ल़ेह-पेन 7:2 - ह्योल्‍मो

² ओहले स्‍तिफनासगी ल़ेहन क्‍याहप्‍ती मासीन, “ए आदा-नो़ह दाङ आबाया़, ङाहगी माक्‍योगी ताम या़हबु पेहती सेन नाङदोङ! ङ्यिहगी चावा अब्राहाम हारान माएँ ग्‍या़ला तेहके म़ेदी तोहङले मेसोपोटामिया क्‍याहल-खापला ज़्‍य़ू नाङगेमु ज़िज्‍यिदगी किन्‍ज्‍योगी खोला ज्‍याल्‍गा नाङदी येहकें।

ल़ेह-पेन 7:2 ပူးပေါင်းရင်းမြစ်များ

मत्ती 6:13

ङ्यिहला ङ्याहम-छेला छ्यि च्‍य़ू माहनाङ, यिहॱनाङ ङ्येहम्‍बालेगी थार च्‍य़ू नाङदोङ। (च्‍यिबेमाना क्‍याहल-खाप, ओङ दाङ ज़िज्‍यिद नाहम्‍स्‍यी किन्‍दु राहङदीराङ यिहन, आमेन )”

लूका 2:14

“स्‍यिहङगामला ज़्‍य़ू नाङगेन्‍गी किन्‍ज्‍योला ज़िज्‍यिद ओहङज्‍यु, ओहले जाम्‍बुलीङला किन्‍ज्‍योगी थु-सेम जे नाङग्‍योकी मिहया़ला स्‍य़िहदे ओहङज्‍यु!”

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 12:41

यशैयागी दि स्‍याहल सुङ नाङसीन, च्‍यिबेमाना यशैयागी येशूगी ज़िज्‍यिद थोङसीन, ओहले मिहरोगी तेहन्‍दाला सुङ नाङसीन।

ल़ेह-पेन 22:1

“क़ेहङगेन दाङ आदा-नो़हया़, राहङ फे़बेया़गी दिनला ङाहगी राहङगी तेहन्‍दाला मा कोहएँगी ताम सेन नाङदोङ!” म़ेदी पावलगी मासीन।

ल़ेह-पेन 23:7

ओहले पावलगी माक्‍योगी दि तामगी पेहती सदुकी दाङ फरिसीया़ नाहङला ठाक-ठुक काहल्‍सीन ओहले छो़बा नाहङलाराङ ताहम्‍जी नोहङसीन।

ल़ेह-पेन 7:1

ओहले पूजाहारी गो-छ्येवागी, “दि ख्‍येला क्‍येन ता़क्‍यो ताम तेहम्‍बाराङ यिहम्‍बा?” म़ेदी टी़हसीन।

१ कोरिन्‍थी 2:8

दि काल्‍बाला ओङ छ्य़ेएँ का़हन्‍दीॱआङ क्‍याहल्‍बुया़गी ओ़ह तामया़ ङोह स्‍य़े मा़हखु। का़हलेॱआङ ङोह स्‍य़े ख़ूबा यिहनानी ज़िज्‍यिदकी चो़वोला खुङया़गी क्‍याहङस्‍यीङला च्‍याङज्‍येॱराङ म़ेहबा येहकें।

एफिसी 1:17

ओहराङ चो़वो येशू मास्‍यीकाकी किन्‍ज्‍यो, ज़िज्‍यिदकी याहपगी ख्‍याया़ला मिहरोगी तेहन्‍दाला येहन्‍देनला रिहक्‍स्‍यी दाङ ङोह स्‍य़े ख़ूएँगी थु नाङज्‍यु म़ेदी ङाह नाहम्‍माॱनाङ सोल्‍वाङ ताप्‍को येह।

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

हिब्रू 1:3

मास्‍यीकागी किन्‍ज्‍योकी ज़िज्‍यिदकी क्‍या-साङे तेन नाङगे ओहले मास्‍यीकाॱराङ किन्‍ज्‍योकी तेहम्‍बा-तेहन्‍सुम ङ्य़ेहरी यिहम्‍बा। ओहले मिहरोगी वाङज्‍या छ्यिम्‍बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्‍पालेगी कोहङदा नाङगेन्‍गी छ्या़ले छार फान्‍ज्‍यो मिहरो वाङज्‍या छ्यिम्‍बु नोम्‍गेन किन्‍ज्‍योकी योबा ङो़ले ज़्‍य़ू नाङसीन।

हिब्रू 11:8

किन्‍ज्‍योगी अब्राहामला क़े क्‍याहप नाङदी राहङगी ताहम्‍ज्‍या ज़्‍या़ नाङग्‍योकी क्‍याहल-खापला सोङ म़ेदी सुङ नाङसीन। अब्राहाम राहङ का़हला डो कोहएँ यिहम्‍बा म़ेदी खोला क्‍यी़ह म़ेहबा येहकें यिहॱनाङ खोगी किन्‍ज्‍योला तेहपा पेहती राहङ क्‍याहल-खाप क्‍युर ज़्‍या़दी थेन्‍दी काहल्‍सीन। ओ़ह ग्‍या़दी खोगी फास्‍यी ल़ेहमु पेहती तिङला ज्‍योरॱटाङ ज्‍योर्च्‍ये येहकें।

याकूब 2:1

ए ङाहगी आदा-नो़ह दाङ आज्‍यी-नुहमुया़, ज़िज्‍यिदगी काहङग्‍यो चो़वो छ्येवा येशू मास्‍यीकाला ख्‍याया़गी तेहपा पेहक्‍यो सोङबे ख्‍यागी फिगी छ्यालु त़ेदी सुलाॱआङ ङ्येम्‍बा-ङ्य़ेहरी माहबे।

ज्‍याल्‍गा 4:11

“ए ओहराङगी चो़वो दाङ किन्‍ज्‍यो, राहङ ज़िज्‍यिद, ची़नाङ दाङ ओङ नोम्‍ज्‍ये सी़हगेन्‍दी ज़्‍य़ू नाङदी येहबा च्‍यिबेमाना ना थाम्‍ज्‍यी राहङगीराङ छ्या़ च्‍य़ू नाङग्‍यो यिहम्‍बा, ओहले राहङगी थुला ठुङग्‍यो ल़ेहमुराङ ओ़हदी ओहङसीन ओहले ओ़ह से़हया़ छ्या़सीन।”