ल़ेह-पेन 7:38 - ह्योल्मो38 ओहले इस्राएलीया़ सीनै लाहगी चो़ला येहकेन्गी रिह-काम्बुला छो़दी तेहक्यो ती़हजीला मोशा खुङ ङ्याम्बुराङ येहकें। स्यिहङगामकी स्याहप्च्यीगी सीनै लाहला मोशा ङ्याम्बु स्याहल सुङ नाङगो येहकें ओहले स्यिहङगामकी स्याहप्च्यीगी सुङग्योगी स्याहल खोगी इस्राएलीया़ला स्येको येहकें। အခန်းကိုကြည့်ပါ။ |
ल़ेह-पेन 7:38
26 ပူးပေါင်းရင်းမြစ်များ
ओ़ह मोशाराङ यिहन, खोला राहङ क्यिहपागीॱराङ दि ल़ेहमु म़ेदी चा़ माहबेबा येहकें, ‘सुगी ख्येला ङ्यिह थो़ला स्युहङ-पेन पेहच्ये दाङ ठिम ताङज्येला ताङबा?’ म़ेदी माक्यो येहकें, यिहॱनाङ मेह ती़ह तेहक्यो चेहरेप नाहङला खो ङ्याम्बु स्यिहङगामकी स्याहप्च्यी लाहमले किन्ज्योगी स्याहल सुङ नाङसीन ओहले मिहरोगीॱराङ इस्राएलीया़ला थार च्य़ूज्येला ओहले खुङया़गी थो़ला गोबा ज़ोज्येला ताङ नाङसीन।
खुङ इस्राएलीया़ यिहम्बा ओहले किन्ज्योगी खुङया़ला राहङदीराङ पुह-पोहमो ज़ो नाङसीन। किन्ज्योगी राहङगी ज़िज्यिद खुङया़ला तेन नाङसीन। खुङया़ ङ्याम्बुराङ किन्ज्योगी राहङगी ताहम्ज्या ज़्या़ नाङसीन ओहले खुङला छ्य़े-ठिम नाङसीन, किन्ज्योला स्याहप्तो स्य़ूहज्येला लोप नाङसीन, मिहरोगी ताहम्ज्याया़ खुङया़गी ज्योर्सीन।
लुहङ तेर्केन्की काबाप ज़्योरक्यो मिहगी किन्ज्यो लाहमलेॱराङ लुहङ तेर्च्यु। स्याहप्तो स्युहएँ मिहगी किन्ज्योगी ओङ लाहमले स्याहप्तो स्युहज्यु। ओ़ह ल़ेहमु पेहती ल़ेह थाम्ज्यीला येशू मास्यीका लाहमले किन्ज्योलाॱराङ ज़िज्यिद ओहङज्यु। मिह-रो़हलाॱराङ ज़िज्यिद दाङ ओङ नाहम्स्यी किन्दु ओहङज्यु! आमेन।
ကြော်ငြာတွေ