ल़ेह-पेन 6:4 - ह्योल्‍मो

⁴ ओहले ङ्यिहया़दी सोल्‍वाङ दाङ लुहङ स्‍येकेन्‍गी ल़ेहला स्‍य़ूहगे।”

ल़ेह-पेन 6:4 ပူးပေါင်းရင်းမြစ်များ

लूका 1:23

छ्योखाङला जकरियागी स्‍याहप्‍तो स्‍युहएँगी ल़ेह सिहन फान्‍ज्‍यो खो राहङगी खाङबाला लो़ह काहल्‍सीन।

ल़ेह-पेन 1:14

ओहले खुङ फ़ेबेॱया लेहमेन आज्‍यी-नुहमुया़ ओहले येशूगी आमा मरियम दाङ, येशूगी नो़हया़ ङ्याम्‍बु जोम्‍दी सेम च्‍यी़ डी़दी नाहम्‍माॱनाङ किन्‍ज्‍योला सोल्‍वाङ ताप्‍ती तेहको येहकें।

ल़ेह-पेन 2:42

ओहले खुङ ल़ेह-पेनया़ ङ्याम्‍बु लोप्‍कें, छोक्‍पा पेहकें, चो़वोगी डेन साहउ येहकें, ओहले सेम च्‍यी़ डी़दी नाहम माॱनाङ किन्‍ज्‍योला सोल्‍वाङ ताप्‍ती तेहको येहकें।

रोमी 1:9

ङाह सेम तिहङ यिहन्‍ज्‍युराङ किन्‍ज्‍योकी स़ेबुकी या़हबु लेहङगुया़ स्‍येती किन्‍ज्‍योला स्‍याहप्‍तो स्‍युहएँ। ओहले ङाहती सोल्‍वाङला ख्‍याॱलाङ नाहम्‍माॱनाङ टेहम्‍बा साल्‍देॱराङ येह, दिगी पाङबु किन्‍ज्‍यो ज़्‍य़ू नाङदी येह।

१ कोरिन्‍थी 9:16

ङाहगी या़हबु लेहङगु स्‍येकेमु छ्य़ेन्‍दो तेन्‍ज्‍येला ङाहला च्‍यिॱआङ ओङ म़ेह च्‍यिबेमाना दि ङाहगी मिहया़ला स्‍येॱराङ कोहएँ। का़हलेॱआङ ङाहगी या़हबु लेहङगु मे़हस्‍येसीमाना ङाह काहजे थाप-तुहक्‍पा!

फिलिप्‍पी 1:4

नाहम-माना ख्‍या थाम्‍ज्‍यीगी तेहन्‍दाला सोल्‍वाङ ताप्‍केमु ङाह क़ेहनाङ पेहती सोल्‍वाङ ताप्‍कें,

कलस्‍सी 2:1

ता़ह ख्‍याया़गी दि केच्‍या ह्‍अ कोहज्‍यु माएँ ङाहती सेम्‍बा येहबा, काह-ठि पेहती ख्‍याया़ दाङ लाउडिकियाला येहकेन्‍की मिहया़ ओहले ङाहला थोङॱराङ माहथोङबा मिह थाम्‍ज्‍यीगी तेहन्‍दाला ङाह कादुप च्‍येती ल़ेह पेहकें,

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

कलस्‍सी 4:17

“ख्‍येगी चो़वो लाहमले ज़्‍योरक्‍योगी स्‍याहप्‍तो स्‍युहएँगी ल़ेह ता़ह छाङबु पेह” म़ेदी अर्खिप्‍पसला म़े तेर।

२ तिमोथी 4:2

ङाह ख्‍येला किन्‍ज्‍योगी या़हबु लेहङगु स्‍येच्‍येला का तेर्केॱराङ येहबा। ती़हजी या़हबु येहॱनाङ मे़हॱनाङ या़हबु लेहङगु स्‍येच्‍ये माहक्‍युर। खुङया़ला लोप्‍ताम क्‍याहप्‍तोङ, बार्ता लाङदोङ, आ़र क्‍ये च्‍य़ूदोङ ओहले ना़स्‍यीङ छ्यिम्‍बु दाङ लुहङ तेर्केन्‍गी तामया़ला ख्‍ये मा-फाम्‍बु माहबे।