ल़ेह-पेन 28:3 - ह्योल्‍मो

³ ओहले पावलगी फाङबा काहङ स्‍यिङ ख्‍योङदी मेहला लू़सीन ओहजेला मेह-टे़हगी पेहती प्रुहल च्‍यी़ थेन्‍दी पावलगी लाहक्‍पाला टिल ओहङसीन।

ल़ेह-पेन 28:3 ပူးပေါင်းရင်းမြစ်များ

मत्ती 12:34

ए प्रुहलगी छार्क्‍यीनया़! ख्‍याया़ राहङराङ मिह ङ्येहम्‍बा येहबा, या़हबु ताम काह-ठि पेहती मा ख़ूज्‍ये ले? च्‍यिबेमाना सेमला च्‍यि येहकें, ओ़हदीॱराङ खाले थेन्‍गे।

मत्ती 23:33

“ए प्रुहलया़ दाङ तू़हस्‍याङ प्रुहलगी छार्क्‍यीनया़! ख्‍याया़ काहन्‍डुमु पेहती ङ्याल्‍वागी मेहलेगी थार ख़ूएँ म़ेदी रेहवा पेहकें?

मत्ती 3:7

यिहॱनाङ फरिसी दाङ सदुकी छो़बागी मिह माहङबुराङ बप्‍तिस्‍मा लेहन्‍ज्‍येला यूहन्‍नासाला ओहङग्‍यो थोङदी यूहन्‍नागी खुङया़ला मासीन, “ए प्रुहलगी छार्क्‍यीनया़, किन्‍ज्‍योगी ताङ नाङगेन्‍गी ठिमलेगी थार ख़ूएँ म़ेदी ख्‍याया़ला सुगी लोप्‍पा?

मर्कूस 16:18

खुङया़गी प्रुहल ज़ुङज्‍ये येह, तू़ह येहकेन्‍गी से़हया़ थुङॱनाङ खुङया़ला ओ़ह से़हगी च्‍यिॱआङ ने क्‍याल्‍ज्‍ये म़ेह ओहले नेहपाया़गी थो़ला लाहक्‍पा ज़्‍या़गेमु खुङ टा़हज्‍ये येह।”

ल़ेह-पेन 28:2

ओ़ह ग्‍या़गी मिहया़ ज्‍यिबुराङ या़हबु दुबा। ओहजेला नाम क्‍याहप्‍च्‍ये पेहक्‍यो येहकें ओहले ज्‍यिबुराङ ख्‍या़बु येहकें सोङबे खुङया़गी मेह फी़दे ङ्यिहला मेह तू़हज्‍येला क़े क्‍याहप्‍सीन।

ल़ेह-पेन 28:4

ओहले पावलगी लाहक्‍पाला प्रुहल टिहल्‍ग्‍यो थोङदी ओ़ह ग्‍या़गी मिहया़गी, “तेहम्‍बाराङ दि मिहनी, मिह सेकें मिहराङ ओहङ कोहकें। दि मिह छो-क्‍याहम्‍जोलेनी थार्ते ओहङसीन यिहॱनाङ ठिमलेनी थार मा़हखु।”

२ कोरिन्‍थी 11:23

च्‍यि खुङ मास्‍यीकाला स्‍याहप्‍तो स्‍युहएँगी स्‍याहप्‍च्‍यीया़ यिहम्‍बा? ङाह तोहरोङ खुङ म़ेदी या़हबु स्‍याहप्‍तो स्‍युहएँगी मिह यिहम्‍बा– ङ्योम्‍बाठीॱराङ ङाह ताम माएँराङ येहबा। ङाहगी ज्‍यिबुराङ कादुप च्‍येसीन। चोन-खाङला ङाह लेहमा माहङबुराङ छ्यिसीन। टाहङजीराङ म़ेहबा थु ङाहगी ताक्‍स्‍यु साहसीन। स्‍यिवाकी खाला ङाह लेहमा माहङबुराङ छ्यिसीन।

२ कोरिन्‍थी 6:9

किन्‍ज्‍यो दाङ छेन्‍छोकया़गी ङ्यिहला ङोह स्‍य़ेक्‍यो येहकें यिहॱनाङ मास्‍यीकाला यिह मा़हछ्येबा मिहया़गी तेहन्‍दाला ङ्यिह मिह साम्‍बा ल़ेहमु काहल्‍सीन। ङ्यिह स्‍यिक्‍यो ल़ेहमुराङ काहल्‍सीन यिहॱनाङ थार्तेराङ येहबा। ङ्यिहगी तुहङदा या़हबु साहॱनाङ स्‍यिज्‍येनी मा़हस्‍यी येह।