ल़ेह-पेन 26:18 - ह्योल्मो18 ‘ख्येगी खुङया़गी मी़ खा फ़ेदी खुङया़ला ना़-जुबेलेगी क्या-साङेला ओहले ती़ह गो-छ्येवागी ओङलेगी किन्ज्यो ङो़ले लोह च्य़ू कोहएँ ओहले खुङया़गी ङाहला तेहपा पेहच्ये येह ओहले खुङया़गी तिहक्पा ता़हज्ये येह ओहले खुङया़गी किन्ज्योगी दाम नाङग्योगी मिहया़गी छोक्पाला तेह ङ्युहङज्ये येह।’ အခန်းကိုကြည့်ပါ။ |
ल़ेह-पेन 26:18
90 ပူးပေါင်းရင်းမြစ်များ
ता़हनी ङाहगी ख्या फे़बेया़ला किन्ज्योगी छ्या़ला च्योल्गो येहबा। किन्ज्योगी ओहराङला थुज्यी ज़ी़ नाङगेन माएँगी सुङ सेमला ज़ुङदी टेहम्बा माहच्येहप्पा पेहती तेहतोङ। ओ़ह सुङगी पेहतीराङ किन्ज्योगी ख्या फे़बेया़ला यिह-छ्य़ेला स्युक क्ये च्य़ू नाङज्ये येह ओहले राहङगी मिहया़ला मेलाम थोप्केन्गी मिहया़ ज़ो नाङज्ये येह।
थार्पा नाङगेन क्याहल्बु मास्यीकागी तुहक्पु खुर्ती टोहङ कोहच्ये येह, ओहले चो़वो टोहङग्योलेगी सोम्बो ज़्याङ नाङगेया़ नाहङले थाम्ज्यी म़ेदी तोहङस्यो ओहङज्ये येह ओहले चो़वोगी राहङगी क्या-साङेगी तेहन्दाला यहूदीया़ दाङ लेहमेन क्यिहपागी मिहया़ॱलाङ स्ये नाङज्ये येह, दि तामया़नी लुहङतेम्बाया़गीॱआङ सुङनाङ सिहन्दी येहकें।”
कोरिन्थी लुहङबाला येहकेन्की किन्ज्योकी छेन्छोकला ङ्यिह दि यिहगी प्रुहएँॱराङ येह। मास्यीका येशूला नाम्पार-ताहक्पा काहल्ग्यो दाङ खुङया़ ङ्याम्बु-ङ्याम्बुराङ ग्या़ थाम्ज्यीला मास्यीकाकी नाम्पार-ताहक्पा मिह डोज्येकी तेहन्दाला क़े क्याहप नाङग्योया़ थाम्ज्यी, का़हन्दी का़हन्दीगी चो़वो येशू मास्यीकाकी छेनला क्याप्केन, ओ़ह चो़वो येशू मास्यीकाॱराङ ओहराङ दाङ खुङया़की चो़वो यिहम्बा:
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
किन्ज्योगी ताहम्ज्या ज़्या़ नाङग्यो नाहम्स्यी किन्दु लिहकेन्गी मेलामया़ मास्यीका लाहमले क़े क्याहप नाङग्यो मिहया़गी ज्योर ख़ूज्यु म़ेदी दि साम्बा ताहम्ज्या ङ्याम्बु लाहम्बा जे नाङगेन्दी मास्यीकाॱराङ यिहम्बा। तोहङस्यो ताहम्ज्याकी ती़हजीला मिहया़गी पेहक्यो तिहक्पालेगी खुङया़ला खा फे़ नाङज्येला मास्यीका टोहङ नाङसीन।
यिहॱनाङ ख्याया़नी दाम्ग्योगी मिहया़, क्याहल्बुला स्याहप्तो स्युहएँगी पूजाहारी, नाम्पार-ताहक्पा क्यिहपाया़, किन्ज्योगी राहङदीराङ मिहया़ यिहम्बा। मिहरोगी ख्याया़ला ना़-जुबेलेगी याहम्जेन छ्येवा जेती क्या-साङेला नोम फेन नाङसीन च्यिबेमाना ख्याया़गी किन्ज्योकी याहम्जेन छ्येवागी छ्या़लेया़ मिहया़ला स्युक छ्यिम्बु पेहती स्ये ख़ूज्यु म़ेदी यिहम्बा।
का़हलेॱआङ ओहराङगी “ङाहगी तिहक्पा पेहक्यो येह” म़ेदी किन्ज्योगी दिनला मासीमाना किन्ज्योगी ओहराङगी तिहक्पा कोहङदा नाङज्ये येह, ओहले ओहराङगी पेहक्यो ना थाम्ज्यीराङ टाहङबु म़ेहबाकी ल़ेहया़ लाहमले ओहराङला चाङमा ज़ो नाङज्ये येह, च्यिबेमाना किन्ज्योनी यिह-छ्य़े सी़हएँदी यिहन ओहले टाहङबु यिहन।
ကြော်ငြာတွေ