ल़ेह-पेन 26:16 - ह्योल्मो16 ता़ह ख्ये लोहङ, ङाह ख्येला ङाहगी स्याहप्तो स्य़ूहज्येला ओहले ङाहगी तेहन्दाला स्येके मिह ज़ोएँगी सेम्बा येहबा। ओ़ह सोङबे ङाह ख्ये येहकें ग्या़ला ओहङग्यो यिहन। ता़ह ख्येगी ङाहगी तेहन्दाला थोङग्योकी ताम दाङ ङाहगी ख्येला तिङला तेन्गेन्गी तामया़ॱआङ लेहमेन मिहया़ला स्ये कोहकें।’ အခန်းကိုကြည့်ပါ။ |
ल़ेह-पेन 26:16
34 ပူးပေါင်းရင်းမြစ်များ
लेहमेन क्यिहपाया़गी तेहन्दाला किन्ज्योगी ङाहला मास्यीका येशूला स्याहप्तो स्युहएँकी मिह ज़ो नाङसीन। लेहमेन क्यिहपाकी मिहया़ नाम्पार-ताहक्पा थु लाहमले चाङमा काहल्दी किन्ज्योकी थु ङ्ये़बाकी डेल्बा ओहङ ख़ूज्यु म़ेदी मिहरोगी ङाहला राहङदी या़हबु लेहङगु स्येच्येला पूजाहारीगी ल़ेहया़ चि क्याहप नाङसीन।
किन्ज्योगी ङाहला ज्याल्गा नाङग्यो सोङबे ङाह यरूशलेमला काहल्सीन, ओहले ङाहगी ओ़ह ग्या़गी गोबाया़ला च्यी़राङ खाजुम्बाला क़े क्याहप्ती ङाहगी लेहमेन क्यिहपाकी मिहया़ला स्ये़क्योकी या़हबु लेहङगुॱराङ या़हबु पेहती प्रा साल्सीन। च्यिबेमाना ङाहगी पेह सिहन्ग्यो दाङ पेह तेहक्योकी ल़ेहया़ स्यिती काम्बुला थोरो डोनी म़ेदी ङाहला ज्यी़सु येहकें ओ़ह सोङबे ङाहगी ओ़ह ल़ेहमु पेहक्यो यिहम्बा।
ကြော်ငြာတွေ