ल़ेह-पेन 4:17 - ह्योल्‍मो

¹⁷ यिहॱनाङ, दि ताम लेहमेन मिहया़गी पाहरक्‍यीला टाहम च्‍य़ूज्‍ये मेहयोहङगे। ओ़ह सोङबे खुङया़ला ‘ता़ह यिहन्‍ज्‍यु येशूगी छेनला लोप्‍च्‍युङ सुॱलाङ माहतेर’ म़ेदी मा कोहकें म़ेदी टे़ह क्‍याहप्‍सीन।”

ल़ेह-पेन 4:17 ပူးပေါင်းရင်းမြစ်များ

मत्ती 27:64

ओ़ह सोङबे ङ्यिहमा सुम माहकाहल थु ओ़ह फुक्‍पा या़हबु पेहती सुङ च्‍य़ूदोङ। मिहन्‍नानी खोगी स्‍याहप्‍च्‍यीया़गी ओहङदी रोह कुमेन क्‍याहप्‍ती ख्‍येर्वा, ओहले ‘ओ़ह खोनी स्‍यिदीले सोम्‍बो लाङसीन’ म़ेदी मिहया़गी माज्‍ये येह! मिहन्‍नानी तोहङले चिहन क्‍याहप्‍क्‍यो म़ेदीॱआङ ओ़हदी चोक्‍पा ओहङज्‍ये येह।”

मत्ती 9:30

ओहले खुङ ङ्यी़गी मी़ थोङगेन काहल्‍सीन। ओहले येशूगी खुङला, “दि केच्‍या सुॱलाङ छोर मा़हच्‍यु” म़ेदी का नाङसीन।

यूहन्‍ना 15:21

यिहॱनाङ खुङगी दि थाम्‍ज्‍यी ङाहती मिहनगी तेहन्‍दाला ख्‍याया़ला पेहच्‍ये येह, च्‍यिबेमाना खुङगी ङाहला ताङ नाङगेन्‍दीला ङोह मे़हस्‍येएँ।

ल़ेह-पेन 4:21

दि थे़दी खुङया़गी खुङ ङ्यी़ला तोहरोङ ठो़ तेन्‍दी ताङ चाहङसीन। खुङया़गी पत्रुस दाङ यूहन्‍नाला ङ्य़ेहबा काल्‍ज्‍येला च्‍यिॱआङ तामया़ माहन्‍ज्‍योर च्‍यिबेमाना खुङया़गी पेहक्‍योगी याहम्‍जेम्‍बा ल़ेहया़ थोङग्‍यो सोङबे मिह थाम्‍ज्‍यीगी किन्‍ज्‍योला त़ेरा तेच्‍या फुल्‍गेराङ येहकें।

ल़ेह-पेन 5:24

ओहले छ्योखाङगी पोम्‍बो दाङ पूजाहारी छ्यिम्‍बुया़गी दि लेहङगु थ़े फान्‍ज्‍यो “ता़ह च्‍यि डोएँ यिहम्‍बानी?” म़ेदी खुङ ल़ेह-पेनया़गी तेहन्‍दाला थामा थोमे काहल्‍सीन।

ल़ेह-पेन 5:28

“ङ्यिहगी ख्‍याला येशूगी छेनला सुॱलाङ च्‍यिॱआङ माहलोप म़ेदी माक्‍यो येहकें, यिहम्‍बानी मिहम्‍बा? त़ेदोङ, ख्‍याया़गी राहङगी लोप्‍च्‍युङया़ यरूशलेम काहङग्‍यालाराङ टाम्‍सीन दु। तोहरोङ, ख्‍यागी ओ़ह येशूला सेक्‍योगी ङ्य़ेहबा ङ्यिह थो़ला गा काल्‍ज्‍ये छोल्‍ग्‍यो दु!”

एफिसी 6:9

ए ताहक्‍पुया़, ओ़हठीॱराङ पेहती ख्‍याया़गीॱआङ राहङगी योक्‍पुया़ला या़हबु पेहतोङ, ओहले खुङया़ला ज्‍यी़-ङोर माहतेन च्‍यिबेमाना ख्‍या ङ्यिकाराङगी ताहक्‍पु स्‍यिहङगामला ज़्‍य़ू नाङदी येह, ओहले मिहरोगी सुॱलाङ ङ्येम्‍बा-ङ्य़ेहरी जे मेहनाङ।

१ थेसलोनिकी 1:8

च्‍यिबेमाना ख्‍या फ़ेबे-म़ेहमेॱया लाहमले चो़वोकी लेहङगु या़हबु माकेडोनिया दाङ अखैया लुहङबाला च्‍यी़राङ माहस्‍ये, यिहॱनाङ चो़वोला ख्‍या फ़ेबे-म़ेहमेया़गी तेहपा पेहक्‍योकी ताम थाम्‍ज्‍यी ग्‍या़या़ला फेल्‍दी येह। दिगी तेहन्‍दाला खुङया़ला लेहमेन च्‍यि तामॱआङ मा कोहबा म़ेह।

१ पत्रुस 2:23

खुङया़गी मास्‍यीकाला स्‍ये़हन्‍डील पेहकेमुॱआङ मिहरोगी खुङला च्‍यिॱआङ ल़ेहन क्‍याहप माहनाङ। तुहक्‍पु खुर नाङगेमु मास्‍यीकागी खुङला क्‍यिम्‍बा च्‍याल्‍गेन्‍की ज्‍यी़-ङोर तेन माहनाङ। यिहॱनाङ सुलाॱआङ ङ्येम्‍बा-ङ्य़ेहरी जे माहनाङबा जेती ठिम ताङ नाङगेन किन्‍ज्‍यो थो़लाराङ मास्‍यीकागी म़ेहबा जे नाङसीन।