ल़ेह-पेन 8:12 - ह्योल्‍मो

¹² यिहॱनाङ फिलिपगी खुङया़ला किन्‍ज्‍योगी क्‍याहल्‍सीगी तेहन्‍दाला प्रा साल्‍दी चो़वो छ्येवा येशूॱराङ थार्पा थोप च्‍य़ू नाङगेन मास्‍यीका यिहन म़ेदी या़हबु लेहङगु स्‍ये फान्‍ज्‍यो मिह माहङबुगीराङ फिलिपगी तामला यिह छ्य़ेसीन। ओहले क्‍येप-ख्‍योवा दाङ पी़हमी-पेहजाया़गी बप्‍तिस्‍मा लेहन्‍सीन।

ल़ेह-पेन 8:12 ပူးပေါင်းရင်းမြစ်များ

मत्ती 28:19

ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर,

लूका 9:2

किन्‍ज्‍योगी क्‍याहल्‍सीगी तेहन्‍दाला स्‍येच्‍येला ओहले नेहपाया़ला टा़ह च्‍य़ूज्‍येला ताङ चाहङ नाङसीन।

लूका 9:60

ओहले येशूगी ओ़ह मिहला सुङ नाङसीन, “रोहया़गी रोहया़लाराङ तो़हज्‍यु, यिहॱनाङ ख्‍येदी काहल्‍दी किन्‍ज्‍योगी क्‍याहल्‍सीगी तेहन्‍दाला स्‍येतोङ!”

ल़ेह-पेन 1:3

ओहप-क्‍याल नोम्‍दी क्‍याहङस्‍यीङला टोहङ फान्‍ज्‍यो येशू ङ्यिहमा ज़्‍यिप-च्‍यु थु लेहमा माहङबुराङ खुङया़ ङ्याम्‍बु थु नाङदी राहङ सोम्‍बो येह म़ेदी दास्‍यी तेन नाङसीन। ओहले स्‍याहप्‍च्‍यीया़गी येशूला थोङसीन ओहले येशूगी खुङया़ ङ्याम्‍बु किन्‍ज्‍योगी क्‍याहल्‍सीगी तेहन्‍दाला स्‍याहल सुङ नाङसीन।

ल़ेह-पेन 11:20

खुङ नाहङॱलाङ रेहरे साइप्रस दाङ कुरेनी क्‍याहल-खापकी मिहया़ येहकें। ओहले खुङया़गी एन्‍टिओखिया लुहङबाला ओहङदी ग्रीक मिहया़लाॱआङ चो़वो येशूगी तेहन्‍दाला स्‍येसीन।

ल़ेह-पेन 18:8

ओहले यहूदीया़की छो़खाङगी पोम्‍बो क्रिस्‍पस दाङ खो खाङबा म़ेहमे थाम्‍ज्‍यीगीराङ चो़वो येशूला यिह-छ्य़े पेहसीन। ओहले ओ़ह यिहन्‍ज्‍यु कोरिन्‍थी क्‍याहसाकी मिह माहङबुगीराङ पावलगी लोप्‍च्‍युङ ङ्यिहन्‍दी चो़वोला यिह छ्य़ेसीन, ओहले खुङ थाम्‍ज्‍यीगी बप्‍तिस्‍मा लेहन्‍सीन।

ल़ेह-पेन 19:5

दि ताम थ़े फान्‍ज्‍यो खुङगी चो़वो येशूगी छेनला बप्‍तिस्‍मा लेहन्‍सीन।

ल़ेह-पेन 2:38

ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।

ल़ेह-पेन 2:41

ओहले मिह माहङबुगीराङ पत्रुसकी तामला यिह छ्य़ेदी बप्‍तिस्‍मा लेहन्‍सीन। ओ़ह ङ्यिहमु तोङरा सुमजे मिहया़ खुङया़गी टाहङजीला खेन पा़हसीन।

ल़ेह-पेन 20:21

ङाहगी यहूदी दाङ ग्रीक क्‍यिहपागी मिह ङ्यिकालाराङ, ‘सेमगी स्‍या़बा पेहती तिहक्‍पागी ल़ेहया़ पाङदी राहङगी सेम किन्‍ज्‍यो ङो़ले ग्‍युर्तोङ, ओहले ओहराङगी चो़वो छ्येवा येशू मास्‍यीकाला तेहपा पेहतोङ’ म़ेदी प्रा साल्‍सीन।

ल़ेह-पेन 20:25

ता़ह ज़ी़-नाङदोङ, राहङ फे़बेया़गी पाहरक्‍यीला ङाहगी किन्‍ज्‍योगी क्‍याहल्‍सीगी तेहन्‍दाला प्रा साल्‍दी ओहङदीराङ येहबा, ता़ह ओहराङ नाहमॱआङ थु मिहङ्युहङ म़ेदी ङाहला क्‍यी़ह येहबा।

ल़ेह-पेन 28:31

ओहले खोगी सुॱलाङ मा़हन्‍ज्‍यीबा पेहती किन्‍ज्‍योगी क्‍याहल्‍सीगी तेहन्‍दाला खाम छ्यिम्‍बु पेहती प्रा साल्‍गो येहकें, ओहले चो़वो येशू मास्‍यीकागी तेहन्‍दाला लोप्‍को येहकें ओहले खोला सुज्‍यीगीॱआङ मे़हका येहकें।

ल़ेह-पेन 5:14

मिह माहङबुराङ, क्‍येप-ख्‍योवा दाङ पी़हमी-पेहजा ङ्यिकाराङगी चो़वोला सेमले खाल्‍दी खुङया़गी टाहङजीला खेन पा़हज्‍ये छ़ूसीन।

ल़ेह-पेन 8:4

ओहजेला काहने थेतेराङ टाहम्‍दे काहल्‍ग्‍यो मिहया़गी छ्यो़ ज़्‍यिगालाॱराङ काहल्‍दी चो़वो छ्येवागी सुङया़ स्‍येच्‍ये छ़ूसीन।

रोमी 10:10

च्‍यिबेमाना मिहकी यिहगी यिह छ्य़ेदीॱराङ किन्‍ज्‍योगी दिनला टाहङबु सी़हगे ओहले खोगी यिह छ्य़ेक्‍योगी तामया़ राहङगी खागी लोक पेहती थार्पा ज्‍योर्के।

१ कोरिन्‍थी 11:11

यिहन्‍दी सुङनाङ चो़वोगी दिनला पी़हमी राहङगी ख्‍योवा यिहन्‍ज्‍यु ओहले ख्‍योवा राहङ पी़हमी यिहन्‍ज्‍यु राहङवाङ मेहयोहङगे।

गलाती 3:28

ओ़ह सोङबे यहूदी मिह यिहॱना़ यिहन, लेहमेन क्‍यिहपागी मिह यिहॱना़ यिहन, योक्‍पु यिहॱना़ यिहन, सुज्‍यीदीॱआङ ओङ चो़ला ज्‍युल्‍दी माहतेहबाकी मिह यिहॱना़ यिहन, क्‍येप-ख्‍योवा यिहॱना़ यिहन, पी़हमी-पेहजा यिहॱना़ यिहन, येशू मास्‍यीकाला ख्‍या थाम्‍ज्‍यी च्‍यी़राङ यिहम्‍बा।

१ पत्रुस 3:21

दि छ्युगी, बप्‍तिस्‍माकी पे तेन्‍गे दिगी ख्‍याला थार च्‍य़ूगे। दि ज़ुबुकी ङ्योक्‍पाया़ स्‍याल्‍ग्‍यो ल़ेहमु मिहम्‍बा यिहॱनाङ दि नावा चाङमा थो़दी किन्‍ज्‍यो ङ्याम्‍बु ज़्‍या़क्‍योगी ताहम्‍ज्‍या यिहम्‍बा। येशू मास्‍यीका टोहङग्‍योलेगी सोम्‍बो ज़्‍याङ नाङग्‍यो सोङबे बप्‍तिस्‍मागी ख्‍याला थार च्‍य़ूगे।