ल़ेह-पेन 8:14 - ह्योल्मो14 सामरिया क्याहसाकी मिहया़गी किन्ज्योगी सुङ लोक पेहसीन दु माएँ थ़े फान्ज्यो यरूशलेमला येहकेन्गी ल़ेह-पेनया़गी पत्रुस दाङ यूहन्नाला खुङया़साला ताङसीन। အခန်းကိုကြည့်ပါ။ |
ल़ेह-पेन 8:14
15 ပူးပေါင်းရင်းမြစ်များ
मिहया़गी स्तिफनासला दि ल़ेहमु पेहती तोह क्याहप्ती सेकेंमु शाऊलॱआङ ओ़ह मिहया़ ङ्याम्बु डी़दी येहकें। ओ़ह ङ्यिहमा यिहन्ज्यु यरूशलेमगी छेन्छोकला मिहया़गी छे म़ेहबा तुहक्पु तेर्च्ये छ़ूसीन। ओहजेला चो़वो छ्येवा येशूगी लेहमेन स्याहप्च्यीया़दी प्रे़हदी यहूदीया दाङ सामरियागी युहलया़ला काहल्दी काहने थेतेराङ टाहम्दे तेहसीन, यिहॱनाङ ल़ेह-पेनया़दी यरूशलेमलाराङ तेहसीन।
याकूब, केफास दाङ यूहन्ना छेन्छोककी गो-छ्येवा गोबाया़ यिहन्गे ओहले खुङ फे़बेया़गी किन्ज्योगीॱराङ ङाहला काटीन नाङग्यो दु माएँ ताम ङोह स्य़े फान्ज्यो खुङ फे़बेया़गी बारनाबास दाङ ङाहला रो़ह म़ेदी ची़नाङ पेहसीन। ओहले ङ्यिह फे़बेया़दी लेहमेन क्यिहपाकी मिहया़की पाहरक्यीला ल़ेह पेहकें काहल्सीन ओहले खुङ फ़ेबेया़ती यहूदीया़की पाहरक्यीला ल़ेह पेहकें काहल्सीन।
ओ़ह सोङबे दिगी तेहन्दाला ङ्यिहगीॱआङ किन्ज्योला नाहम माॱनाङ थुज्यी-छ्ये़ फुल्गे, च्यिबेमाना ङ्यिहगी ख्या फ़ेबे-म़ेहमेया़ला किन्ज्योगी लुहङ स्येकेमु ख्या फ़ेबे-म़ेहमेया़गी दि लुहङ ङ्यिहती मिहम्बा यिहॱनाङ दि लुहङ किन्ज्योदीॱराङ यिहम्बा म़ेदी ची़सीन। यिहन्ज्येॱआङ दि तेहम्बाराङ किन्ज्योदीॱराङ लुहङ यिहन्गे। ता़ह यिह छ्य़ेगे ख्या फ़ेबे-म़ेहमेया़गी पाहरक्यीला दि लुहङगी छ्या़ले जे नाङगेराङ येहबा।
ကြော်ငြာတွေ