ल़ेह-पेन 3:16 - ह्योल्‍मो

¹⁶ येशूला तेहपा पेहक्‍यो सोङबे काङबा कुच्‍या मिहगी स्‍युक ज्‍योर्सीन। येशूगी छेन थे़दी खोगी सेमला तेहपा ओहङसीन ओहले खोगी तेहपागी पेहती ता़ह ख्‍या फे़बेया़गी खोला छाङबुराङ टा़हक्‍यो ज़ी़ नाङदेराङ येह।”

ल़ेह-पेन 3:16 ပူးပေါင်းရင်းမြစ်များ

मत्ती 14:29

येशूगी सुङ नाङसीन, “स्‍यो!” पत्रुस टुह-छ्युङलेगी फाप्‍ती छ्यु थो़ले डे़दी येशूसाला डोज्‍ये छ़ूसीन।

मत्ती 9:22

ओहले येशूगी ल्‍होक लो़हदी ज़ी़ नाङगेमु ओ़ह पी़हमीला ज़ी़सीन ओहले येशूगी ओ़ह पी़हमीला सुङ नाङसीन, “पोहमो ख्‍ये मा-फाम्‍बु माहबे। ख्‍येगी तेहपागी ख्‍येला टा़ह च्‍य़ूदी येह।” ओ़हजेलाराङ ओ़ह पी़हमी टा़हसीन।

यूहन्‍ना 14:12

तेहम्‍बाराङ ङाह ख्‍याया़ला माएँ, सुगी ङाहला यिह छ्य़ेगे, खोगी ङाहगी पेहक्‍यो ल़ेहमु ल़ेहया़ पेहच्‍ये येह, ओहले ओ़ह म़ेदीॱआङ छ्यिम्‍बु ल़ेहया़ पेहच्‍ये येह, च्‍यिबेमाना ङाह याहप्‍च्‍येन आबासाला डोॱराङ येह।

यूहन्‍ना 7:23

मोशाकी छ्य़े-ठिम माहगोम्‍ज्‍यु म़ेदी ख्‍यागी सुज्‍यी पेहजा च्‍यी़ला थाङ सोएँ ङ्यिहमाला स्‍या-ताक पेह तेर्के माना, ङाहगी मेहन्‍दा च्‍यी़ला थाङ सोएँ ङ्यिहमाला खोदी नाहजा थाम्‍ज्‍यीराङ टा़ह च्‍य़ूसीन म़ेदी च्‍यिबे ख्‍या ङाह ङ्याम्‍बु स्‍यिहताङ पेहकें?

ल़ेह-पेन 14:9

पावलगी ताम माएँमु खोगी या़हबु पेहती ङ्यिहन्‍दी तेहक्‍यो येहकें। पावलगी खोला या़हबु पेहती तासीन, ओहले चो़वो छ्येवा येशूगी टा़ह च्‍य़ू थुप्‍कें म़ेदी खोगी तेहपा पेहक्‍यो पावलगी क्‍यी़ह ज्‍योर्ते

ल़ेह-पेन 16:18

ओहले मोहगी ङ्यिहमा माहङबु थु ओ़ह ल़ेहमुराङ म़ेदी क़े तेन्‍दीराङ तेहसीन। ओहले पावल छेर्स्‍यी लाहङदी ल्‍होक लो़हदी ओ़ह ङ्येहम्‍बा नाम्‍स्‍यीला, “येशू मास्‍यीकागी छेनला ख्‍ये दि पोहमोले थेन्‍दी सोङ” म़ेदी ठो़ तेन्‍दी मासीन ओ़हजेलाराङ ओ़ह ङ्येहम्‍बा नाम्‍स्‍यी ओ़ह पोहमोगी ज़ुबुले थेन्‍दी काहल्‍सीन।

ल़ेह-पेन 3:6

ओहले पत्रुसकी मासीन, “ङाह ङ्याम्‍बु सेर ङुलनी म़ेह। यिहॱनाङ, ङाह ङ्याम्‍बु च्‍यि येहबा, ओ़हदीॱराङ ख्‍येला तेर्कें। नासरतकी येशू मास्‍यीकागी छेनला लाहङदी सोङ!”

ल़ेह-पेन 3:8

ओहले खो ह्‍ओप लाहङदी डोज्‍ये छ़ूसीन ओहले खो फिर फिर छ्योङदे काहल्‍दी किन्‍ज्‍योला त़ेरा तेच्‍या फुल्‍गेराङ खुङ फे़बे ङ्याम्‍बु छ्योखाङ नाहङला स्‍य़ूहसीन।

ल़ेह-पेन 4:10

राहङ फ़ेबेॱया दाङ इस्राएलगी मिह थाम्‍ज्‍यीला क्‍यी़ह ओहङज्‍यु, राहङ फे़बेया़गी दिनला लाहङदी तेहक्‍यो दि मिह नासरतगी येशू मास्‍यीकागी छेनला टा़हक्‍यो यिहम्‍बा। राहङ फ़ेबेॱयागीदी येशूला क्‍याहङस्‍यीङला च्‍याङदी से नाङसीन। यिहॱनाङ किन्‍ज्‍योगी येशूला टोहङग्‍यो ग्‍या़लेगी सोम्‍बो ज़्‍याङ च्‍य़ू नाङसीन।

ल़ेह-पेन 4:30

राहङगी योक्‍पुया़ला, राहङला स्‍याहप्‍तो स्‍युहएँ नाम्‍पार-ताहक्‍पा येशूगी छेनला नेहपाया़ला टा़ह च्‍य़ूज्‍येला ओहले याहम्‍जेम्‍बागी ल़ेहया़ पेहती ताक्‍छेनया़ तेन्‍ज्‍येला स्‍युक नाङदोङ।”

ल़ेह-पेन 4:7

खुङया़गी पत्रुस दाङ यूहन्‍नाला छो़बागी दिनला ख्‍योङदी “ख्‍यागी का़हन्‍दी ओङ दाङ सुगी मिहनला दि कुच्‍या मिहला टा़ह च्‍य़ूक्‍यो?” म़ेदी टी़हसीन।

रोमी 3:22

दि ल़ेहमु पेहती येशू मास्‍यीकाला तेहपागी मिह थाम्‍ज्‍यीला किन्‍ज्‍योगी टाहङबु सी़ह च्‍य़ू नाङगे च्‍यिबेमाना किन्‍ज्‍योगी सुलाॱआङ ङ्येम्‍बा-ङ्य़ेहरी जे मेहनाङगे,

१ कोरिन्‍थी 13:2

ङाह ङ्याम्‍बु तिङला ओहङगेन्‍गी तामया़ स्‍ये ख़ूएँगी ओङॱआङ येहटो, ओहले थाम्‍ज्‍यी तिहङ-रिहङबुगी तामया़ ङोह स्‍य़े खू़रो, थाम्‍ज्‍यी येहन्‍देनया़ॱआङ ङोह स्‍य़े खू़रो, ओहले लाह काहङदोया़ला ग्‍या़ च्‍यी़ले लेहमेन ग्‍या़या़ला पो ख़ूएँगी थाम्‍ज्‍यी यिह-छ्य़े ङाह ङ्याम्‍बु येहटो, यिहॱनाङ ङाह ङ्याम्‍बु चेवा मे़हसीमानादी ङाह च्‍यिॱआङ मिहम्‍बा।