ल़ेह-पेन 6:14 - ह्योल्‍मो

¹⁴ “नासरतकी येशूगी दि छ्योखाङला रोम्‍ज्‍ये येह ओहले मोशागी ङ्यिहला नाङग्‍योगी पे-ठिमॱआङ च्‍ये तेर्च्‍ये येह” म़ेदी दि ल़ेहमु तामया़ दि मिहगी माक्‍यो ङ्यिह राहङगीराङ थे़दी येह।

ल़ेह-पेन 6:14 ပူးပေါင်းရင်းမြစ်များ

मत्ती 26:61

“दि मिहगीनी ‘ङाह किन्‍ज्‍योगी छ्योखाङ रोम्‍दी येहपाराङ ङ्यिहमा सुमला ज़ो ख़ूएँ’ म़ेदी माक्‍यो येहकें” म़ेदी मासीन।

मर्कूस 14:58

“मिहगी ज़ोक्‍योगी दि छ्योखाङला रोम्‍दी मिहगी माहजे़बागी छ्योखाङ ङाह ङ्यिहमा सुमलाराङ ज़ोएँ म़ेदी खोगी माक्‍यो ओहराङगी थ़ेसीन।”

लूका 21:24

टाहया़गी दि क्‍यिहपागी मिहया़ला पादाङगी तुप्‍ती सेच्‍ये येह, रेहरेला ताहम्‍दी लेहमेन लेहमेन क्‍याहल-खापया़ला ख्‍येर्च्‍ये येह। ओहले लेहमेन क्‍यिहपागी ङ्यिहमा माहछाङ थु टाहया़गी यरूशलेम क्‍याहसाला काङबागी नेम्‍दी ज़्‍या़ज्‍ये येह।”

लूका 21:6

ओहले येशूगी सुङ नाङसीन, “ङ्यिहन्‍दोङ, दि ल़ेहमु ती़हजी च्‍यी़ॱआङ लेप्‍च्‍ये येह, ओ़ह ती़हजीला ख्‍यागी देला थोङगेन्‍गी तोह च्‍यी़ थो़ला लेहमेन तोह लिहच्‍ये म़ेह!”

यूहन्‍ना 2:19

ओहले येशूगी खुङया़ला सुङ नाङसीन, “दि छ्योखाङला रोम्‍दोङ, ओहले ङाहगी ङ्यिहमा सुम नाहङला दिला येहपाराङ ज़ोएँ।”

यूहन्‍ना 4:21

ओहले येशूगी ओ़ह पी़हमीला सुङ नाङसीन, “ए पोहमो, ङाहला यिह छ्य़ेदोङ, ता़ह ओ़ह ती़हजी ओहङगेॱराङ येहबा, ओहजेला ख्‍याया़गी याहपला दि काहङॱलाङ छ्येपा फुल्‍ज्‍ये म़ेह ओहले यरूशलेमॱलाङ छ्येपा फुल्‍ज्‍येला डोज्‍ये म़ेह।

ल़ेह-पेन 15:1

ओहले लाहला मिहया़ यहूदीया साने़लेगी एन्‍टिओखिया क्‍याहसाकी आदा-नो़हया़साला ओहङदी दि ल़ेहमु लोप्‍च्‍युङ लोप्‍च्‍ये छ़ूसीन, “ख्‍या फ़ेबेॱया मोशागी नाङग्‍यो ठिमला ल़ेहमु स्‍या-ताक माहकाहल्‍बा येहनानी ख्‍या फे़बेया़गी थार्पा ज्‍योर मी़हखुएँ।”

ल़ेह-पेन 21:21

‘ता़ह यिहन्‍ज्‍यु मोशागी छ्य़े-ठिम ङ्यिहन मेहकोएँ ओहले पेहजाया़गी स्‍या-ताक पेह मेहकोएँ ओहले यहूदी ठिमया़ ची़ मेहकोहएँ’ म़ेदी ख्‍येगी लेहमेन क्‍यिहपाया़गी पाहरक्‍यीला तेहकेन्‍गी यहूदीया़ला लोप्‍को येहबा लो माएँ ताम खुङया़गी थ़े सिहन्‍दी येह।

ल़ेह-पेन 25:8

ओहले पावलगी राहङगी तेहन्‍दाला ताम प्रा साल्‍दी मासीन, “ङाहगी यहूदी छ्य़े-ठिम, छ्योखाङ दाङ रोमी क्‍याहल्‍बु छ्यिम्‍बुगी तेहन्‍दाला टाह पेहती च्‍यिॱआङ चोक्‍पा ल़ेहया़ पेहती म़ेह।”

ल़ेह-पेन 26:3

राहङला यहूदीया़गी डोलु-तेहलु, पे-ठिम दाङ तामया़ स्‍याङगेन्‍गी तेहन्‍दाला या़हबु पेहती थुयी़ येहकें सोङबे ङाह ङाहराङला तोहरोङॱआङ सोदी छ्यिम्‍बु ने़उ येहबा। ओ़ह सोङबे ता़ह राहङगी ङाहगी ताम ना़स्‍यीङ छ्यिम्‍बु जेती सेन नाङदोङ लाह म़ेदी स्‍युहसीन।

ल़ेह-पेन 28:17

ओहले ङ्यिहमा सुम तिङले पावलगी रोमला येहकेन्‍गी यहूदीया़की गोबाया़ला क़े क्‍याहप्‍सीन। ओहले खुङया़ जोम फान्‍ज्‍यो पावलगी मासीन, “आदा-नो़हया़, ङाहगी ओहराङगी क्‍यिहपा दाङ ओहराङगी चावाया़ यिहन्‍ज्‍यु ची़दे ओहङग्‍योगी पे-ठिमगी तेहन्‍दाला च्‍यिॱआङ ल़ेह चोक्‍पाया़ पेहती म़ेह। यिहॱनाङ यहूदी आदा-नो़हया़गी ङाहला यरूशलेमला ज़ुङदी रोमीया़गी लाहक्‍पाला चि क्‍याहप्‍सीन।

गलाती 3:19

ओ़हठी यिहन्‍सीमानानी ता़ह छ्य़े-ठिम च्‍यिबे कोहसीन ले? तिहक्‍पा ङोह स्‍य़े ख़ूज्‍यु म़ेदी छ्य़े-ठिम नाङग्‍यो यिहम्‍बा ओ़ह सोङबे तोहदाम ज़्‍या़ नाङग्‍योकी अब्राहामकी छार्क्‍यीन माहफेप थु दि छ्य़े-ठिम कोहपु काहल्‍ग्‍यो यिहम्‍बा। छ्य़े-ठिम स्‍यिहङगामकी स्‍याहप्‍च्‍यीया़ लाहमले मोशागी मिहया़ला नाङसीन।

गलाती 3:23

तेहपा ओहङगे म़ेदी तोहङले ओहराङ छ्य़े-ठिमकी ओङ चो़ला येहकें, ओहले छ्य़े-ठिमगी ओहराङला ज़ुङ ज़्‍या़दी येहकें।