ल़ेह-पेन 5:24 - ह्योल्‍मो

²⁴ ओहले छ्योखाङगी पोम्‍बो दाङ पूजाहारी छ्यिम्‍बुया़गी दि लेहङगु थ़े फान्‍ज्‍यो “ता़ह च्‍यि डोएँ यिहम्‍बानी?” म़ेदी खुङ ल़ेह-पेनया़गी तेहन्‍दाला थामा थोमे काहल्‍सीन।

ल़ेह-पेन 5:24 ပူးပေါင်းရင်းမြစ်များ

लूका 22:4

ओहले खो पूजाहारी छ्यिम्‍बु दाङ छ्योखाङ सुङगे मिहया़गी गोबाया़साला काहल्‍दी येशूला काहन्‍डुमु पेहती गोबाया़गी लाहक्‍पाला छ्यि च्‍य़ू खू़रो म़ेदी खुङ ङ्याम्‍बु टे़ह क्‍याहप्‍सीन।

लूका 22:52

ओहले राहङला ज़ुङ ओहङगेन्‍गी पूजाहारी छ्यिम्‍बु, छ्योखाङ सुङगेन मिहया़गी गोबा दाङ लेहमेन गोबाया़ ङो़ले ज़ी़दी येशूगी सुङ नाङसीन, “च्‍यि ङाह ज्‍याक्‍पा यिहम्‍बा म़ेदी ख्‍या ङाहला जु़ङज्‍येला प्रेहका दाङ पादाङ थो़दी ओहङग्‍यो?

यूहन्‍ना 12:19

ओहले फरिसीया़गी राहङ नाहङदुङ मासीन, “केरे, ओहराङगीनी च्‍यिॱआङ पेह मा़हखु। त़ेदोङ, जाम्‍बुलीङॱराङ खोला तिङ ङ्या़ सिहन्‍दी येहबा!”

ल़ेह-पेन 2:12

ओहले खुङया़ ह्‍अ ल़ेहदी थामा थोमे पेहती राहङ नाहङदुङ, “दिगी तेहन्‍दा च्‍यि यिहम्‍बानी?” म़ेदी टी़हदाप पेहसीन।

ल़ेह-पेन 4:1

पत्रुस दाङ यूहन्‍ना मिहया़ ङ्याम्‍बु दि रोहवा पेहती ताम मे तेहकेमु पूजाहारीया़, सदुकीया़ ओहले छ्योखाङगी माक्‍पेन खुङसाला ओहङसीन।

ल़ेह-पेन 4:21

दि थे़दी खुङया़गी खुङ ङ्यी़ला तोहरोङ ठो़ तेन्‍दी ताङ चाहङसीन। खुङया़गी पत्रुस दाङ यूहन्‍नाला ङ्य़ेहबा काल्‍ज्‍येला च्‍यिॱआङ तामया़ माहन्‍ज्‍योर च्‍यिबेमाना खुङया़गी पेहक्‍योगी याहम्‍जेम्‍बा ल़ेहया़ थोङग्‍यो सोङबे मिह थाम्‍ज्‍यीगी किन्‍ज्‍योला त़ेरा तेच्‍या फुल्‍गेराङ येहकें।

ल़ेह-पेन 5:23

“चोन-खाङगी कोहॱनी या़हबु पेहतीराङ क्‍याहप्‍क्‍यो दु, चोन-खाङ सुङगेन माक्‍मीया़ॱआङ कोहलाराङ लाहङदी तेहक्‍यो दु। यिहॱनाङ कोह फ़ेदी ताएँमुनी नाहङला सुॱआङ मिहन्‍दु।”

ल़ेह-पेन 5:25

ओ़हजेलाराङ मेहन्‍दा च्‍यी़ ओहङदी, “सेन नाङदोङ, ख्‍या फे़बेया़गी चोन-खाङला लू़क्‍योगी मिहया़नी छ्योखाङला लाहङदी मिहया़ला लोप्‍च्‍युङ तेर्केनॱराङ येह” म़ेदी मासीन।

ल़ेह-पेन 5:26

दि ल़ेहमु थे़दी पोम्‍बो दाङ माक्‍मीया़ ल़ेह-पेनया़ला लेहन्‍ज्‍येला काहल्‍सीन। मिहया़गी तोह क्‍याहप्‍ती सेटो माएँ ज्‍यी़सुगी खुङया़ला ठो़ माहताङबा पेहती लो़ ख्‍योङसीन।