ल़ेह-पेन 26:25 - ह्योल्‍मो

²⁵ ओहले पावलगी मासीन, “फेस्‍तस ला़ह, ङाह ङ्योम्‍बा काहल्‍ग्‍यो मिहन, ङाह ठाबेराङ येह ओहले ङाह तेहन्‍दामगी तामया़ च्‍यी़राङ माएँराङ येह।

ल़ेह-पेन 26:25 ပူးပေါင်းရင်းမြစ်များ

लूका 1:3

चा़ छ्यिम्‍बु थियोफिलस, ङाहगी तोहङ यिहन्‍ज्‍युराङ ज्‍यिबुराङ जेम्‍बु पेहती थाम्‍ज्‍यीराङ तामया़ छोल्‍दे येह, ओहले राहङगी तेहन्‍दाला टाह छ्याक्‍पा पेहती प्रुहज्‍येला ङाहला या़हबु ऩेसीन।

यूहन्‍ना 8:49

ओहले येशूगी सुङ नाङसीन, “ङाहला ल्‍हेन्‍डी स्‍य़ूहदी म़ेह। ङाह राहङगी याहपला चा़ पेहकें, यिहॱनाङ ख्‍याया़गी ङाहला स्‍ये़हन्‍डील पेहकु दु।

ल़ेह-पेन 23:26

“स्‍युहङ-पेन छ्यिम्‍बु फेलिक्‍स लाह, ङाह क्‍लौडियस लुसियस ङो़ले राहङला टास्‍यी-देले!

ल़ेह-पेन 24:3

ओ़ह सोङबे राहङगी जे नाङग्‍योकी छ्या़लेया़ थोङदी ङ्यिह ज्‍यिबुराङ काहसो येह ओहले राहङगी ङ्यिहला जे नाङग्‍योगी रो़हराम ङ्यिहगी नाहमॱआङ टेहम्‍बा च्‍य़ेह मी़हखुएँ।

तीतस 1:9

राहङगी ज़्‍योरक्‍योगी तेहन्‍दामकी लुहङदेनला क्‍याप्‍ती तेहकें ओहले लेहमेन मिहया़लाॱआङ दि लुहङदेन लोप्‍ती स्‍युक तेर ख़ूएँदी ओहङ कोहकें। ओहले दि लुहङदेन ङ्यिहगी लोप्‍क्‍यो ल़ेहमुराङ ओहङ कोहकें ओहले दि लुहङदेनला टाह पेहकेन मिहया़दी ङ्य़ेहबा तेन तेर ख़ूएँदी ओहङ कोहकें।

१ पत्रुस 3:15

यिहॱनाङ मास्‍यीकाला चो़वो ने़दी ख्‍ये सेमगी मास्‍यीकाला ची़नाङ पेहतोङ। ख्‍या नाहङला येहकेन्‍गी रेहवागी तेहन्‍दाला सुज्‍यीगी टी़हसीन माना ओ़हगी ल़ेहन क्‍याहप्‍च्‍येला नाहम्‍माॱनाङ ठाबे पेहती तेहतोङ, यिहॱनाङ ओ़ह ल़ेह ङ्येम्‍बु दाङ ची़नाङ पेहती पेहतोङ।

१ पत्रुस 3:9

सुज्‍यीगी चोक्‍पा पेहसीन म़ेदी खोलाॱआङ चोक्‍पा माहबे, खोगी मे़मु क्‍याहप्‍सीन म़ेदी ख्‍यागीॱआङ खोला मे़मु माहक्‍याहप यिहॱनाङ ओ़हगी छापला खोला मेलाम क्‍याहप्‍तोङ च्‍यिबेमाना दिगी तेहन्‍दालाराङ ख्‍याया़गीॱआङ मेलाम ल़ेहन ख़ूज्‍यु म़ेदी किन्‍ज्‍योगी ख्‍याला क़े क्‍याहप नाङग्‍यो यिहम्‍बा।