह सेकें, छ्येउ-छ्येंमु पेहकें, कुमेन क्‍याहप्‍कें, स्‍योप क्‍याहप्‍ती पाङबु तेर्के ओहले किन्‍ज्‍योला स्‍ये़हन्‍डील पेहकें ल़ेहमु ल़ेह चोक्‍पाया़ पेहकें।

ल़ेह-पेन 1:18

ओहले खोगी माहताहक्‍पा ल़ेह पेहती लेहन्‍ग्‍यो टाङगालेगी स्‍यिहङ च्‍यी़ ङ्योहसीन। ओहले खो गो़ थुर्चु पेहती ताहप्‍सीन, ओहले खोगी फोवा फोङसीम्‍बाराङ क्‍युहमाया़ थेन्‍सीन।

ल़ेह-पेन 10:45

ओहले किन्‍ज्‍योगी राहङगी नाम्‍पार-ताहक्‍पा थुगी काबाप लेहमेन क्‍यिहपागी मिहया़ला नाङगेन थोङदी पत्रुस ङ्याम्‍बु ओहङग्‍यो, येशूला यिह-छ्य़े पेहकेन यहूदी रो़हया़ ह्‍अ ल़ेहसीन।

ल़ेह-पेन 11:17

चो़वो छ्येवा येशू मास्‍यीकाला यिह-छ्य़े पेहकेमु किन्‍ज्‍योगी ङ्यिहया़ला नाङग्‍योकी काबाप, खुङया़ॱलाङ ओ़ह काबापॱराङ नाङ फान्‍ज्‍यो किन्‍ज्‍योला का़ ख़ूएँ ङाह सु यिहम्‍बा ले?”

ल़ेह-पेन 2:38

ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।

ल़ेह-पेन 8:19

“ङाहॱलाङ दि ल़ेहमु ओङ नाङदोङ, ओहले ङाहगीॱआङ मिहया़गी थो़ला लाहक्‍पा ज़्‍या़गेमु खुङया़गी नाम्‍पार-ताहक्‍पा थु ज्‍योर्च्‍यु।”

ल़ेह-पेन 8:22

ओ़ह सोङबे राहङगी ङ्येहन्‍सेम च्‍याङग्‍योगी तेहन्‍दाला सेमगी स्‍या़बा पेहती किन्‍ज्‍योला सोल्‍वाङ ताप्‍तोङ। ओहले गा ख्‍येती दि रोहवा खोक्‍पा नाहक्‍पुला किन्‍ज्‍योगी स्‍या़बा नाङडो।

१ तिमोथी 6:9

यिहॱनाङ छ्युक्‍पु डोज्‍ये छोल्‍गे मिहया़ ङ्याहम्‍छेला छ्यिकें, मिताला छ्यिकें ओहले माहङबुराङ तेहन्‍दा म़ेहबा दाङ राहङला ने़-क्‍याल्‍गेन्‍गी सेम्‍बाया़ला नोम्‍साङ ताङगे, ओ़ह ल़ेहमु केच्‍याया़गी मिहया़ला नोङगेन ओहले तोङ च्‍य़ूगे।

याकूब 5:3

ख्‍यागी सेर ङुलया़ला या़ क्‍याहप सिहन्‍दी येह। ओ़ह या़ॱराङ ख्‍याला टाह पेहती पाङबु ओहङज्‍ये येह, ओहले ओ़ह या़गी मेहगी ल़ेहमुराङ पेहती ख्‍यागी ज़ुबुला दाक ताङज्‍ये येह। दि ज्‍युक्‍स्‍योलगी ङ्यिहमाया़ला ख्‍यागी क्‍युह नोहरया़ सी़ ज़्‍या़दी येह।

ज्‍याल्‍गा 18:15

दि पेलागी छोङबाया़ ओ़ह क्‍याहसाला छोङ पेहते क्‍युह ज़ोक्‍यो येहकें ता़ह दि थो़ला तुहक्‍पु बाप ओहङगे ज्‍यी़सुगी खुङया़ था़-रिहङबुराङ लाहङदी दि ल़ेहमु म़ेदी तुहङाल पेहती ङुहज्‍ये येह,