ल़ेह-पेन 3:7 - ह्योल्‍मो

⁷ दि म़ेदी पत्रुसगी खोगी योबा लाहक्‍पाला ज़ुङदे लाङसीन। ओ़हजेलाराङ खोगी काङबा दाङ काङबा-छी़ला स्‍युक ओहङसीन।

ल़ेह-पेन 3:7 ပူးပေါင်းရင်းမြစ်များ

मर्कूस 1:31

ओहले येशू पोहला फेप्‍ती नेहपागी लाहक्‍पाला ज़ुङदी लाङसीन। ओ़हजेलाराङ मोहला छावागी ताङसीन, ओहले मोह लाहङदी खुङ फे़बेया़ला डोम्‍बो क्‍योङसीन।

मर्कूस 5:41

ओहले येशूगी पोहमोगी लाहक्‍पाला ज़ुङ नाङदी, “तालिता कूम!” म़ेदी सुङ नाङसीन। तालिता कूम सुङग्‍योदी तेहन्‍दा, “ए नुहमु, ङाह ख्‍येला माएँ, लाहङदोङ!” म़ेदी सुङ नाङग्‍यो यिहम्‍बा।

मर्कूस 9:27

यिहॱनाङ येशूगी ओ़ह पेहजागी लाहक्‍पाला ज़ुङदी लाङ नाङगेमु ओ़ह पेहजा ह्‍ओप लाङसीन।

लूका 13:13

ओहले येशूगी मोह थो़ला छ्या़ ज़्‍या़ नाङसीन। छ्या़ ज़्‍या़ नाङ-लुहङ मे़हबाराङ मोह टा़हदी ख्‍याङ पेहती लाहङसीन। ओहले मोहगी किन्‍ज्‍योला थुज्‍यी-छ्ये़ फुल्‍सीन।

ल़ेह-पेन 3:6

ओहले पत्रुसकी मासीन, “ङाह ङ्याम्‍बु सेर ङुलनी म़ेह। यिहॱनाङ, ङाह ङ्याम्‍बु च्‍यि येहबा, ओ़हदीॱराङ ख्‍येला तेर्कें। नासरतकी येशू मास्‍यीकागी छेनला लाहङदी सोङ!”

ल़ेह-पेन 3:8

ओहले खो ह्‍ओप लाहङदी डोज्‍ये छ़ूसीन ओहले खो फिर फिर छ्योङदे काहल्‍दी किन्‍ज्‍योला त़ेरा तेच्‍या फुल्‍गेराङ खुङ फे़बे ङ्याम्‍बु छ्योखाङ नाहङला स्‍य़ूहसीन।

ल़ेह-पेन 4:16

“ता़ह दि मिहया़ला ओहराङ च्‍यि पेहच्‍ये? खुङगी पेहक्‍योगी याहम्‍जेन छ्येवागी ल़ेहया़ यरूशलेमगी मिह थाम्‍ज्‍यीगी क्‍यी़ह ज्‍योर सिहन्‍दी येह। ता़ह ओहराङगी दि तामला मिहम्‍बा म़ेदीनी मा मी़हखु।

ल़ेह-पेन 4:9

तिहरीङ ङ्यिहया़गी दि कुच्‍या मिहला टा़ह च्‍य़ूदी या़हबु ल़ेह पेहक्‍योगी तेहन्‍दाला राहङ फे़बेया़गी दि खोला काहन्‍डुमु पेहती टा़ह च्‍य़ूक्‍यो माएँ ताम राहङ फे़बेया़गी ङ्यिह लाहमले ङोह स्‍ये़ज्‍ये थु जे नाङसीन माना,

ल़ेह-पेन 9:41

ओहले पत्रुसगी मोह लाहक्‍पाला ज़ुङदी लाङसीन। ओ़ह तिङला खोगी चो़वो छ्येवागी नाम्‍पार-ताहक्‍पा मिहया़ दाङ ह्‍युग्‍मोया़ला क़े क्‍याहप्‍ती स्‍यी़दीॱआङ सोम्‍बो लो़हक्‍योगी ताबीता खुङया़ला चि क्‍याहप्‍सीन।