ल़ेह-पेन 26:7 - ह्योल्‍मो

⁷ ङ्यिहगी क्‍यिहपा च्‍यिङ्यी़गीॱराङ दि रेहवा पेहक्‍योगी से़हया़ ज्‍योर ख़ूज्‍यु म़ेदी ङ्यिहन-नुहपराङ सेम च्‍यी़ पेहती छ्येपा फुल्‍गो येहकें, ओहले दि रेहवागी तेहन्‍दालाराङ ए क्‍याहल्‍बु लाह, यहूदीया़गी ङाहला फातुर च़ूक्‍यो यिहम्‍बा म़ेदी मासीन।

ल़ेह-पेन 26:7 ပူးပေါင်းရင်းမြစ်များ

मत्ती 19:28

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, मिहगी स़ेबु ओ़ह साम्‍बा क्‍याहल्‍सीला ज़िज्‍यिदगी ज़्‍य़ू-ठिला ज़्‍य़ू नाङज्‍ये येह। ओ़ह ती़हजीला ङाहला ताहदा क्‍याहप्‍के ख्‍याया़ॱआङ राहङगी ज़्‍य़ू-ठि च्‍यिङ्यी़ला तेहच्‍ये येह ओहले इस्राएलकी छाङ च्‍यिङ्यी़ थो़ला ठिम ताङज्‍ये येह।

लूका 2:25

ओ़ह ती़हजीला यरूशलेम क्‍याहसाला शिमियोन माएँ मिह च्‍यी़ तेहको येहकें। खो टाहङबु पेहकेन दाङ छ्य़ेसेम पेहकेन मिह यिहन्‍गे। ओहले खो किन्‍ज्‍योगी इस्राएल क्‍यिहपाया़ला थार च्‍य़ू नाङगेन्‍गी मास्‍यीकाकी लाहम त़ेदी तेहको येहकें। ओहले नाम्‍पार-ताहक्‍पा थु खो ङ्याम्‍बुराङ ज़्‍य़ूदी येहकें।

लूका 22:30

ख्‍या ङाहगी क्‍याहल्‍सीला ङाह ङ्याम्‍बुराङ तेहती साहज्‍ये येह, ओहले ठिला तेहती इस्राएली छाङ च्‍यिङ्यी़ थो़ला ठिम ताङज्‍ये येह” म़ेदी येशूगी सुङ नाङसीन।

ल़ेह-पेन 20:31

ओ़ह सोङगोराङ जेम्‍बु पेहती तेहतोङ। ओहले ङाहगी लोह सुम थु ङ्यिहन-नुहप मिज्‍यु ताङदी चो़वो छ्येवागी स्‍याहप्‍च्‍यी रे़ह-रे़हला लोप्‍क्‍योगी तामया़ टेहम्‍बा माहच्‍येह।

ल़ेह-पेन 24:15

ल़ेह टाहङबु पेहकें दाङ ल़ेह टाहङबु मेहबेकें मिह ङ्यिकाराङ स्‍यिदी तिङले येहपाराङ सोम्‍बो लो़हगे माएँ तामला खुङगी लोक पेहक्‍यो ल़ेहमुराङ ङाहॱआङ किन्‍ज्‍योला रेहवा पेहको येह।

ल़ेह-पेन 26:2

“हे क्‍याहल्‍बु अग्रिपास, यहूदीया़गी ङाहला केन्‍ग्‍योगी तामया़गी तेहन्‍दाला ङाह तिहरीङ राहङगी दिनला ङाह राहङला थार च्‍य़ूज्‍येला ताम मा ङ्युङग्‍यो सोङबे राहङगी राहङलाराङ सोदी छ्यिम्‍बु ऩेसीन।

ल़ेह-पेन 26:3

राहङला यहूदीया़गी डोलु-तेहलु, पे-ठिम दाङ तामया़ स्‍याङगेन्‍गी तेहन्‍दाला या़हबु पेहती थुयी़ येहकें सोङबे ङाह ङाहराङला तोहरोङॱआङ सोदी छ्यिम्‍बु ने़उ येहबा। ओ़ह सोङबे ता़ह राहङगी ङाहगी ताम ना़स्‍यीङ छ्यिम्‍बु जेती सेन नाङदोङ लाह म़ेदी स्‍युहसीन।

ल़ेह-पेन 28:20

दि ताम प्रा साल्‍ज्‍ये दाङ राहङ फ़ेबेॱया ङ्याम्‍बु थुज्‍येला ङाहगी राहङ फे़बेया़ला देला क़े क्‍याहप्‍क्‍यो यिहम्‍बा। ङ्यिह इस्राएलीया़गी रेहवा पेहक्‍योगी थार्पा नाङगे क्‍याहल्‍बुगी तेहन्‍दालाराङ ङाह दि ल़ेहमु पेहती च्‍याल्‍दागी ताहम्‍ग्‍यो यिहन” म़ेदी मासीन।

फिलिप्‍पी 3:11

ला़ खासीमाना स्‍यिक्‍योया़लेगी ङाह सोम्‍बो लाहङ ख़ूज्‍यु।

१ थेसलोनिकी 3:10

ङ्यिह ख्‍या फ़ेबे-म़ेहमेया़ला थू़दी ख्‍या फ़ेबे-म़ेहमेया़गी यिह छ्य़ेलुला कोहपु काहल्‍ग्‍यो से़हया़ छाङबु पेहच्‍येला ङ्यिहगी ङ्यिहन-नुहपराङ सेम तिहङ यिहन्‍ज्‍यु किन्‍ज्‍यो ङ्याम्‍बु सोल्‍वाङ ताप्‍को येह।

१ तिमोथी 5:5

ओहले राहङदी सुॱआङ म़ेहबाकी ह्‍युग्‍मोगी राहङगी रेहवा किन्‍ज्‍यो थो़ला च्‍यी़राङ ज़्‍या़क्‍यो ओहङगे। ओहले मोहगी ङ्यिहन-नुहपराङ स्‍यिहवा पेहती किन्‍ज्‍यो ङ्याम्‍बु सोल्‍वाङ ताप्‍ती तेहकें।

याकूब 1:1

किन्‍ज्‍यो दाङ चो़वो येशू मास्‍यीकाला स्‍याहप्‍तो स्‍युहएँगी स्‍याहप्‍च्‍यी ङाह याकूबगी दि यिहगी जाम्‍बुलीङगी माहङबु ग्‍या़ ग्‍या़ला फेतोर कोहतोर काहल्‍ग्‍यो इस्राएलगी छाङ च्‍यिङ्यी़ला प्रुहउ येहबा। ख्‍या थाम्‍ज्‍यीला ङाहती टास्‍यी-देले येहबा।