ल़ेह-पेन 5:17 - ह्योल्‍मो

¹⁷ ओहले पूजाहारी गो-छ्येवा दाङ खोगी रो़ह सदुकीया़गी ल़ेह-पेनया़ला ज्‍यिबुराङ ठादो पेहसीन।

ल़ेह-पेन 5:17 ပူးပေါင်းရင်းမြစ်များ

मत्ती 27:18

च्‍यिबेमाना यहूदीया़गी गोबाया़गी येशूला ठादो पेहती चि क्‍याहप्‍क्‍यो यिहन माएँ ताम स्‍युहङ-पेन पोम्‍बो छ्यिम्‍बुला क्‍यी़ह येहकें।

मत्ती 3:7

यिहॱनाङ फरिसी दाङ सदुकी छो़बागी मिह माहङबुराङ बप्‍तिस्‍मा लेहन्‍ज्‍येला यूहन्‍नासाला ओहङग्‍यो थोङदी यूहन्‍नागी खुङया़ला मासीन, “ए प्रुहलगी छार्क्‍यीनया़, किन्‍ज्‍योगी ताङ नाङगेन्‍गी ठिमलेगी थार ख़ूएँ म़ेदी ख्‍याया़ला सुगी लोप्‍पा?

यूहन्‍ना 12:10

ओ़ह सोङबे पूजाहारी छ्यिम्‍बुया़गी लाजरसॱलाङ सेच्‍ये म़ेदी टे़ह क्‍याहप्‍सीन।

यूहन्‍ना 12:19

ओहले फरिसीया़गी राहङ नाहङदुङ मासीन, “केरे, ओहराङगीनी च्‍यिॱआङ पेह मा़हखु। त़ेदोङ, जाम्‍बुलीङॱराङ खोला तिङ ङ्या़ सिहन्‍दी येहबा!”

ल़ेह-पेन 13:45

मिह थाम्‍ज्‍यी बुङजी क्‍याहप्‍ती ओहङग्‍यो थोङदी यहूदीया़गी पावल दाङ बारनाबासला ठादो पेहसीन। ओहले पावलगी माक्‍यो तामला खुङया़गी टाह पेहती स्‍ये़हन्‍डील पेहसीन।

ल़ेह-पेन 15:5

ओहजेला किन्‍ज्‍योला यिह-छ्य़े पेहक्‍यो फरिसी छो़बागी रेहरे मिहया़गी लाहङदी दि ल़ेहमु मासीन, “लेहमेन क्‍यिहपागी मिहया़गीॱआङ यहूदी ठिमला ल़ेहमु पेहती स्‍या-ताक पेहॱराङ कोहकें ओहले खुङया़गी मोशागी नाङग्‍यो छ्य़े-ठिम थाम्‍ज्‍यीराङ ची़ॱराङ कोहएँ।”

ल़ेह-पेन 17:5

ओहले यहूदीया़गी ठादो पेहती छोङ-ठोमगी चोक्‍पा मिहया़ला क़े क्‍याहप्‍ती क्‍याहसाला फेतार कोहतार ताङ च्‍य़ूसीन, ओहले यासोनगी खाङबाला च्‍योम्‍दी पावल दाङ सिलासला मिहया़गी दिनला ख्‍योङज्‍ये छोल्‍सीन।

ल़ेह-पेन 4:26

किन्‍ज्‍यो दाङ किन्‍ज्‍योगी दाम नाङग्‍यो थार्पा नाङगेन मास्‍यीकाला टा़ह पेहच्‍येला जाम्‍बुलीङगी क्‍याहल्‍बुया़ दाङ पोम्‍बोया़ ङ्याम्‍बुराङ जोम्‍दी येह’।”

ल़ेह-पेन 4:6

ओ़ह छो़बाला हन्‍नास माएँ गो-छ्येवा पूजाहारी, खोगी ङ्येहवा डोएँगी कैयाफा, यूहन्‍ना, अलेक्‍जेन्‍डर दाङ खोगी लेहमेन ङ्यिन्‍जेन-ङ्येहवाॱया़ङ येहकें।

ल़ेह-पेन 5:16

यरूशलेमगी साहर-सुहरला येहकेन क्‍याहसालेगीॱआङ मिह माहङबुराङ ओहङसीन। खुङया़गी नेहपाया़ दाङ मेहचाङा नाम्‍स्‍यी स्‍य़ूहक्‍यो मिहया़ला ख्‍योङसीन ओहले खुङ थाम्‍ज्‍यी टा़हसीन।

ल़ेह-पेन 7:9

याकूबकी पुह योसेफला लेहमेन आदा-नो़हया़गी ठादो पेहती खोला मिश्र क्‍याहल-खापगी मिहया़गी लाहक्‍पाला चोङसीन ओहले खुङया़गी खोला लाबु ज़ोसीन। यिहॱनाङ किन्‍ज्‍यो खो ङ्याम्‍बु ज़्‍य़ू नाङदी येहकें।

गलाती 5:21

लेहमेन मिहया़ याहरक्‍यी काहल्‍ग्‍यो थोङगेमु सेम छी़गे, छ्याङसीवा, याम-थेर्पु लुया़ लेहन्‍दी छ्याम्‍गे, ज़िगे से़हया़ थुङदी छ्येउ-छ्येंमु पेहती खाम्‍साङ-ङ्याहम्‍साङ पेहकें ओहले लेहमेनॱआङ दि ल़ेहमुराङ तिहक्‍पागी ल़ेहया़ पेहकेन मिहया़ किन्‍ज्‍योगी क्‍याहल्‍सी नाहङला स्‍य़ूहज्‍येला ओङ ज्‍योर्च्‍ये म़ेह। दिगी तेहन्‍दाला ङाहगी तोहङलेॱआङ ख्‍याया़ला ठो़ पेहती माक्‍यो येहकें ओहले ताहन्‍दाॱआङ माएँराङ येहबा।

याकूब 4:5

“किन्‍ज्‍योगी ओहराङ नाहङला ज़्‍या़ नाङग्‍योकी यिहगी तेहन्‍दाला मिहरो ज्‍यिबुराङ ठादो जे नाङगे” म़ेदी सुङरापला प्रुहक्‍योगी स्‍याहल तेहन्‍दा मे़हबाला प्रुहक्‍यो यिहन म़ेदी मा़हने।

१ पत्रुस 2:1

ओ़ह सोङबे ख्‍यागी ना थाम्‍ज्‍यीगी ल़ेह चोक्‍पाया़ क्‍युर्तोङ, चिहन माहक्‍याहप, यिहन्‍दो माहतेन, ठादो माहतेन ओहले मिह ताम च्‍येहकेन्‍गी तामया़ माहलाप।