ल़ेह-पेन 7:60 - ह्योल्‍मो

⁶⁰ ओ़ह तिङले खोगी पी़मु च़ूदी क़े छ्यिम्‍बु च्‍यी़ तेन्‍दी मासीन, “ओ़ह चो़वो छ्येवा, दि तिहक्‍पागी ङ्य़ेहबा खुङया़ला माह फो़ज्‍यु!” देजे म़ेदी खो स्‍यिसीन।

ल़ेह-पेन 7:60 ပူးပေါင်းရင်းမြစ်များ

मत्ती 27:52

ओहले रोह ज़्‍या़सा फुक्‍पाया़ खा फ़ेसीन ओहले स्‍यिदी काहल्‍ग्‍यो किन्‍ज्‍योगी दाम नाङग्‍योगी मिहया़ सोम्‍बो लो़हदी ओहङसीन।

मत्ती 5:44

यिहॱनाङ ङाह ख्‍याया़ला माएँ, टाहया़लाॱआङ चेवा पेहतोङ। राहङला तुहक्‍पु तेर्केनया़गी तेहन्‍दाला सोल्‍वाङ ताप्‍तोङ,

लूका 22:41

ओ़ह तिङले येशू फाच्‍चीला फार फेप नाङदी पी़मु च़ू नाङदी सोल्‍वाङ ताप नाङसीन,

लूका 23:34

ओहले येशूगी सुङ नाङसीन, “ओ़ याहप, दि माक्‍मीया़गी च्‍यि पेहको येहबा खुङगी ह्‍अ के़हदी म़ेह, खुङला स्‍या़बा नाङदोङ।” म़ेदी सुङ नाङसीन। ओहले माक्‍मीया़गी येशूगी नाहम्‍सा लेहन्‍दी गिन क्‍याहप्‍ती राहङ नाहङदोङ कोहसीन।

लूका 6:28

ख्‍याला मे़मु क्‍याहप्‍केनया़ला मेलाम क्‍याहप्‍तोङ ओहले ख्‍याला सुगीॱआङ चोक्‍पा पेहसीमाना खोला या़हबु ओहङज्‍यु म़ेदी किन्‍ज्‍योला सोल्‍वाङ ताप्‍तोङ।

यूहन्‍ना 11:11

ओ़ह तिङले येशूगी खुङया़ला सुङ नाङसीन, “ओहराङगी रो़ह लाजरस ङ्यि लो़हदे येह, ता़ह ङाह खोला ङ्यी़-छे च्‍य़ूज्‍येला ओ़हला डोएँ।”

ल़ेह-पेन 13:36

दि ताम दाऊदगी राहङगी तेहन्‍दाला माक्‍यो मिहम्‍बा च्‍यिबेमाना किन्‍ज्‍योगी थुला ठुङग्‍योगी ल़ेह पेह सिहन्‍दी खोनी स्‍यिसीन ओहले खो राहङगी आख्‍ये मे़हमेया़ तो़हक्‍योगी फुक्‍पालाॱराङ तो़हसीन ओहले रुहल्‍दी काहल्‍सीन।

ल़ेह-पेन 20:36

दि तामया़ मा सिहन फान्‍ज्‍यो पावलगी मिह थाम्‍ज्‍यी ङ्याम्‍बु डी़दी पी़मु च़ूदी सोल्‍वाङ ताप्‍सीन।

ल़ेह-पेन 21:5

यिहॱनाङ साता च्‍यी़चे तेह फान्‍ज्‍यो खुङया़ ङ्याम्‍बु कोहङबा स्‍यी़हदी काहल्‍सीन। चो़वोला यिह-छ्य़े पेहकेन्‍गी ओ़ह ग्‍या़गी आदा-नो़ह थाम्‍ज्‍यी, आज्‍यी-नुहमु दाङ पेहजाया़गीॱआङ ङ्यिहला क्‍याहसा फि थु क्‍याल्‍ज्‍येला ओहङसीन। ङ्यिह थाम्‍ज्‍यीगी छो-क्‍याहम्‍जोकी सुहरला पी़मु च़ूदी सोल्‍वाङ ताप्‍सीन।

ल़ेह-पेन 9:40

ओहले पत्रुसकी खुङ थाम्‍ज्‍यीला फिला ताङसीन ओहले पी़मु च़ूदी सोल्‍वाङ ताप्‍सीन। ओहले पत्रुसगी ओ़ह फुङबु ङो़ले त़ेदी, “ए ताबीता, ख्‍ये लाहङदोङ!” म़ेदी मासीन ओ़हजेलाराङ मोहगी मी़ खा फ़ेसीन ओहले पत्रुसला थोङदी लाहङदी तेहसीन।

१ कोरिन्‍थी 11:30

ओ़ह सोङबे ख्‍याया़ नाहङला काहजे मिहया़ मा-फाम्‍बु येहबा, खुङया़ला नाहजाया़ क्‍याहप्‍ती येह ओहले लाहलानी स्‍यिॱआङ सिहन्‍सीन।

१ कोरिन्‍थी 15:18

ओ़हठी यिहन्‍सीमाना मास्‍यीकाला यिह-छ्य़े पेहती स्‍यिक्‍योया़ॱआङ थाम्‍ज्‍यीराङ तोङसीन।

१ कोरिन्‍थी 15:20

यिहॱनाङ मास्‍यीकानी टोहङदीॱआङ येहपाराङ सोम्‍बो ज़्‍याङ नाङसीन। ओहले टोहङग्‍योया़लेगी थाम्‍ज्‍यी म़ेदी तोहङस्‍यो सोम्‍बो ज़्‍याङ नाङगेन्‍दी मास्‍यीका यिहन्‍गे सोङबे स्‍यिक्‍यो मिहया़ॱआङ तिङले येहपाराङ सोम्‍बो लो़हज्‍ये येह माएँ तामगी दास्‍यीती मास्‍यीकाॱराङ यिहम्‍बा।

१ कोरिन्‍थी 15:51

त़ेदोङ, ङाह ख्‍याया़ला तिहङ-रिहङबुगी ताम च्‍यी़ माएँ, ओहराङ थाम्‍ज्‍यी स्‍यिज्‍ये म़ेह यिहॱनाङ ओहराङ थाम्‍ज्‍यीगी ज़ुबु ग्‍युर्च्‍ये येह,

१ कोरिन्‍थी 15:6

ओ़ह तिङला मिहरो ती़हजी च्‍यी़लाॱराङ ङाप्‍क्‍या म़ेदीॱआङ माहङबु आदा-नो़ह दाङ आज्‍यी-नुहमुया़की पाहरक्‍यीला फेप नाङसीन ओहले खुङ थाम्‍ज्‍यीगी देप च्‍यी़लाॱराङ मास्‍यीकाला थोङसीन। मिहरोला थोङगेनया़ नाहङला काहजे मिहया़ स्‍यी़दीॱआङ काहल्‍सीन माहङ छ्येवादी नाहरे थुॱआङ येहॱराङ येहबा।

१ थेसलोनिकी 5:10

चो़वो येशू फेप नाङगेमु ओहराङ स्‍यिदी काहल्‍ग्‍यो यिहॱनाङ, सोम्‍बो लिहक्‍यो यिहॱनाङ ओहराङ मिहरो लाहमलेॱराङ थार ख़ूज्‍यु म़ेदीराङ मास्‍यीका ओहराङगी तेहन्‍दाला टोहङ नाङसीन।

२ तिमोथी 4:16

तोहङस्‍यो पा़लो ङाहती खाम्‍ज्‍यु चा़ल्‍ती़एँमु सुज्‍यीगीॱआङ ङाह ङो़ले छ्यो़ रुहप्‍ती ताम मे़-माहतेर। थाम्‍ज्‍यीगी ङाहला क्‍युर्सीन। ओ़हगी ङ्य़ेहबा खुङया़ला माह फो़ज्‍यु!

२ पत्रुस 3:4

“च्‍यि मास्‍यीकागी ओहङगे म़ेदी ताहम्‍ज्‍या ज़्‍या़क्‍यो मिहम्‍बा ले! ओहराङगी चावाया़ स्‍यिदी काहल्‍सीन, यिहॱनाङ जाम्‍बुलीङ छ्या़ले यिहन्‍ज्‍यु ओहङग्‍योगी ठिमया़नी आहन्‍डाराङ दु!”