ल़ेह-पेन 3:6 - ह्योल्‍मो

⁶ ओहले पत्रुसकी मासीन, “ङाह ङ्याम्‍बु सेर ङुलनी म़ेह। यिहॱनाङ, ङाह ङ्याम्‍बु च्‍यि येहबा, ओ़हदीॱराङ ख्‍येला तेर्कें। नासरतकी येशू मास्‍यीकागी छेनला लाहङदी सोङ!”

ल़ेह-पेन 3:6 ပူးပေါင်းရင်းမြစ်များ

मत्ती 10:9

ख्‍याया़ राहङगी क्‍येपाला सेर, ङुल दाङ साहङ-टाङ च्‍यिॱआङ मा़हथो।

मत्ती 7:22

ओ़ह ङ्यिहमु मिह माहङबुगीराङ ङाहला दि ल़ेहमु माज्‍ये येह, ‘ओ़ चो़वो, ओ़ चो़वो च्‍यि ङ्यिहगी राहङगी छेनला किन्‍ज्‍योगी लेहङगु माहस्‍येपा ले? च्‍यि राहङगी छेन लेहन्‍दी ल्‍हेन्‍डीया़ माहङेपा ले? च्‍यि राहङगी छेनला ङ्यिहगी याहम्‍जेम्‍बा ल़ेहया़ माहबेबा ले?’ म़ेदी माज्‍ये येह।

मर्कूस 14:8

मोहगी च्‍यि पेह ख़ूएँ ओ़हदीॱराङ पेहसीन। दि टिहमा स्‍यिहम्‍बु खाएँगी नुम की़ तेर्ती मोहगी ङाहगी ज़ुबुला ङाह स्‍यिएँ म़ेदी तोहङलेराङ तो़हज्‍येला ठाबे पेहक्‍यो यिहन।

मर्कूस 16:17

ओहले यिह-छ्य़े पेहकेनया़ ङ्याम्‍बु दि ल़ेहमु ताक्‍छेन ओहङज्‍ये येह– खुङया़गी ङाहगी मिहनला ल्‍हेन्‍डीया़ तेन्‍ज्‍ये येह ओहले ताम साम्‍बा साम्‍बाया़ माज्‍ये येह।

यूहन्‍ना 19:19

ओहले पिलातसगी, “नासरतकी येशू दाङ यहूदीया़की क्‍याहल्‍बु” म़ेदी फातुर च्‍य़ूक्‍योकी यिहगी च्‍यी़ प्री़हदी क्‍याहङस्‍यीङ थो़ला च्‍यार्सीन।

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

ल़ेह-पेन 16:18

ओहले मोहगी ङ्यिहमा माहङबु थु ओ़ह ल़ेहमुराङ म़ेदी क़े तेन्‍दीराङ तेहसीन। ओहले पावल छेर्स्‍यी लाहङदी ल्‍होक लो़हदी ओ़ह ङ्येहम्‍बा नाम्‍स्‍यीला, “येशू मास्‍यीकागी छेनला ख्‍ये दि पोहमोले थेन्‍दी सोङ” म़ेदी ठो़ तेन्‍दी मासीन ओ़हजेलाराङ ओ़ह ङ्येहम्‍बा नाम्‍स्‍यी ओ़ह पोहमोगी ज़ुबुले थेन्‍दी काहल्‍सीन।

ल़ेह-पेन 2:22

“इस्राएली आदा-नो़हया़, ङाहगी ताम सेन नाङदोङ। किन्‍ज्‍योगी येशू लाहमले ख्‍या फे़बेया़गी पाहरक्‍यीला ओङ छ्यिम्‍बुगी छ्या़लेया़ जे-नाङदी याहम्‍जेन छ्येवागी ताक्‍छेनया़ तेन नाङग्‍योदीनी ख्‍या फे़बेया़ला थुयी़राङ येहबा। ओ़ह ताक्‍छेनया़ लाहमले किन्‍ज्‍योगी नासरतकी येशूला राहङगीराङ ताङग्‍यो यिहम्‍बा म़ेदी दास्‍यी नाङसीन।

ल़ेह-पेन 2:36

“ओ़ह सुङगोराङ इस्राएलगी मिह थाम्‍ज्‍यीगी दि ताम ङोह स्‍य़े कोहकें– ख्‍या फे़बेया़गी क्‍याहङस्‍यीङला च्‍याङदी सेक्‍योगी येशूलाॱराङ किन्‍ज्‍योगी चो़वो दाङ थार्पा नाङगेन मास्‍यीका ङ्यिकाराङ ज़ो नाङसीन।”

ल़ेह-पेन 3:16

येशूला तेहपा पेहक्‍यो सोङबे काङबा कुच्‍या मिहगी स्‍युक ज्‍योर्सीन। येशूगी छेन थे़दी खोगी सेमला तेहपा ओहङसीन ओहले खोगी तेहपागी पेहती ता़ह ख्‍या फे़बेया़गी खोला छाङबुराङ टा़हक्‍यो ज़ी़ नाङदेराङ येह।”

ल़ेह-पेन 3:5

दि थे़दी खोगी च्‍यि रोहवा ज्‍योर्कें नि म़ेदी रेहवा पेहती तासीन।

ल़ेह-पेन 3:7

दि म़ेदी पत्रुसगी खोगी योबा लाहक्‍पाला ज़ुङदे लाङसीन। ओ़हजेलाराङ खोगी काङबा दाङ काङबा-छी़ला स्‍युक ओहङसीन।

ल़ेह-पेन 4:10

राहङ फ़ेबेॱया दाङ इस्राएलगी मिह थाम्‍ज्‍यीला क्‍यी़ह ओहङज्‍यु, राहङ फे़बेया़गी दिनला लाहङदी तेहक्‍यो दि मिह नासरतगी येशू मास्‍यीकागी छेनला टा़हक्‍यो यिहम्‍बा। राहङ फ़ेबेॱयागीदी येशूला क्‍याहङस्‍यीङला च्‍याङदी से नाङसीन। यिहॱनाङ किन्‍ज्‍योगी येशूला टोहङग्‍यो ग्‍या़लेगी सोम्‍बो ज़्‍याङ च्‍य़ू नाङसीन।

ल़ेह-पेन 4:7

खुङया़गी पत्रुस दाङ यूहन्‍नाला छो़बागी दिनला ख्‍योङदी “ख्‍यागी का़हन्‍दी ओङ दाङ सुगी मिहनला दि कुच्‍या मिहला टा़ह च्‍य़ूक्‍यो?” म़ेदी टी़हसीन।

ल़ेह-पेन 9:34

ओहले पत्रुसगी एनियासला, “ए एनियास, येशू मास्‍यीकाकी ख्‍येला ताहन्‍दाॱराङ टा़ह च्‍य़ू नाङगेन। ता़ह ख्‍ये लाहङदोङ, ओहले राहङगी तेङगो तिहदोङ!” म़ेदी मासीन। ओहले खो ओ़हजेलाराङ ह्‍ओप लाहङसीन ओहले खो डो ख़ूएँ काहल्‍सीन।

१ कोरिन्‍थी 4:11

ताहन्‍दा थुॱआङ ङ्यिहनी साह माहङ्युहङबा, थुङ माहङ्युहङबा पेहती टेहपा तो़बाराङ डोउ येह, काप्‍च्‍या बान्‍दा-बिन्‍दुया़ केहन्‍दी डोउ येह, ग्‍या़ ग्‍या़ला मिहया़गी ङ्यिहला तुहङदा तेर्के ओहले ङ्यिहती खाङसा-स्‍यिहङसाया़ च्‍यिॱआङ म़ेह।

२ कोरिन्‍थी 6:10

ङ्यिह माहङबुराङ तुहक्‍पु ङ्युहङग्‍यो येहबा यिहॱनाङ ङ्यिह सेम काहसो पेहकें। ङ्यिह प्राङबु येहबा यिहॱनाङ मिह माहङबुला छ्युक्‍पु ज़ोएँ। ङ्यिह ङ्याम्‍बु च्‍यिॱआङ म़ेह यिहॱनाङ ना थाम्‍ज्‍यीराङ येह।

२ कोरिन्‍थी 8:12

च्‍यिबेमाना ख्‍याया़गी तेर्केन्‍गी सेम छ्यिम्‍बु येहसीमाना ख्‍याया़ ङ्याम्‍बु च्‍यि येहबा ओ़ह लाहमलेॱराङ किन्‍ज्‍योगी नोम नाङगे, यिहॱनाङ ख्‍याया़ ङ्याम्‍बु म़ेहबा से़हया़ किन्‍ज्‍योगी नोम मेहनाङगे।

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

याकूब 2:5

ङाहगी च्‍याहम्‍बु आदा-नो़ह दाङ आज्‍यी-नुहमुया़, या़हबु पेहती ङ्यिहन्‍दोङ, च्‍यि किन्‍ज्‍योगी जाम्‍बुलीङकी प्राङबु मिहया़ला तेहपाला छ्युक्‍पु ज़ोज्‍ये दाङ ताहम्‍ज्‍या ज़्‍या़ नाङग्‍योकी क्‍याहल-खाप मिहरोला चेवा पेहकेनया़ला नाङज्‍येला दाम नाङग्‍यो मिहम्‍बा ले?

१ पत्रुस 4:10

किन्‍ज्‍योगी काटीनला ख्‍या रे़ह-रे़हगी नामे नाजोकी काबापया़ ज़्‍योरक्‍यो येहबा ओ़ह काबाप ख्‍या थाम्‍ज्‍यीगी मिहया़ला रो़हराम पेहच्‍येगी तेहन्‍दाला या़हबु पेहती चाल तिदोङ।