ल़ेह-पेन 3:23 - ह्योल्‍मो

²³ ओहले ओ़ह लुहङतेम्‍बागी स्‍याहल मिहङ्यीहन्‍गे मिहया़दी किन्‍ज्‍योगी राहङ मिहया़लेगी खा फे़ नाङज्‍ये येह ओहले खुङया़ तोङदी डोज्‍ये येह’।”

ल़ेह-पेन 3:23 ပူးပေါင်းရင်းမြစ်များ

मर्कूस 16:16

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

यूहन्‍ना 12:48

ङाहला मा-लोक पेहकें दाङ ङाहती ताम मिहङ्यीहन्‍गेनया़ला ठिम ताङ नाङगे मेहन्‍दा च्‍यी़ ज़्‍य़ू नाङदी येह। ङाहगी माक्‍यो तामगीराङ खोला तिङस्‍यो ङ्यिहमाला ठिम ताङज्‍ये येह।

यूहन्‍ना 8:24

ङाहगी ख्‍याया़ला मासीन, ‘ख्‍याया़ राहङगी तिहक्‍पाला स्‍यिज्‍ये येह’ च्‍यिबेमाना ‘ङाह ओ़हदीॱराङ यिहन’ म़ेदी ख्‍याया़गी यिह मे़हछ्येसीमाना ख्‍या राहङगी तिहक्‍पाला स्‍यिज्‍ये येह।”

ल़ेह-पेन 2:41

ओहले मिह माहङबुगीराङ पत्रुसकी तामला यिह छ्य़ेदी बप्‍तिस्‍मा लेहन्‍सीन। ओ़ह ङ्यिहमु तोङरा सुमजे मिहया़ खुङया़गी टाहङजीला खेन पा़हसीन।

हिब्रू 10:39

यिहॱनाङ ओहराङनी तेहपा लो़हदी तोङदी डोएँया़ नाहङदी मिहम्‍बा, यिहॱनाङ ओहराङनी यिह-छ्य़े पेहती थार्क्‍योया़ नाहङदी गा यिहम्‍बा।

हिब्रू 12:25

जेम्‍बु पेह, ख्‍या ङ्याम्‍बु स्‍याहल सुङ नाङगे सुङ-क़ेला मा-लोक माहबे। च्‍यिबेमाना दि जाम्‍बुलीङला ज्‍यी़-ङोर नाङगेन्‍दीला मा-लोक पेहकेनया़ थार मा़हखु मासीमाना स्‍यिहङगामले माहर ज्‍यी़-ङोर नाङगेन्‍दीला मा-लोक पेहसीमाना ओहराङ काह-ठि पेहती थार ख़ूज्‍ये ले?

हिब्रू 2:3

देजे छ्यिम्‍बु थार्पाला नोम्‍साङ मेहताङसीमानानी जेन काह-ठि पेहती ओहराङ थार ख़ूज्‍ये ले? दि थार्पा तोहङस्‍यो चो़वोगीॱराङ प्रा साल नाङसीन। मिहरोगी प्रा साल नाङग्‍योकी लुहङ ङ्यिहन्‍गेया़गी दि तेहम्‍बा यिहन म़ेदी ङ्यिहला पाङबु तेर्सीन।

ज्‍याल्‍गा 13:8

सेक्‍यो ल़ूह स्‍ये़बुकी मिहलीकी छ्य़ेला जाम्‍बुलीङ छ्या़ नाङगे म़ेदी तोहङलेराङ किन्‍ज्‍योगी मिहन प्रुह नाङग्‍यो मिहया़गी च्‍यी़राङ ओ़ह सेम्‍ज्‍येनला छ्येपा फुल्‍ज्‍ये म़ेह यिहॱनाङ ओ़ह म़ेदी लेहमेन, जाम्‍बुलीङला तेहकें थाम्‍ज्‍यी मिहया़गीनी ओ़ह सेम्‍ज्‍येनला छ्येपा फुल्‍ज्‍ये येह।

ज्‍याल्‍गा 20:15

मिहलीगी छ्य़ेला मिहन मा़हप्रीहबा मिहया़ला ओ़ह मेहबुङगी छो नाहङला क्‍युर चाहङसीन।