ल़ेह-पेन 5:41 - ह्योल्‍मो

⁴¹ ओहले ल़ेह-पेनया़ येशूगी छेनला तुहक्‍पु दाङ स्‍ये़हन्‍डील खुर्च्‍ये सी़हसीन माएँ तामला ज्‍यिबुराङ क़ेहनाङ पेहती छो़बा क्‍याहप्‍क्‍यो ग्‍या़लेगी फिला थेन्‍दी काहल्‍सीन।

ल़ेह-पेन 5:41 ပူးပေါင်းရင်းမြစ်များ

लूका 6:22

“ख्‍या काहजे सोनाम-साक्‍पु, मिहगी स़ेबुगी तेहन्‍दाला मिहया़गी ख्‍याया़ला नाम्‍दो पेहच्‍ये येह, ओहले छ्यु च्‍येच्‍ये येह, ओहले स्‍ये़हन्‍डील पेहच्‍ये येह, ओहले ङ्येहन्‍दा ने़दी ख्‍याया़दी मिहनला स्‍याहम्‍डेन तेन्‍ज्‍ये येह।

यूहन्‍ना 15:21

यिहॱनाङ खुङगी दि थाम्‍ज्‍यी ङाहती मिहनगी तेहन्‍दाला ख्‍याया़ला पेहच्‍ये येह, च्‍यिबेमाना खुङगी ङाहला ताङ नाङगेन्‍दीला ङोह मे़हस्‍येएँ।

ल़ेह-पेन 21:13

ओहजेला पावलगी, “च्‍यिबे ख्‍यागी दि ल़ेहमु पेहती ङी़हदी ङाहगी सेम सुह क्‍याहप च्‍य़ूएँ? ङाह यरूशलेमला ताहम्‍ज्‍येज्‍यीराङ मिहम्‍बा, चो़वो येशूगी तेहन्‍दाला स्‍यि कोहॱनाङ स्‍यि ख़ूएँ” म़ेदी मासीन।

ल़ेह-पेन 5:21

ओ़ह स्‍याहल ङ्यिहन्‍दी खुङ ङाटुराङ छ्योखाङला काहल्‍दी मिहया़ला लोप्‍च्‍ये छ़ूसीन। ओहले पूजाहारी गो-छ्येवा दाङ खोगी रो़हया़गी इस्राएली गोबा थाम्‍ज्‍यीला छो़बाला क़े क्‍याहप्‍सीन। ओ़ह तिङले खुङया़गी ल़ेह-पेनया़ला चोन-खाङले तेन ख्‍येर-स्‍यो म़ेदी मिहया़ला ताङ चाहङसीन।

रोमी 5:3

ओहजे च्‍यी़राङ मिहम्‍बा, तुहक्‍पुकी ती़हजीॱलाङ ओहराङ क़ेहनाङ पेहकें च्‍यिबेमाना तुहक्‍पुगी ओहराङला ना़ ख़ूएँकी ओङ तेर्के,

२ कोरिन्‍थी 12:10

ओ़ह सोङबे मास्‍यीकागी तेहन्‍दाला ङाह मा-फाम्‍बु डोॱनाङ, मिहया़गी ङाहला स्‍ये़हन्‍डील पेहॱनाङ, तुहक्‍पु तेरॱनाङ, खेन्‍दा-का़हबु डोॱनाङ, फसात पार तीॱनाङ ङाह सेम काहसो पेहकें च्‍यिबेमाना ङाह मा-फाम्‍बु येहना च्‍यी़राङ, ङाह स्‍युक छ्यिम्‍बु डो ख़ूएँ।

फिलिप्‍पी 1:29

च्‍यिबेमाना मास्‍यीकाला ख्‍याया़ला दि तामॱआङ नाङदी येह, ख्‍यागी मास्‍यीकाला यिह छ्य़ेगे च्‍यी़राङ मिहम्‍बा, यिहॱनाङ मिहरोगी तेहन्‍दाला तुहक्‍पुॱआङ खुर कोहएँ।

हिब्रू 10:34

चोन-खाङला छ्यिक्‍योया़ला ख्‍यागी निङज्‍यी पेहसीन। राहङ ङ्याम्‍बु येहकेन्‍की थाम्‍ज्‍यी क्‍युह नोहरया़ मिहया़गी फ्रो़दी ख्‍येर्केमुॱआङ ख्‍यागी सेम काहसो पेहती ना़दीराङ तेहसीन। च्‍यिबेमाना नाहम्‍स्‍यी किन्‍दु लिहकेन्‍गी ओ़ह म़ेदीॱआङ छ्यिम्‍बु क्‍युह-नोहर राहङ ङ्याम्‍बुराङ येह माएँ ताम ख्‍याया़ला क्‍यी़ह येहकें।

हिब्रू 12:2

ओहराङ यिह-छ्य़ेला छ़ू नाङगे दाङ छाङबु जे नाङगेन्‍गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्‍यिॱआङ नाङदा जे माहनाङ यिहॱनाङ मिहरोगी तिहङला ओहङगेन्‍गी सेम काहसोगी तेहन्‍दाला क्‍याहङस्‍यीङगी तुहक्‍पु खुर नाङसीन, ओहले मिहरो किन्‍ज्‍योगी ज़्‍य़ू-ठिकी योबा ङो़ले ज़्‍य़ू नाङसीन।

याकूब 1:2

ए ङाहगी आदा-नो़ह दाङ आज्‍यी-नुहमुया़, नामे-नाजो तुहक्‍पु-तुहङालया़ ओहङगेमु सेम काहसो पेहतोङ।

३ यूहन्‍ना 1:7

च्‍यिबेमाना खुङया़ मास्‍यीकाकी छेनला या़हबु लेहङगु स्‍येच्‍येलाॱराङ कोराला थेन्‍ग्‍यो यिहम्‍बा ओहले चो़वोला यिह मे़हछ्येएँ मिहया़ ङ्याम्‍बु खुङगी च्‍यिॱआङ लेहन्‍दी म़ेह।