ल़ेह-पेन 4:3 - ह्योल्‍मो

³ ओहले खुङया़गी पत्रुस दाङ यूहन्‍नाला ज़ुङदे नाहङबार च्‍युङ थु चोन-खाङला ज़्‍या़सीन, च्‍यिबेमाना ओहजेला नाहम सो-सिहन्‍दे येहकें

ल़ेह-पेन 4:3 ပူးပေါင်းရင်းမြစ်များ

मत्ती 4:12

यूहन्‍ना चोन-खाङला छ्यिसीन दु माएँ ताम थे़दी येशू गालील ङो़ले फेप नाङसीन।

लूका 22:52

ओहले राहङला ज़ुङ ओहङगेन्‍गी पूजाहारी छ्यिम्‍बु, छ्योखाङ सुङगेन मिहया़गी गोबा दाङ लेहमेन गोबाया़ ङो़ले ज़ी़दी येशूगी सुङ नाङसीन, “च्‍यि ङाह ज्‍याक्‍पा यिहम्‍बा म़ेदी ख्‍या ङाहला जु़ङज्‍येला प्रेहका दाङ पादाङ थो़दी ओहङग्‍यो?

लूका 22:54

ओहले ओ़ह मिहया़गी येशूला ज़ुङदे पूजाहारी गो-छ्येवागी खाङबाला ख्‍येर्सीन। पत्रुसती क्‍याहङलेराङ येशूगी तिङदा तिङ ओहङसीन।

यूहन्‍ना 18:12

ओ़ह तिङले माक्‍मीया़गी मिह बा़ल च्‍यी़, खुङया़गी माक्‍पेन दाङ यहूदीया़की कोह सुङगे मिहया़गी येशूला ज़ुङदी ताहम्‍सीन।

ल़ेह-पेन 5:18

ओहले खुङया़गी ल़ेह-पेनया़ला ज़ुङदी चोन-खाङला लू़सीन।

ल़ेह-पेन 6:12

दि रोहवा पेहती खुङगी मिहया़ ओहले छो़बाला तेहकेन्‍गी गोबा दाङ छ्य़े-ठिम ताङगे गोबाया़लाॱआङ क्‍या़सीन। खुङया़गी स्‍तिफनासला ज़ुङदी छो़बागी दिनला ख्‍योङसीन।

ल़ेह-पेन 8:3

ओहजेला शाऊलगीदी छेन्‍छोकला तोङ च्‍य़ूज्‍ये म़ेदी खाङबा-खाङबाला स्‍य़ूहदी क्‍येप-ख्‍योवाया़ दाङ पी़हमी-पेहजाया़ला टिहती ख्‍येर्ती चोन-खाङला लू़-तेर्को येहकें।

ल़ेह-पेन 9:2

ओहले “दमस्‍कस छो़खाङगी पोम्‍बोया़ला ङाहगी ङोहस्‍यी तेर्ते यिहगी प्री़हदी नाङदोङ,” म़ेदी स्‍युहसीन। “दमस्‍कसला काहल्‍दी ओ़ह थार्पा ज्‍योर्केन माएँ लाहमला स्‍युहक्‍योगी क्‍येप-ख्‍योवा दाङ पी़हमी-पेहजा थाम्‍ज्‍यीलाराङ छोल्‍दे छोल्‍दे ज़ुङदी यरूशलेमला ख्‍योङ ङ्युहङज्‍यु,” म़ेदी खोगी गो-छ्येवा पूजाहारी ङ्याम्‍बु ओङ लाङसीन।