ल़ेह-पेन 4:12 - ह्योल्‍मो

¹² चो़वो येशू च्‍यी़गी मिहम्‍बा लेहमेन सुगीॱआङ थार्पा थोप च्‍य़ू मी़हखुएँ। किन्‍ज्‍योगी येशूगी छेन मिहम्‍बानी जाम्‍बुलीङला लेहमेन च्‍यिॱआङ मिहन नाङदी म़ेह।”

ल़ेह-पेन 4:12 ပူးပေါင်းရင်းမြစ်များ

मत्ती 1:21

मोहगी स़ेबु च्‍यी़ ठुङज्‍ये येह, ओहले ख्‍येगी ओ़ह स़ेबुगी छेन येशू ज़्‍या़दोङ च्‍यिबेमाना येशूगी राहङगी मिहया़ला तिहक्‍पालेगी थार च्‍य़ू नाङज्‍ये येह” म़ेदी सुङ नाङसीन।

लूका 24:47

ओहले यरूशलेम यिहन्‍ज्‍यु छ़ूदी थाम्‍ज्‍यीराङ क्‍यिहपाया़ला येशूगी छेनला राहङगी सेमगी स्‍या़बा पेहती तिहक्‍पा पाङसीन माना तिहक्‍पागी स्‍या़बा ज्‍योर्च्‍ये येह माएँ तामगी तेहन्‍दाला स्‍येॱराङ कोहच्‍ये येह।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

ल़ेह-पेन 13:26

अब्राहामगी क्‍यिहकी छार्क्‍यीन, इस्राएली आदा-नो़हया़ दाङ किन्‍ज्‍योला ज्‍यिक्‍पा पेहकेन लेहमेन क्‍यिहपागी ङ्येन्‍जेन-ङ्येहवाया़ दि थार्पागी लेहङगु ओहराङ थाम्‍ज्‍यीगी तेहन्‍दाला किन्‍ज्‍योगी ताङ नाङग्‍यो यिहम्‍बा।

ल़ेह-पेन 2:5

ओ़ह ती़हजीला यरूशलेमला जाम्‍बुलीङकी ग्‍या़-ग्‍या़लेगी यहूदीया़ ओहङग्‍यो येहकें।

१ कोरिन्‍थी 3:11

च्‍यिबेमाना किन्‍ज्‍योगी तिङ नाङग्‍योकी ब्राम च्‍यिमी च्‍यी़राङ येहबा ओ़ह येशू मास्‍यीका यिहम्‍बा, ओ़ह म़ेदी लो़हलो सु मिह च्‍यी़गीॱआङ लेहमेन ब्राम तिङ मी़हखुएँ।

कलस्‍सी 1:23

तेहम्‍बाराङ ख्‍याया़ राहङगी तेहपाला सान्‍दी दाङ थिक-चि पेहती तेहतोङ। ख्‍याया़गी रेहवा पेहक्‍यो या़हबु लेहङगुला क्‍युरॱराङ माहक्‍युर। दि या़हबु लेहङगुॱराङ थाम्‍ज्‍यी लुहङबाकी मिहया़ला प्रा साल्‍दी येह। दि या़हबु लेहङगु स्‍येच्‍येलाॱराङ ङाह पावल योक्‍पु काहल्‍सीन।

हिब्रू 12:25

जेम्‍बु पेह, ख्‍या ङ्याम्‍बु स्‍याहल सुङ नाङगे सुङ-क़ेला मा-लोक माहबे। च्‍यिबेमाना दि जाम्‍बुलीङला ज्‍यी़-ङोर नाङगेन्‍दीला मा-लोक पेहकेनया़ थार मा़हखु मासीमाना स्‍यिहङगामले माहर ज्‍यी़-ङोर नाङगेन्‍दीला मा-लोक पेहसीमाना ओहराङ काह-ठि पेहती थार ख़ूज्‍ये ले?

हिब्रू 2:3

देजे छ्यिम्‍बु थार्पाला नोम्‍साङ मेहताङसीमानानी जेन काह-ठि पेहती ओहराङ थार ख़ूज्‍ये ले? दि थार्पा तोहङस्‍यो चो़वोगीॱराङ प्रा साल नाङसीन। मिहरोगी प्रा साल नाङग्‍योकी लुहङ ङ्यिहन्‍गेया़गी दि तेहम्‍बा यिहन म़ेदी ङ्यिहला पाङबु तेर्सीन।

ज्‍याल्‍गा 20:15

मिहलीगी छ्य़ेला मिहन मा़हप्रीहबा मिहया़ला ओ़ह मेहबुङगी छो नाहङला क्‍युर चाहङसीन।