ल़ेह-पेन 6:9 - ह्योल्मो9 यिहॱनाङ लाहला मिहगीदी खोला टा़ह पेहच्ये छ़ूसीन। खुङ यहूदी छो़खाङगी राहङवाङ छो़बागी मिहया़ ओहले अलेक्जेन्ड्रिया क्याहसा दाङ कुरेनी, ओहले किलिकिया दाङ एशिया क्याहल-खाप छ्यिम्बुलेगी ओहङग्योगी यहूदीया़ यिहन्गे। खुङ थाम्ज्यी डी़दी स्तिफनास ङ्याम्बु स्येपा तुहर्केन छ़ूसीन। အခန်းကိုကြည့်ပါ။ |
ल़ेह-पेन 6:9
27 ပူးပေါင်းရင်းမြစ်များ
ता़ह या़हबु पेहती ङ्यिहन्दोङ, ङाह ख्याया़साला लुहङतेम्बा, खेम्बा ताहक्पु मिहया़ दाङ तेहन्दामकी छ्य़े-ठिमकी लोबेनया़ ताङ चाहङज्ये येह। खुङया़ नाहङला ख्याया़गी लाहलाला सेच्ये येह, लाहलाला क्याहङस्यीङला च्याङज्ये येह ओहले लाहलालादी छो़खाङया़ला ताक्स्यु क्याहप्च्ये येह ओहले लाहलाला क्याहसा च्यी़ले लेहमेन क्याहसा थु ङेच्ये येह।
ख्यादी जेम्बु पेहती तेह च्यिबेमाना मिहया़गी ख्याला ज़ुङदी ठिम-खाङला ख्येर्च्ये येह ओहले छो़खाङया़ला ख्येर्ती ताक्स्यु क्याहप्च्ये येह। ख्याला ङाहगी पेहती स्युहङ-पेन छ्यिम्बु दाङ क्याहल्बुया़गी दिनला लाहङ च्य़ूज्ये येह। ओहले ख्यागी ङाहगी तेहन्दाला खुङया़ला पाङबु तेर कोहच्ये येह।
ओहले पावलगी मासीन, “ङाह किलिकिया लुहङबागी टार्सस माएँ क्याहसाला क्येक्योगी यहूदी यिहम्बा। यिहॱनाङ, ङाह यरूशलेमलाराङ छारक्यो यिहम्बा। ओहले लोबेन गमलिएलगी स्याहप्च्यी पेहती ङाहगी ओहराङगी चावा यिहन्ज्यु ची़दी ओहङग्योगी छ्य़े-ठिम या़हबु पेहती लोप ङ्युहङसीन। तिहरीङ राहङ फे़बेया़गी किन्ज्यो ङो़ले काहजे सेम ताङग्यो येहबा, ओहजेराङ ङाहगीॱआङ राहङगी सेम किन्ज्यो ङो़ले ताङदे येहकें।
ङाह यहूदीया़की छो़खाङया़ला काहल्दी चो़वो येशूला यिह-छ्य़े पेहकेन्गी मिहया़ला ला़ खाजेबा तुहक्पु तेर्ती खुङया़ला चो़वो येशू ङो़ले तेहपा लो़ह च्य़ूज्ये म़ेदी माहङबुराङ तुहक्पु तेर्सीन। ङाह खुङ ङ्याम्बु स्यिहताङगी मेहॱराङ पाहर्ती येहकें ओ़ह सोङबे ङाह लेहमेन लुहङबागी क्याहसाया़ला काहल्दीॱआङ खुङया़ला तुहक्पु तेर्च्ये छ़ूसीन।
ကြော်ငြာတွေ