ल़ेह-पेन 27:23 - ह्योल्‍मो

²³ ङाह किन्‍ज्‍योगी मिह यिहम्‍बा ओहले ङाह किन्‍ज्‍योला स्‍याहप्‍तो स्‍युहएँ। ओहले तिहरीङ नुहङमु किन्‍ज्‍योगी स्‍याहप्‍च्‍यी च्‍यी़ ङाह पोहला फेप्‍ती सुङ नाङसीन,

ल़ेह-पेन 27:23 ပူးပေါင်းရင်းမြစ်များ

यूहन्‍ना 12:26

ङाहला स्‍याहप्‍तो स्‍युहज्‍ये छोल्‍गेन्‍दी ङाहला तिङ ङ्या़ कोहएँ। ओहले ङाह का़हला येहबा, ओ़हला ङाहला स्‍याहप्‍तो स्‍युहएँया़ॱआङ ओहङज्‍ये येह। ङाहती याहपगी ङाहला स्‍याहप्‍तो स्‍युहएँया़ला चा़ जे नाङज्‍ये येह।”

ल़ेह-पेन 12:23

हेरोदगी किन्‍ज्‍योला चा़ माहबेबा सोङबे ओ़हजेलाराङ चो़वो छ्येवागी स्‍यिहङगामकी स्‍याहप्‍च्‍यी च्‍यी़गी खोला क्‍याहप्‍सीन ओहले खो च्‍योङलोङ क्‍याहप्‍ती स्‍यिसीन।

ल़ेह-पेन 16:17

ओहले मोह पावल दाङ ङ्यिहगी तिङदा तिङ ओहङदी, “दि मिहया़ चा़ छ्यिम्‍बु किन्‍ज्‍योला स्‍याहप्‍तो स्‍युहएँगी मिहया़ यिहम्‍बा। दि मिहया़गी ख्‍याया़ला थार्पा ज्‍योर्केन्‍गी तेहन्‍दाला स्‍येके” म़ेदी क़े तेन्‍दी मासीन।

ल़ेह-पेन 18:9

कुहङमु च्‍यी़ चो़वोगी पावलला ज्‍याल्‍गा नाङदी सुङ नाङसीन, “सुॱलाङ मा़हन्‍ज्‍यी, खाजुम माहतेह, या़हबु लेहङगुया़ स्‍येकेराङ सोङ।

ल़ेह-पेन 23:11

ओहले ओ़ह कुहङमुराङ चो़वोगी पावल पोहला फेप नाङदी, “ज्‍यी़ मेहकोहएँ पावल! दि यरूशलेम क्‍याहसाला ङाहगी ताम स्‍येक्‍यो ल़ेहमुराङ ख्‍येगी रोम क्‍याहल-खापलाॱआङ स्‍ये कोहएँ” म़ेदी सुङ नाङसीन।

ल़ेह-पेन 5:19

यिहॱनाङ ओ़ह कुहङमुराङ स्‍यिहङगामकी स्‍याहप्‍च्‍यी च्‍यी़गी चोन-खाङगी कोह खा फ़ेदी ल़ेह-पेनया़ला फिला ख्‍योङदी दि ल़ेहमु सुङ नाङसीन,

ल़ेह-पेन 8:26

ओ़ह तिङला स्‍यिहङगामकी स्‍याहप्‍च्‍यी च्‍यी़गी फिलिपला सुङ नाङसीन, “ख्‍ये लोहङ, ओहले यरूशलेमगी ल्‍हो ङो़ले गाजा क्‍याहसाला डोएँगी लाहमला सोङ। ओ़हला रिह काम्‍बुगी लाहम येहबा!”

रोमी 1:1

दि यिहगी ङाह पावलगी प्रुहक्‍यो यिहम्‍बा। ङाह मास्‍यीका येशूगी योक्‍पु यिहम्‍बा। मिहरोगीॱराङ ङाहला ल़ेह-पेन ज़ो़-नाङज्‍येला क़े क्‍याहप नाङसीन ओहले किन्‍ज्‍योकी या़हबु लेहङगु स्‍येच्‍येला खा फे़ नाङसीन।

रोमी 1:9

ङाह सेम तिहङ यिहन्‍ज्‍युराङ किन्‍ज्‍योकी स़ेबुकी या़हबु लेहङगुया़ स्‍येती किन्‍ज्‍योला स्‍याहप्‍तो स्‍युहएँ। ओहले ङाहती सोल्‍वाङला ख्‍याॱलाङ नाहम्‍माॱनाङ टेहम्‍बा साल्‍देॱराङ येह, दिगी पाङबु किन्‍ज्‍यो ज़्‍य़ू नाङदी येह।

रोमी 6:22

यिहॱनाङ ता़ह ख्‍याया़ तिहक्‍पालेगी टोहल्‍दी किन्‍ज्‍योकी योक्‍पु काहल्‍दी येह, ओहले ख्‍याया़गी ज्‍योर्केन ख्‍येप्‍साङती नाम्‍पार-ताहक्‍पा यिहम्‍बा। ओहले दिगी ख्‍याया़ला नाहमॱआङ स्‍यिज्‍ये म़ेहबागी मिहली ज़ाङबुला क्‍याल्‍गे।

१ कोरिन्‍थी 6:20

ख्‍याया़ला किन्‍ज्‍योगी रिहन च्‍याल्‍दी ङ्योह नाङग्‍यो यिहम्‍बा। ओ़ह सोङबे ख्‍याया़गी ज़ुबु लाहमले किन्‍ज्‍योला ज़िज्‍यिद फुल्‍दोङ।

२ तिमोथी 1:3

दार-च्‍यी़राङ ङाह राहङगी सोल्‍वाङया़ला ख्‍येला टेहम्‍बा साल्‍दी किन्‍ज्‍योला थुज्‍यी-छ्ये़ फुल्‍गो येह। ओहले ओ़ह किन्‍ज्‍योलाॱराङ ङाहगी आख्‍ये मे़हमेया़गी काह-ठि पेहती स्‍याहप्‍तो स्‍युह नाङबा ओ़हठीॱराङ पेहती ङाहॱआङ नावा चाङमा थो़दी स्‍याहप्‍तो स्‍युहउ येह।

२ तिमोथी 2:24

चो़वोला स्‍याहप्‍तो स्‍युहएँ मिहनी जिङज्‍ये मेहयोहङगे, खो मिह थाम्‍ज्‍यीला निङज्‍यी पेहकेन, लोप ख़ूएँ ओहले ना थाम्‍ज्‍यीला ना़स्‍यीङ छ्यिम्‍बु पेह ख़ूएँदी ओहङ कोहकें।

२ तिमोथी 4:17

यिहॱनाङ लेहमेहन क्‍यिहपागी मिह थाम्‍ज्‍यीगी ङ्यिहन ख़ूज्‍यु म़ेदी चो़वो ङाह ङ्याम्‍बु ज़्‍य़ू नाङसीन, ओहले निङ थाक्‍पा यिहन्‍ज्‍युराङ किन्‍ज्‍योकी सुङ प्रा-साल्‍ज्‍येला ङाहला ओङ नाङसीन। ओहले चो़वोगी ङाहला सिङग्‍यी-ता़गी खाले थार च्‍य़ू नाङसीन।

तीतस 1:1

किन्‍ज्‍योकी योक्‍पु दाङ मास्‍यीका येशूकी ल़ेह-पेन ङाह पावल लाहमले दि यिहगी प्रुहएँॱराङ येहबा। ओहले किन्‍ज्‍योगी दाम नाङग्‍योकी मिहया़ला तेहपाला सान्‍दी ज़ोज्‍येला ओहले मिहरोगी थु-सेम जे नाङगेन मिहली ङ्याम्‍बु डी़गेन्‍गी तेहन्‍दामकी लाहम ङो़ले खुङया़ला ठिच्‍येला ङाहला कुल नाङसीन।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

हिब्रू 1:14

च्‍यि ओ़ह थाम्‍ज्‍यी स्‍यिहङगामकी स्‍याहप्‍च्‍यीया़ थार्पा ज्‍योर्केया़गी तेहन्‍दाला स्‍याहप्‍तो स्‍य़ूहज्‍येला ताङग्‍यो स्‍याहप्‍तो स्‍युहएँकी नाम्‍स्‍यीया़ मिहम्‍बा ले?

ज्‍याल्‍गा 22:16

“ङाह येशूगी ङाहती स्‍यिहङगामकी स्‍याहप्‍च्‍यीला छेन्‍छोकला येहकेन्‍की मिह थाम्‍ज्‍यीगी दि तामया़ क्‍यी़ह ज्‍योर्च्‍यु म़ेदी ङाहगी खोला ख्‍येसाला ताङ चाहङदी येह। क्‍याहल्‍बु दाऊदकी चाङर्यी दाङ छार्क्‍यीनॱआङ ङाहराङ यिहन ओहले येहपा छ्या़गे थोराङ कार्च्‍येनॱआङ ङाहराङ यिहन।”