ल़ेह-पेन 5:20 - ह्योल्‍मो

²⁰ “सोङ, छ्योखाङला लाहङदी दि मिहली साम्‍बागी तेहन्‍दाला मिह थाम्‍ज्‍यीलाराङ स्‍येतोङ।”

ल़ेह-पेन 5:20 ပူးပေါင်းရင်းမြစ်များ

मत्ती 10:27

ङाहगी ख्‍याया़ला ना़-जुबेला माक्‍योगी ताम ख्‍याया़गी क्‍या-साङेला थाम्‍ज्‍यीला स्‍ये तेर, ओहले नाम्‍ज्‍योला खाजुम्‍बा पेहती स्‍येक्‍योगी तामया़ खाङबागी किल्‍दुङले थाम्‍ज्‍यीला फे़रा तेन्‍दी ख्‍येप्‍टा ताङदोङ।

मत्ती 21:23

ओहले येशू छ्योखाङला फेप्‍ती सुङदेन नाङदी ज़्‍य़ू नाङसीन। ओहले सुङदेन नाङगेमु पूजाहारी छ्यिम्‍बु दाङ यहूदीया़की एल्‍डरया़ येशूसाला ओहङदी, “राहङगी का़हलेगी ओङ ज्‍योर्ती दि छ्या़लेया़ जे नाङग्‍यो? दि ओङ राहङला सुगी नाङबा?” म़ेदी स्‍युहसीन।

यूहन्‍ना 12:50

किन्‍ज्‍योगी कागी था़ म़ेहबा मिहली ज़ाङबु नाङगेन म़ेदी ङाहला क्‍यी़ह येह। ओ़ह सोङबे ङाहगी च्‍यि ताम माॱनाङ ओ़ह याहपगी सुङ नाङग्‍योकी स्‍याहल च्‍यी़राङ माएँ।”

यूहन्‍ना 17:3

राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।

यूहन्‍ना 17:8

च्‍यिबेमाना राहङगी ङाहला नाङग्‍योकी सुङदेन ङाहगी खुङया़ला तेर्ती येह, ओहले खुङया़गी ओ़ह सुङदेन ची़दे येह। ङाह तेहम्‍बाराङ याहप-साले ओहङग्‍यो यिहन म़ेदी खुङया़गी या़हबु पेहती ङोह स्‍ये़दे येह। ओहले याहपगीॱराङ ङाहला ताङ नाङग्‍यो यिहन म़ेदी खुङया़गी यिह छ्य़ेदी येह।

यूहन्‍ना 18:20

ओहले येशूगी खोला ल़ेहन क्‍याहप नाङसीन, “ङाहगी लुहङबा थाम्‍ज्‍यीगी दिनला मा सिहन्‍दी येह। थाम्‍ज्‍यी यहूदीया़ जोम्‍गेन्‍गी ग्‍या़ छो़खाङ दाङ छ्योखाङया़ला ङाहगी नाहम पेहॱनाङ सुङदेन तेर्ती येह। ङाहगी यिहप्‍ती-यिहप्‍ती सुङदेन तेर्ती म़ेह।

यूहन्‍ना 6:63

मिहली नाङगेन्‍दीनी थुराङ यिहन, ज़ुबु लाहमलेनी च्‍यिॱआङ खेप्‍साङ मेहयोहङगे। ङाहगी ख्‍याया़ला माक्‍योगी ताम थु दाङ मिहली यिहन।

यूहन्‍ना 6:68

ओहजेला सिमोन-पत्रुसकी मासीन, “ओ़ चो़वो ला़ह, ङ्यिह सु साला डोज्‍ये? था़ म़ेहबागी मिहली ज़ाङबु नाङगेन्‍गी सुङनी राहङ ङ्याम्‍बुराङ येहबा।

ल़ेह-पेन 11:14

ओहले खोगी ख्‍येला दि ल़ेहमु या़हबु लेहङगु स्‍येच्‍ये येह, ओ़ह या़हबु लेहङगु लाहमले ख्‍ये दाङ ख्‍येगी म़ेहमे थाम्‍ज्‍यीगी थार्पा ज्‍योर्च्‍ये येह’ म़ेदी सुङ नाङसीन दुबा।

ल़ेह-पेन 13:26

अब्राहामगी क्‍यिहकी छार्क्‍यीन, इस्राएली आदा-नो़हया़ दाङ किन्‍ज्‍योला ज्‍यिक्‍पा पेहकेन लेहमेन क्‍यिहपागी ङ्येन्‍जेन-ङ्येहवाया़ दि थार्पागी लेहङगु ओहराङ थाम्‍ज्‍यीगी तेहन्‍दाला किन्‍ज्‍योगी ताङ नाङग्‍यो यिहम्‍बा।