ल़ेह-पेन 28:1 - ह्योल्‍मो

¹ दि ल़ेहमु पेहती ङ्यिह थार्ती छो-क्‍याहम्‍जोकी सुहरला लेप फान्‍ज्‍यो ओ़ह ग्‍या़गी मिहन माल्‍टा माउ दु म़ेदी ङ्यिहला क्‍यी़ह ज्‍योर्सीन।

ल़ेह-पेन 28:1 ပူးပေါင်းရင်းမြစ်များ

ल़ेह-पेन 13:6

ओहले खुङया़ साइप्रस छोलिङगी सा काहङगी लाहमले पेहती पाफोस साने़ थु लेप्‍सीन, ओ़ह ग्‍या़ला खुङगी यहूदी मी़रिप तेन्‍गे मिह च्‍यी़ला थ़ूसीन। खो राहङगी राहङलाराङ, “ङाह लुहङतेम्‍बा यिहन” म़ेदी माउ येहकें। खोगी मिहनती बार-येशू यिहन्‍गे।

ल़ेह-पेन 16:10

पावलला किन्‍ज्‍योगी दि रोहवा ज्‍याल्‍गा नाङ फान्‍ज्‍यो माकेडोनियाकी मिहया़ला चो़वो छ्येवा येशूगी लेहङगु या़हबुया़ स्‍येच्‍येला किन्‍ज्‍योगी ङ्यिहलाराङ क़े क्‍याहप नाङग्‍यो दुबा म़ेदी ङ्यिहगी ह्‍अ कोहसीन। ओहले ङ्यिह छारा पेहती माकेडोनियाला डोज्‍येला ठाबे पेहसीन।

ल़ेह-पेन 27:1

ङ्यिह इटालिया क्‍याहल-खापला डोज्‍येला ताम डी़ फान्‍ज्‍यो, खुङया़गी पावल दाङ लेहमेन चोन-खाङला लू़क्‍योगी मिहया़ ङ्याम्‍बु गो-छ्येवा माक्‍मीकी माक्‍पेन युलियसकी लाहक्‍पाला चि क्‍याहप्‍सीन।

ल़ेह-पेन 27:26

ता़ह ओहराङ छोलिङ च्‍यी़ला थेप्‍च्‍ये येह।”

ल़ेह-पेन 27:39

ओहले नाहम लाहङ फान्‍ज्‍योॱआङ खुङया़गी ओ़ह ग्‍या़ ङोह स्‍य़े मा़हखु, यिहॱनाङ खुङया़गी छो-क्‍याहम्‍जोकी सुहर च्‍यी़ थोङसीन। ओहले खुङया़गी ला़ खाजेबा छ्यु-टुहला ओ़ह छो-क्‍याहम्‍जोकी सुहरला ख्‍येर्च्‍ये म़ेदी साम्‍लु ताङसीन।

ल़ेह-पेन 27:44

ओहले च्‍याल क्‍याप मे़हस्‍येएँया़गीदी छ्यु-टुहगी छ्यामया़ दाङ रोहप्‍क्‍योगी स्‍यिङ पाङलेपया़ला ज़ुङदी छो च्‍येतोङ म़ेदी मासीन। दि ल़ेहमु पेहती ङ्यिह थाम्‍ज्‍यी या़हबु पेहती छो-क्‍याहम्‍जोकी सुहरला लेप्‍सीन।